cor_2020_cua_clt_act_book/act/4.json

{
  "1": "Jơu neq, tuôôy oot đong đnooy dii manih karôp, khơl thơy dok dơơp, kung khơl jư hnhư hơu ji  kaluh maniih Sa-đuu-sêê kahlôp truh oot,\n",
  "2": "thiier kung tôq jaraq vii vaarq adro đong padooh pato manih karôp ji đnooy vlôôh varơuq riirh hlê xing aduq kaxêêt đom Lôôk Jê-xuu.\n",
  "3": "Yôôych biing oot palo tii tal vaarq adro ji rôp muut karuk kôô truh hngơy atêq, vii wat nưq heq kamưng yôôych.",
  "4": "Bơh phơn 'ngưưng dro đom sôôq kaluh adro atêq tuôôq tameng apok padoh nưq heq tuôq, ji sôôq adro khơl kanau heq tok truh  lakaah dăp ravơu.\n\n\\ts\\*\n\\p",
  "5": "Varơuq xliih vlôôh muut hngơy klôôy atêq, khơl dưk xanưk kua oot kung khơl kadraq lơơk ji khơl thơy pato ganuun jaah ta gumq hlê aduq Jê-ruu-saa-leem, \n",
  "6": "dii An-nee thơy dok dơơp kôt lơyq, kung Kaay-phee, Jăng, A-leek-xaan-đơơ ji dêq hloay khơl adro jêêk truh ka adrơơk thơy dok dơơp kôt lơyq.",
  "7": "Atêq tuôôy jarooy vaarq adro xôq măn tul, oot vôôch: \"Xing taay yaak leq, haay taayh yal kơyq đơu khơl kơy heq dơơp varơuq nưq?\"\n\\ts\\*",
  "8": "Muut jơu neq, vii jaah viik yok Lôôk Phool Hieel, Phi-ee-rơơ heq đnooy dii oot: Wơơy khơl dro dưk xanưk kua manih karôp ji khơl kadraq lơơk,",
  "9": "atoh hngơy neng 'wot biq vôôch hlê truh varơuq kaxaay đôôyq dii muuyq dro jiq, aneq gamưưh 'leq ay nưq  heq jaah paxêêk yơơh\n",
  "10": "yôôych neq jơq laa varơuq jaah dêq hloay khơl kơy ji padêq manih Y-sơơ-raa-êêl xet truh, aneq taayh yal Lôôk Wơơt Dêh Jê-xuu manih Na-xaa-reek, Kơy đơu khơl kơy heq đonq đin tol gay charăk, Kơy đơu Kơy Plêêk heq khieenq riirh hlê xing aduq kaxêêt, nưq laa gamưưh Kơy nưq đơu manih neq dưk kaalh paraat adrooyq kangưưl khơl kơy. \n\\ts\\*",
  "11": "Kadraq laa kuk phơu heq biq 'ya rơơ xing khơl kơy, nưq laa khơl thơq xơy, đơu heq wiih jêêk talaat phơu kadiih muum hnhư.\n",
  "12": "Be e varơuq wơơt xok aduq paq kê kơyq đêh, vii măn 'laalq plêêk be e yal leq đêh jaah kahnii ăm măn tul koot manih xôq haay phaayh gamưưh đnư jaah wơơt.\"\n\n\\ts\\*\n\\p",
  "13": "Tuôôy hloq varơuq kôk dik kua Phi-ee-rơơ ji Jăng, ji nhonq xet aneq baarq kơy laa khơl dro be hok ji vlôô, yôôych oot tưưng hưưng, oot kung nhonq vlôôh vaarq dro, aneq vaarq dro heq hmưq măn dii Lôôk Jê-xuu.\n",
  "14": "Đoom tuôôy, vii hloq manih khơl kanau heq jaah pa yơh dưk dii baarq kơy, atoh oot leh e varơuq kajoq xôq tơơl aklơ hlê.\n\n\\ts\\*",
  "15": "Jơu neq, atêq tuôôy vlôôh lơơh ka taleq dro nưq hooy khooyh hnhư xadrah, oot ta jauq dii mamuuyq. ",
  "16": "aneq: \"Haay duh dơơp kajoq dii khơl dro neq? Nưq laa xing muuyq pheep akêh anưq anưq  heq xliih vlôôh xing taleq dro neq, dik laa roo raang đôôyq dii dêq hloay khơl kơyq đong riirh aduq Jê-ruu-saa-leem, ji haay leh hnoq lưp nhonq. ",
  "17": "Long anưq, xôq varơuq neq leh taba đnooy vlôôh athêêp tul wach manih karôp, haay phayh đnooy joa oot leh dơơp đnooyq taayh yal nưq xôq đnooy dii paq kêê dro leq.''\n",
  "18": "Nưq, tuôôy ăm taayh vaarq dro muut, oot vlôôh lơơh leh đnooy vlôôh long pato dayq\npaq kêê varơuq kajoq taayh yal Lôôk Jê-xuu.\n\\ts\\*",
  "19": "Bơh tuôôy Phi-ee-rơơ ji Jăng tơơl apok, vaarq dro heq đnooy dii oot:\" Jơq be laa troq măn adrooyq kangưưr Kơy Plêêk tuôôy tameng tyauq khơl kơy iaq Kơy Plêêk? Khơl kơy daayh xadraah yơu. ",
