See in Reader
47 lines
8.6 KiB
JSON
47 lines
8.6 KiB
JSON
{
|
|
"1": "Jơu neq, tuôôy qwiêt đingq heq jaah tawaay vlôôh xôq ăm 'wot hooy beng trôôk daak tahlii truh Y-taa-lii, yôôych oot jaau hloay Phao-lôô hloay muuyq sôôq manih tuu kadrơơy ăm muuyq dro padrok xanưk, anơng Ju-lơơ, jêêk bing kun Âu-guu-taa.",
|
|
"2": "ajơ nưq, tuôôy heq xôq jôôk tok muuyq apoop taau xing A-traa-miit, đong ralauq palauq dalơơh tahlii truh kaluh aduq pangach tyaauq A-sii, yôôych 'wot jaah jarooy vlôôh tahlii, A-rii-taak, manih theng Tê-saa-lôô-nii-kaa, dêh Ma-xêê-đoaan măn kung 'wot.\n\\ts\\*",
|
|
"3": "Yôôych hngơy klôôy atêq, 'wot paa găp muutg Si-đôôn,ka ajơ Ju-lơ, vii đơu đaayh dii Phao-lôô, thiet tơơl daal, heq ăm pheep kơy truh dii kaluh khơl wơơy xôq e jaah varơuq vach daay kua oot.",
|
|
"4": "Xing aduq nưq, atêq tuôôy vlôôh maa daak, 'wot ăm taau rapaah akhiit đoot Chip-rơơ bơh vii khiel đong klôôp kaxơơlh.",
|
|
"5": "Ka ajơ, atêq tuôôy dalơơh hlê dêh tahlii pangach tyaauq Si-lii-sii ji Bam-phii-lii, 'wot heq pagăp gaah muut My-raa jêêk Ly-sii.",
|
|
"6": "Măn đnư, vii adro paa drok kôt axek jaah muuyq poop taau xing A-leek-xaan-trii e wach kaplaah dalơơh truh Y-taa-lii, atooh kơy jarooy 'wot tok taau nưq.\n\n\\ts\\*",
|
|
"7": "Nưq yôôych, ratơơh 'ngưưng hngơy ratơơh rapaah manưưng ji ajơ heq truh jeq Kơ-niik muuyq kaplaah thieer khoo pơơl, yôôch vii khieel leh ăm pheep wơơt truh jeq iaq đnooyq, 'wot heq ăm taau gamưq akhiit đoot Kơ-rêêt, taa hyioh Sa-môôn.",
|
|
"8": "Yôôych kưq hooy alooh gaah dii doot nưq muuyq kaplaah khoo pơơl, 'wot hooy truh muuyq aduq hơq jaah taayh laa Myh-ka-gaah, aduq neq măn jeq theng La-sêê.\n\n\\ts\\*\n\\p",
|
|
"9": "Bơh xing heq hlơp thiier 'ngưưng kaplaah kawaah, ji yưk hooy nưq yôôch heq wiih jêêk pơơl dal vii đơu vơ heq hlê tuôôy deek xaa hlơơp yôôch, atoh Phao-lôô ahmơk nhăk,",
|
|
"10": "tuôôy đnooy dii oot, aneq: \"Tơơl ooh ay, gô hloq aneq yưk ratơơh hooy neq dong varơuq hnoq ta ngưưr diit hư hlơơp ji 'ngưng hlơơp hlaap, leh vơ truh kông haang ji apoop taau, đơu ee xăk xamơk kua haay đnooyq.\"",
|
|
"11": "Bơh adro padrok kôt jaah ahluk ahluul xing gee kôôych ji kôôch taau iaq laa kaluh apok jaah Phao-lôô padooh đnooy.\n\n\\ts\\*",
|
|
"12": "Long anưq, vii gaah leh trôôch tagu vek gamưq muut muua kaoaq, atot 'ngưưng adro heq ăm avlôôh ưngq anưq vlôôh tahlii xing aduq neq, atoh dong kaplaah leq nưq, yôôch oot e hnoq pagơq gaah măn aduq Phê-niit, muuyq gaah aduq Kơ-rêêt, 'yo tyaauq ngưưr taay naam ji tyaauq ngưưr taay băk, xôq tavơơh hlê muua kaoaq.",
|
|
"13": "Jơu neq, tuôôy khier naam klôôp ahơơy, vii biit heq ik jaah muuyq nưq, atoh atêq tuôôy vưyq talơy, oot ăm taau charơơk pangăch tyauq gaah, hnen takhit đoot Kơ-rêêt.\n\\ts\\*",
