See in Reader
35 lines
6.3 KiB
JSON
35 lines
6.3 KiB
JSON
{
|
|
"1": "Nưq yôôych, vuua Ak-riip-baa đnooy dii Phao-lôô: \"Kơy jaah pheep xôq đnooy kadih truh xăk. \"Muut jơu neq, atêq tuôôy tơơk tii vlôôh, Phao-lôô kadiih đnooy wak. aneq:\n\\p",
|
|
"2": "\"Kuuh vuua Ak-riip-baa, ta pa truh tôôy varơuq đơu gô biq rôp dăch xing manih Jo Thaayq, gô hloq xăk dik tơơl daal tuôôy jeq kadiih bing ka xăk ka ngưưr vuua hngơy neng,",
|
|
"3": "nhưk laa vii vuua laa manih xet hlolh dêq hloay kaluh dok dơơp ji hloay kaluh dong varơuq tagay takaay tayaat tul wach manih Jo Thaayq. Nưq atooh gô xiin vuua atuq xuum kôô tameng gô.\n\\ts\\*",
|
|
"4": "Dik anưq, tôôy adro Jo Thaayq rapa xet dong riirh kua gô xing tuôôy măn dee, xaliih vlôôh xing tuôôy ka patep tul wach tamooy gô kung đaji ka Jê-ruu-saa-leem.",
|
|
"5": "vii heq xet adrooyq truh gô xing xiik, nưq atoh oot e xuum xôq dơơp xanưk, yôôych nưq laa gô heq riirh tyauq adrơơk ka muk dik đom tôôn jaauq kua wot, laa adrơơk Pha-rii-sii.\n\n\\ts\\*",
|
|
"6": "Jơu neq, gô dưk đneng chiuq xưh xadrah laa vii xuum ta kôô aduq apok tavek Kơy Plêêk heq lôp dii kơl mo kơy kua 'wot,",
|
|
"7": "laa apok tavek đơu kưl vaarq adrơơk 'wot đom varơuq talang jăk, đong takôô kôô xôq nhonq jaah, tuôôy ayuôôt laak Kơy Plêêk hngơy ji klôôy. Kuuh vuua, kadiih vii xuum takôô nưq, gô đong biq rôp adrôk xing manih Jo Thaayq.",
|
|
"8": "Atoh Kơy Plêêk khienq manih kaxêêt riirh hlê, đa leq varơuq nưq biq ăm laa varơuq leh hnoq tuôq ik tul wach ooh ay?\n\\ts\\*",
|
|
"9": "Dik anưq, gô heq kadiih biit duuh phayh dưk dơơp 'ngưưng varơuq tachơơl tangưưr đôôyq dii yal Jê-xuu Na-xaa-reet,",
|
|
"10": "laa kaluh varơuq đơu gô heq dơơp ma aduq măn Jê-ruu-saa-leem, gô đơu vơ măn rôp karuk 'ngưưng dro jaah rơơrh muut karuk atêq tuôôy nhonq jaah taay yaak xing khơl thơy tơơk tưp kôt, ji hloay ajơ oot biq păk kaxêêt, yôôych gô heq ka'lăk phiêuq ưngq anưq.",
|
|
"11": "Tuôôy ragơơy ratơơh rako dook oot đom kaluh hnhư hơu, gô heq ahnanh dăch oot phayh tơơk dalơơh, ka tuôôy vii tôq jaraq oot paq ik, gô đơu vơ heq hooy rôp toop oot ăm truh lôôch kaluh theng daak gôk.\n\\ts\\*",
|
|
"12": "đơu đom kaluh varơuq rôp toop nưq, dong tuôôy hooy trôôk truh Đa-maach kung dii taay yaak ji ka varơuq xing khơl thơy tơơk tưp kôt,",
|
|
"13": "yôôych kuuh vuua, ajơ tul hngơy dưk, tol trôôk hooy, gô 'yo hloq xaraar tađnaah xing plêêk, aah raliaak iaq hloay mot hngơy, xaraar ahnhe raa wiit gô ji khơl adro đong hooy tyauq dii gô.",
|
|
"14": "Ka ajơ, atêq tuôôy dêq hloay 'wot gưlh pôôt vari, gô tek muuyq apok đnooy xanoh dii gô ji apok Hê-bơơ-rơơ: 'Sau-lơơ, Sau-lơơ, aleq koot rôp toop Gô? Dik khoo chiuq ka koot tuôôy heq muut nok 'moot.'\n\\ts\\*",
|
|
"15": "atêq nưq, gô tơơl: Kuuh Lôôk, Kadraq laa kơyq?' yôôch Lôôk đnooy: 'Gô laa Jê-xuu, Kơy đơu koot đong rôp toop,",
|
|
"16": "Long anưq, dayh xalaak kaah ji dưk hyioh tol jôôk koot, vii xing varơuq neq ji Gô heq rama vlôôh dii koot, xôq pato đingq koot dơơp xa pok ji manih xanưk hloay truh kaluh varơuq koot heq hloq aduq Gô, hloay kaluh varơuq Gô hnoq kahnoq ka koot, ",
