cor_2020_cua_clt_act_book/act/3.json

{
  "1": "Jơu neq, Phi-ee-rơơ ji Jăng hooy tok hnhư hơu muut wach xadrook apôôy, laa muut wach  thưq xiit. ",
  "2": "Muuyq adro nưq, biq qwee xing đom klaak miq ni, heq jaah xakôôk truh, laa adro đơu tôôy hngơy manih gô xôq aduq 'mok kua hnhư hơu, aduq jaah taayh laa 'Mok Kaxaay, xôq vôôch jêêt ăm hlooh xing khơl adro hooy muut đom hnhư hơu. ",
  "3": "đơu tuôôy hloq Phi-ee-rơơ ji Jăng xarôp hooy muut đom hnhư hơu, ay xadrook apôôy ăm nhonq jêêt ăm hlooh.\n\n\\ts\\*",
  "4": "Bơh atêq tuôôy kung dii Jăng 'yo trưưng trưưng muut ay nưq, Phi-ee-rơơ đnooy: \"Dayh 'yo muut \"wot!\"\n",
  "5": "Nưq yôôych ay 'yo talunq muut baarq kơy, biit nhonq xok axit kajoq nưq xing oot. \n",
  "6": "Long anưq, Phi-ee-rơơ đnooy: \"Vayaang hloay jêêt, be thưư leq e măn aduq gô, bơh varơuq đơu gô e, gô ăm ay neeh. Taayh yal Lôôk Wơơt Dêh Jê-xuu manih Na-xaa-reet, dayh tawaak hooy.\"   \n\\ts\\*",
  "7": "Tuôôy heq jư chăk ay aduq tii akooh, kơy đơơ ay dưk tok, yôôych jơ nưư, plaa jôôk ji mot kaa kua ay jaah găk kaalh. ",
  "8": "atêq tuôôy kalong tok, ay dưk kajưk ji pa xarôp tawaak hooy, yôôych ay muut đom hnhư hơu dii oot, vơơ hooy vơơ ayut vơơ ayuôt laat Kơy Plêêk. \n\n\\ts\\*",
  "9": "Dêq hloay maniih karôp 'yo hloq ay tawaak hooy ji ayuôt laat Kơy Plêêk. \n",
  "10": "Yôôych oot nhonq vlôôh ay nưq, aneq ay 'miêêh laa dro hloay 'ngôôy vôôch jêêt ăm hlooh aduq 'Mok Kaxaay kua hnhư hơu, nưq atoh oot biq galôp viik varơuq paa kêh ji tưưng hưưng vii varơuq heq xliih vlôôh ka ay.\n\\ts\\*\n\\p",
  "11": "Jơu neq, tuôôy ay nưq đong xatyauq tyauq Phi-ee-rơơ ji Jăng, dêq hloay manih karôp dii viik varơuq tưưng hưưng, kung keeuq mamuuyq chrơơk truh oot ka 'mok ngoo, aduq jaah taayh laa 'Mok Ngoo Sa-lôô-môôn.",
  "12": "Bơh tuôôy hloq anưq, Phi-ee-rơơ tơơl hlê dii manih karôp: \"Tơơl ooh ay, laa maniih karôp Y-sơơ-raa-êêl lơơy, aleq ooh ay xok dơơp akêh truh varơuq neq? Haay aleq ooh ay 'yo wot talung talung đa nưq 'wot heq khieenq ooh ay  tawaak hooy xing taay yaak long varơuq tamaq đêêh kua xăk?\n\n\\ts\\*",
  "13": "Kơy Plêêk kua Ap-raa-haam, Kơy Plêêk kua Y-saak ji Kơy Plêêk kua Ja-kôôp, nưq laa Kơy Plêêk kua mo kơy haay, heq vadoo ayuôôt Xaa Pok kua Kadraq, laa Lôôk Jê-xuu, Kơy đơu oh ay heq jaau ataq ji wih ka'lăk adrooyq kangưưr Phi-laat tuôôy kơy nưq heq ưngq  anưq thaa Kadraq vlôôh.",