|
|
"14": "Bơh be dong xiik atêq, muuyq ja uuh khieel puuh kaxuuh jaah taayh laa Ơ-raa-qwii-lôôn, xing đoot klôôp pôôt.",
|
|
"15": "jơu neq, ajơ taau heq biq guôônq hooy ji leh hnoq taa ngưưr dii khieel ik đnooyq, yôôych atêq tuôôy đơơu ka'lăk mot, 'wot biq đôôk ralơơh.",
|
|
"16": "Bơh atêq tuôôy chrơơk alooh tyaauq gaa kađoq khieel kua muuyq ngok đoot nưq jaah taayh laa Kơ-lôô-đaa, yôôch pơơl hwơơl lơyq 'wot đơơu e hnoq e pa raat tajưư hlê apop ge wơơt manih,\n\\ts\\*",
|
|
"17": "laa thưư đơu tuôôy heq duuy tok, manih oot xok hloay kaluh talơơy varưq waak raa, vek xăk taau dong kajưk. Ka ajơ, Vii ee yôq, xet 'leq e hnoq măk ahyaal tol manaay choah Si-rơơ-tơơ, yôôych tuôôy heq ăm ahliaa neeu pôôt, oot kưq xôq biq đôôk ratơơh đa nưq.",
|
|
"18": "Bơh tuôôy 'wot biq khieer puuh raơơh raơơy, yôôch muut hngơy klôôy atêq, manih nưq paa xarôp qwel đôô đaak pôôt thlii ăm ahyơơl taau.\n\n\n\\ts\\*",
|
|
"19": "Xaroq hngơy thưq pe, oot xing tii qwel pôôt tahlii kaluh palauq dong kajoq tol taau.\n",
|
|
"20": "Jơu neq, đong tuôôy leh e mot hngơy kung be e kaluh xa lok tablo vlôôh đom 'ngưưng hngơy, ka ajơ jauuh khieel leh dee măn đong puuh ranhuq wot, yôôych dêq hloay ta kôô ee hlê aleq ka wot jaah wơơt heq biq hlơơp dêq.\n\\ts\\*",
|
|
"21": "Yôôych tuôôy xiik hlê muuyq kaplaah kawaah yơơt leh xa, yôôch Phao-lôô, ajơ dưk tok măn tul oot, heq đnooy: \"Tơơl ooh ay, đong vlôôh atoh heq tameng tyaauq gô te vlôôh tahlii chuuh khooyh Kơ-rêêt, yôôych kung heq trengq ik hruuh hrek ji hlơp hlieer neq.",
|
|
"22": " jơu neq, gô ahmơk ooh ay kôk kaalh tok, vii hnoq leh e kơyq kaxêêt truh xăk xamơk tul wach ooh ay, đơu vơ hlơơp apoop taau neq heq.\n\\ts\\*",
|
|
"23": "Vii klôôy neng, muuyq kơy hơu xing Kơy Plêêk, Kơy gô jêêk truh ji laa Kơy gô va nê, heq dưk pi gaah gô,",
|
|
"24": "đnooy: 'Phao-lôô, te yôq. Ay duh phayh vlôôh hơu ngưưr Xê-xaa, đơu dayh 'yo hơq, xing xuum khôôt kheeuq Kơy Plêêk heq kahni ka ay tôôy adro đong hooy tol taau dalơơh ra tơơh kung dii ay.'",
|
|
"25": "Vii nưq, tơơl ooh ay, dayh kajưk xuum! Vii gô tuôq gamưưh Kơy Plêêk, aneq dong varơuq heq xaliih vlôôh đaa nưq, tyaauq đaji kaplah heq jaah tauq ka gô.",
|
|
"26": "Bơh haay phayh tagraak ahyaal ka muuyq ngok đoot leq nưq.\"\n\n\\ts\\*\n\\p",
|
|
"27": "Jơu neq, tuôôy truh klôôy thưq kưưl poot, đom ajơ 'wot măn đong pa duôôl tol daak tahlii A-đơơ-riia-tiich, yôôch wach tul mưng, khơl awaayh awơq ăm aneq oot đong kahluh jeq truh muuyq dêh vari leq nưq.",
|
|
"28": "Atêq tuôôy thaa play wolh, oot hloq jaruq vaarq kưl plaalh, yôôych hooy athêêp muuyq kawaah xangưưy iaq, ji wiih thaa plaay wolh, oot hloq ee kưl dăp plaalh.",
|
|