|
|
"17": "Tuôôy way wơơt koot khooyh tamooy xăk ji khooyh kaluh tamooy daak gôk đơu Gô patăk koot truh,",
|
|
"18": "xôq luuh mot oot, hlơu ăm rawiih khooyh kamưưng jaluk ngưưr truh xaraar tađnah, ji khooyh qwien da-uh kua Sa-taan truh kung Kơy Plêêk, xôq oot nhonq xok varơuq thaa ka'lăk karôp marooh, kung garuh anôp tul wach khơl manih heq jaah vaah xarêh xing xuum tuôq aduq Gô.'\n\n\\ts\\*",
|
|
"19": "Vii anưq, kuuh vuua Ak-riip-baa, gô heq be hôôk tameng đôôyq dii kahnoq adrooyq xing plêêk nưq,",
|
|
"20": "wih hlê, adrooy dêq gô heq padoh taboon ka khơl manih aduq Đa-maach, yôôych padêq măn Jê-ruu-saa-leem, hloay loch padêq dêh Ju-đêê, kung ăm khơl tamooy daak gôk, phayh wiit xuum ji wiit xuq kung Kơy Plêêk, dưk dơơp kaluh varơuq dong tolh dii xuum wiit xuum nưq.",
|
|
"21": "vii kơq kaluh varơuq nưq, manih Jo Thaayq, atêq tuôôy rôp jư gô đom hnhư hơu, ragơy axek trôôk păk kaxêêt gô.\n\\ts\\*",
|
|
"22": "Nưq, gamưh nhonq jaah varơuq wơơt waak xing Kơy Plêêk ăm truh hngơy neng, gô heq dưk tok, dơơp xanưk nhăp ăm adro dee, nhăp ăm khơl kôt, leh đnooy kajoq đêh iaq kaluh kajoq đơu padêq khơl kơy hlit hloay Môôy-see heq đnooy laa xarôp xaliih vlôôh-",
|
|
"23": "aneq Lôôk Wơơt Dêh jaah đingq phaayh chiuq pơơl, ji vii laa manih adrooyq dêq vlôôh xing varơuq riirh hlê kua khơl adro kaxêêt, Kadraq hloay hnoq đnooy vlôôh varơuq tađnaah dêq ka tamooy karôp 'wot hloay kaluh tamooy daak gôk.\"\n\n\\ts\\*\n\\p",
|
|
"24": "Jơu neq, tuôôy kơy đong kadiih đnooy wăk ji kaluh varơuq neq, Phê-tuu đnooy kaalh xarooy aneq: \"Kơy adruôôy yôôych, Pao-lôô lơơy! Varơuq hok vôôch 'ngưưng lơyq dơơp kơy jêêk adro taa 'ngơk.\"",
|
|
"25": "Bơh Phao-lôô đnooy: \"Gô leh adruôôy 'leq, tơơl kadraq Phê-tuu đangq vanê, wih hlê gô đong đnooy kaluh apok dong dik ji hyioh hyach.",
|
|
"26": "Vii khơl vuua xet truh kaluh varơuq neq - gô đơu vơ kôk lơyq tơơl dii kadraq - xing gô tuôq chăk be muuyq varơuq leq đom kaluh varơuq neq paduu ik khơl vuua, vii dong varơuq nưq yôôych heq leh hnoq ik dưk dơơp măn muuyq ka vuul leq nưq. \n\\ts\\*",
|
|
"27": "Kuul vuua Ak-riip-baa, vuua tuôq khơl viq kơy hlit leh? Gô xet aneq vuua tuôq.\"",
|
|
"28": "Bơh Ak-riip-baa dăch Phao-lôô: \"Kơy đong ahluk ahluul gô xôq wiih jêêk khơl tuôq kơ đôk đom kawaah kaplaah lêq aleq?\"",
|
|
"29": "Bơh Phao-lôô tơơl: \"Nii laa gô apôôy xiin Kơy Plêêk, long đong kaplaah kawaah lêq long yơơt, leh vơ vuua, đơu ee dêq hloay kaluh akơyq tameng gô hngơy neng jaah wiih jêêk kung muuyq danưng daang đaji gô đong e, leeh jauq taleq looy tooy neq.\"\n\\ts\\*\n\\p",
|
|
"30": "Yôôych vuua dưk tok, kung dii qwaang padrok dêh, dê mo Bê-rêê-niik hloay khơl manih đong 'ngôôy dii oot.",
|
|
"31": "ji atêq tuôôy chuuh hooy, oot ta jauq dii mamuuyq, đnooy aneq: \"Manih neq be dơơp kajoq đangq kaxêêt long rôp tuu.\"",
|
|
"32": "Yôôych Vuua Ak-riip-baa đnooy dii Phê-tuu: \"Manih neq 'miêh e hnoq jaah thaa, atooh kơy nưq heq be kiênq hlê tok Xê-xaa.\"\n\n\\ts\\*"
|
|
}
|