  "14": "Bơh ooh ay heq ka 'lăk Kơy Vaah ji Hyioh Jăk, đooy vôôch jaah thaa ka maniih muuyq dro kaxêêt manih.\n\n\n\\ts\\*",
  "15": "bơh ooh ay heq păk kaxêêt Kơy xarôp Alook Varơuq Riirh, laa Kơy đơu Kơy Plêêk heq khieenq riirh hlê xing aduq kaxêêt, đơu 'wot laa adro xanưk ka varơuq neq. ",
  "16": "ji xing xuum tuôq aduq yal Kadraq, ay nưq, adro đơu ooh ay rapa hloq ji xet, yôôych yal Kadraq heq dơơp ăm kaalh paraat. Xuum tuôq nưq gamưưh aduq Kadraq heq ăm ay nưq varơuq kaal paraat paa hloay đaa nưq nưh adrooyq kangưưr dêq hloay ooh ay. \n\n\\ts\\*",
  "17": "Jơu neq, tơơl ooh ay, gô xet aneq ooh ay heq dơơp đom varơuq apuul khưlq, ji khơl padrok kua ooh ay kung daang anưq. \n",
  "18": "Bơh kaluh varơuq đơu Kơy Plêêk heq tauq adrooyq xing huuy kua dêq hloay khơl hnhư kơy hlit, aneq Kơy  Wơơt Dêh kua Kadraq phaayh chiuq jiq jiêh, yôôych Kadraq heq dơơp jaah jêêk đa nưq.\n\n\n\\ts\\*",
  "19": "Jo anưq, dayh wiit xuq, ji rawiit wiit hlê, xôq karôp maroh kua ooh ay jaah paa hlơp,",
  "20": "hlơu ăm ka kawah adriirh đơơu truh xing varơuq rama kahnoq kua Lôôk, ji Kadraq patăk dăch Kơy heq jaah pato đinq ka ooh ay, laa Lôôk Wơơt Dêh Jê-xua, \n\n\n\\ts\\*",
  "21": "laa Kơy duuh phayh jư hlê tol plêêk dong truh kaa tuôôy 'meq hlê tôôy parooh, laa varơuq đơu Kơy Plêêk heq đnooy xing hnu xing huuy khơl kơy hlit vaah kua Kadraq. ",
  "22": "Dik anưq, Môôy-see heq đnooy aneq: 'Lôôk, Kơy Plêêk kua haay hnoq dưk tok ka ooh ay muuyq dro kơy hlit daang đaji gô xing tul wach khơl ooh ay kua haay. Ooh ay hnoq karauq tameng adro ganưq tyauq dêq hloay paq kê varơuq leq đơu adro đnooy kung ooh ay. \n",
  "23": "Bơh varơuq hnoq xaliih vlôôh ka adro leq đơu atoh leh kô tameng adro Kơy hlit nưq, yôôych adro nưq hnoq biq păk kaxêêt khoyh manih karôp.'\n\\ts\\*",
  "24": "Nưq yôôych, dêq hloay khơl kơy hlit xing Sa-muu-êêl ji khơl adro xatyauq atêq kơy, atoh oot tok apok đnooy, yôôych oot kung padooh tauq truh kaluh hngơy neng.",
  "25": "Ooh ay laa koot xau kua khơl kơy hlit ji kuah pa leek đơu Kơy Plêêk heq paleek dii mo kơy haay, tuôôy đnooy dii Ap-raa-haam, aneq: 'ji xing muuyq ka tôôl kua koot, dêq hloay kaluh adrơơk tol vari hnoq jaah vanong,'\n",
  "26": "Adrooyq dik dii ooh ay, atêq tuôôy dưk tok  Xa Pok Kadraq, Kơy Plêêk heq patăk dăch Kơy nưq truh kahnii vanong ka ooh ay đaa ji rawiit ngưưr tôôy adro khooyh varơu jaan xơk kua xăk.\"\n\n\\ts\\*"
}