"29": "Ka tuôôy, vii e yôq, xet 'leq 'wot e hnoq ji muut phơu talaat aduq leq nưq, atoh tuôôy heq thaa poot vawaau wak xing aduq ahlooy taau pôôt, oot apôôy biit truh plêêk tađnaah.\n\\ts\\*",
|
|
"30": "Bơh tuôôy khơl awơq awaayh axek kaplaah duu hooy khooyh taau ji ăm ahliaa pôôt wơơt manih pôôt tahlii, dơơp bôô đaji đingq hooy thaa gawak xing muuh taau.",
|
|
"31": "Phao-lôô đnooy dii dro padrok xakaq ji khơl bing kun: \"Atoh khơl manih neq leh măn hlê tol taau, khơl kơy leh hnoq jaah wơơt.\"",
|
|
"32": "Nưq laa bing kun goch kloh talơơy varưq kua gee wơơt manih ji xôq ka ni đôôk hooy.\n\n\\ts\\*",
|
|
"33": "Jơu neq, ăm truh tuôôy plêêk jeq wiih jêêk tađnaah tađnaak, Phao-lôô ahmơk hloay tôôy adro dayh xa axich tuôông xa, aneq: \"Tuôôy đong biit tamơng ăm truh hngơy neng, hngơy thưq kưl poot, ooh ay măn xa tyaauq deek wăk, be chiuq xa kajoq.",
|
|
"34": "Nưq, gô xiin ooh ay dayh xa axich tuôông xa, vii varơuq nưq laa deng ka varơuq waay wơơt ooh ay. Vii leh kơyq đom ooh ay hnoq hlơơp muuyq raq hlôôk tol akoq.\" ",
|
|
"35": "Nưq laa, ajơ heq đnooy đa nưq ji xok tôôp vlôôh, kơy kuh kwoay Kơy Plêêk ka ngưưr tôôy adro, yôôch atêq tuôôy pleelh bengq vlôôh, kơy pa xarôp xa.\n\\ts\\*",
|
|
"36": "Yôôch tuôôy tôôy adro e jaah varơuq ahmơk nhăk, yôôch kadiih oot heq xok tuôông xaa.",
|
|
"37": "Jơu neq, 'wot e padêq hloay vaarq hreek pơh kưl drơu dro tol taau.",
|
|
"38": "Ji yôôch, ajơ jaah phiq klaak dii tuôông xa yôôch, oot dơơp ahyơơl taau, beng kaplaah avih vaa phee pôôt tahli. \n\\ts\\*",
|
|
"39": "Jơu neq ajơ plêêk heq xaroq, oot leh nhonq vlôôh dêq vari nưq, bơh oot đơu hloq muuyq poop dêh nưq e naa choah tahli, laa aduq đơu oot ta jauq 'yo e hnoq wek taau muut ik leh.",
|
|
"40": "Goch ka'lak neeu yôôch, oot xôq hlê 'laalq tahli. Ka jơ, atêq tuôôy luuh talơy beeng wek ji pahruh panưưl măn muuh taau, yôôych tyauq ngưưr khieel, oot jư ka taau vayơơh hyioh truh naa choah tahli.",
|
|
"41": "Bơh tuôôy ngưk ka aduq vaarq alook daak tavơơh mamuuyq yôôych taau măk ahyaal, ji vii 'mooch taau hmưk găk măn đnư, taau kưq leh anhưưh hrưng kajoq ik, ee ahlooy taau yôôych biq hmưk padaah naat xing ralăq kalh.",
|
|
"42": "Ajơ nưq, ra koo kua bing kun laa dơơp aleq xôq oot păk kaxêêt khơl tuu karuk, e aneq akơyq nưq e hnoq xadăk gamưưh xing hooy hlơơp.",
|
|
"43": "Bơh vii xung wơơt Phao-lôô, klơơl adro dơơp varơuq heq đơơ klơl kaluh varơuq kua oot, Ka tuôôy kơy vlôôh lơơh ka khơl akơyq xet jalôôy adrooyq dêq talong vlôôh khooyh taau xôq jalôôy muut vari ranưưl,",
|
|
"44": "ji khơl manih ee hlê, taleq dro neq katuk muut kaluh tơmq tapaat, ee sôôq manih hơq xok kaluh tuôông kadrơơy xing xăk taau, yôôch tyaauq kaplaah nưq, varơuq xliih truh ka dêq hloay 'wot laa jaah xagook muut vari manaay kaplaah hrok hror. \n\n\\ts\\*"
|
|
}
|