  "20": "Vii 'wot leh hnoq leh đnooy truh kaluh varơuq xăk heq hloq ji tameng.\"\n\n\\ts\\*",
  "21": "Nưq yôôych, atêq tuôôy haam joa athêêp, oot thaa vaarq dro hooy, jo leh akhiim hloq varơuq kajoq xôq đơu oot e hnoq hmot dook vaarq dro, nưq laa vii kơq manih karôp, xing tôôy dro rapa ayuôt laat Kơy Plêêk truh varơuq heq xaliih vlôôh. \n",
  "22": "vii adro khơl kanau hơq, adro đơu pheep akêh pa yơơh neq xaliih vlôôh, yôôych heq  galơơh poot kưl xanưưm.\n\n\n\\ts\\*\n\\p",
  "23": "jơu neq, atêq tuôôy jaah thaa vlôôh, vaarq adro truh dii ooh ay manih tuôq kua haay  ji taboon hlê tôôy varơuq đơu khơl thơy dok dơơp kôt ji khơl kadraq lơơk heq đnooy dii oot.\n",
  "24": "Tuôôy heq tameng yôôych, oot muuyq xuum tarok apok tok ngưưr truh Kơy Plêêk ji tơơl:  \"Kuh Lôôk, Kadraq laa Kơy heq pa jêêk plêêk, vari ji tahlii, kung tôôy parooh măn đom nưq.",
  "25": "laa Kơy, patek hlê mo kơy 'wot xing Lôôk Phool Hieel, xing aduq huuy kua Đa-viik xa pok Kadraq, heq đnooy aneq: Aleq kaluh daak tôq jaraaq, ji kaluh tamooy paluôôk tinhq hưư leh?\n\\ts\\*\n",
  "26": "Kaluh vuua tol vari dưk tok, ji kaluh padrok kôt jah tagumq hlê kung mamuuyq taa chơơl Lôôk ji taa chơơl Kơy chiuq para jơu kua Kadraq.'\n\n\n\\ts\\*\n\\m",
  "27": "Vii đom dik đanưq, hloay Hê-rôôt ji Bôn-xơơ-phi-laak, kung dii kaluh tamooy xadaay ji manih Y-sơơ-raa-êêl, heq jaah tagumq hlê dii mamuuyq đom theng neq taa chơơl Xa Pok vaah kua Kadraq laa Lôôk Jê-xuu, Kơy đơu Kadraq para jơu,",
  "28": "xôq dưk dơơp kaluh varơuq đơu tii Kadraq ji dong varơuq kua Kadraq heq đinq adrooyq ăm xaliih vlôôh. \n\n\\ts\\*",
  "29": "Jơu neq, Lôôk lơơy, xiin dayh 'yo hlê kaluh apok katơq joa kua oot, ji xiin kahnii ăm  khơl xa pok kua kadraq padoh vlôôh apok Kadraq dii dêq hloay varơuq kôk dik.\n",
  "30": "tuôôy Kadraq tơơk tii kua Kadraq vlôôh xôq ka varơuq paxêêk yơơh, kaluh dơuq akêêh ji kaluh varơuq hlêêl akêêh jaah xaliih truh gamưưh yal kua Xa Pok vaah Kadraq, ji Lôôk Jê-xuu.\" \n",
  "31": "Tuôôy oot heq xadrook apôôy yôôch, aduq đơu oot đong tưưuq hlê biq anhưưh hrưng, yôôych dêq hloay oot rapa jaah viik yok Lôôk Phool Hieel ji padoh taboon apok kua Kơy Plêêk kung dii xuum kôk dik.\n\n\\ts\\*\n\\p",
  "32": "Jơu neq, tưưuq karôp lơyq kaluuh maniih heq tuôyq rapa e achung muuyq xuum klaak ji danưng kooy. Leh kơyq 'yo muuyq varơuq leq đom kaluuh kajoq jêêk truh xăk laa kua đêêh, đơu đôôyq dii oot, tôôy thưư laa kua chuung. ",
  "33": "Ji taay yaak kaalh paraat, khơl jaah rơơrh đooy vlôôh apok xanưk truh varơuq riirh hlê kua Lôôk Jê-xuu, ji vanong kôt galơơh măn tol dêq hloay oot.\n\n\\ts\\*",
  "34": "Vii leh e manih leq tayuuh thiêuq tul wach oot, vii atoh kaluh akơyq laa kôôch jaah dêq vari lut long hnhư waah, yôôych atêq tuôôy tek, oot adrơk truh sôôq jêêt heq agoop jaah, ",
  "35": "yôôych buu aduq jôôk khơl jaah rơơlh, ee jêêk nưq jaah ahlook ăm ka tưưng adro tuuy tyauq adro nưq e xung duuh leq.\n\\ts\\*\n\\p",
  "36": "Jơu neq, Jô-seep, dro jaah khơl jaah rơơrh taayh laa Ba-naa-baa ( anơng jaah jich iiq laa Koot kua varơuq ahluk ahluul), laa muuyq adro Lê-vii, dong maniih Chip-rơơ,",
  "37": "atêq tuôôy tek yôôch manaay ruôngq jêêk  kua xăk, kơy heq adrơk jêêk truh ji buu aduq jôôk khơl jaah rơơlh.\n\n\\ts\\*"
}