See in Reader
30 lines
5.4 KiB
JSON
30 lines
5.4 KiB
JSON
{
|
|
"1": "Jơu neq, atêq dăp hngơy, thơy tơơk tưp kôt A-naa-niia, kung dii taleq dro kadraq lơơk nưq, ji hnhưư taa gêêh Tet-tuu-luu hơq heq hooy pôôt, laa khơl adro kahnoq truh xôq kieenq tauq adrooyq qwaang padrok kôt taa chơơl Phao-lôô.",
|
|
"2": "Yôôych tuôôy kơy heq jaah taayh truh, Tet-tuu-luu paa xarôp tauq taboon kơy, tuôôy tơơl: \"Vii ik jaah varơuq langưưp paat kôt gamưh kadraq, ji jo 'ngưưng dơơp đơơu xaliih truh ka tamoy adơơk neq xing varơuq 'yo xangưưy ranưưh ranưưy kua kadraq,\n\\p",
|
|
"3": "atooh tơơl kadraq Phê-liit đaangq ado, padêq đom tôôy varơuq hloay lơt tôôy aduq, 'wot vach nhonq xôq kaluh kông varơuq nưq dii dêq hloay xuum xet vanong.\n\\ts\\*",
|
|
"4": "Bơh xôq gô khooyh dơơp ngơyq kadraq athêêp 'ngưưng iaq, gô xiin kadraq, dii varơuq atuq xuum kua kơy, tameng 'wot paa dooh lêê lêq.",
|
|
"5": "Dik, vii kaa hnoq kadra neq đaji thưư jiq jooh, ji laa dro taa nhơơ varơuq xôôl dôôl aduq tôôy adro Jo Thaayq loch dêh araak, kaa ajơq laa dro paa jarooy adrơơk Na-xaa-reet,",
|
|
"6": "đơu ni taa bơh heq raanq dơơp lôp adrôp hnhư hơu, kung laa adro đơu 'wot heq rôp jưư, - ( Wot xung xadrah xưưh ni tyauq tuk lêêq kua 'wot.\n\n\\ts\\*",
|
|
"7": "Bơh adro padrok xanưk Ly-siia, atêq tuôôy truh aduq, heq tagoa xok ni khooyh tii 'wot ji jaauq xiaah,",
|
|
"8": "vlôôh lơơh ka khơơl adro tauq taboon ni phaayh truh adrooyq kadraq] - đơu xing aduq ni, kadraq hnoq e hno kadiih xăk traa vôôch truh dêq hloay kaluh varơuq neq xôq nhonq vlôôh kaluh kadrôk đơu 'wot đong eep dăch ni.\"",
|
|
"9": "Nưq yôôych, manih Jo Thaayq kung kaua tyauq, 'yo nhonq kaluh varơuq nưq laa đa nưq.\n\\ts\\*\n\\p",
|
|
"10": "Phao-lôô kung heq tơơl hlê, atêq tuôôy qwaang padrok dêh avlôôh hlêêl ka kơy đnooy: Vii xet kadrayq heq dơơp qwaang xưh xadrah ka tamooy neq đom 'ngưng xanưm, atoh gô hlaah xuum kadiih đnooy waak truh kaluh varơuq aa piq truh gô\n\\p",
|
|
"11": "xing Kadraq e hnoq nhonq xet aneq xing tuôôy gô hooy tok xôq vanê ayuôôt aduq Jê-ruu-saa-leem laa leh galơơh kưl vaarq hngơy,",
|
|
"12": "ji oot leh rôp tavơơh gô tayaat takaay dii kơyq đom hnhư hơu, kung be dơơp vlôôh varơuq a'luk a'laak aduq manih karôp, long đom kaluh hnhư hơu, long loch hloay theng phôôq,",
|
|
"13": "Oot kung leh e pa raat xanưk xăk kajoq ka kadraq truh kaluh adrôk đơu oot neq đong kiênq rôp kadrôk.\n\\ts\\*",
|
|
"14": "Bơh gô ưngq anưq dii Kadraq varơuq neq, aneq tyauq đaji Đaauq đơu oot taayh laa jơq, đơu tyauq nưq gô hơu varơuq Kơy Plêêk kua khơl mo kơy, xôq xuum tuôq muut dêq hloay kaluh kajoq ganưq tol ga nuun ji kaluh apok jaah valơk đom kaluh rahlap hlit,",
|
|
"15": "e xuum ta kôô aduq Kơy Plêêk đơu kadiih oot kung đong ta kôô, tuôôy đingq laa hnoq e varơuq riirh hlê kua padêq manih hyioh jăk hloay adro xơk tauq.",
|
|
"16": "Vii kơq nưq, kadiih gô kung pagăk parat xôq e muuyq xuum klaak leh huq trek adrooyq kangưưr Kơy Plêêk ji koot manih đom tôôy varơuq. \n\\ts\\*",
|
|
"17": "Jơu neq, atêq 'ngưng xanưm, gô wiit xuq, xagook tyauq jêêt waak rơơy ka vari dêh xăk, kung kaluh kua tơơk tưp,",
|
|
"18": "đơu muut ajơ nưq, oot nhăp tavơh gô chiuq paxarêh adrôp đom hnhư hơu, leh achung dii manih karôp, kung be kung dii varơuq xôôl dôôl.",
|
|
"19": "Bơh taleq dro Jo Thaayq hơq xing A-sii, laa khơl adro dơơp aleq phayh truh ka hnoq adrooyq kadraq yôôych đơu kiênq, atoh oot e paq kê varơuq kajoq tachơơl dii gô.\n\n\\ts\\*",
|
|
"20": "Long laa kadiih khơl manih măn đneng phayh đnooy avlôôh varơuq be troq leq đơu oot heq axek ik tuôôy gô dưk adrooyq hnhư xadraah kua manih Jo Thaayq,",
|
|
"21": "e be laa truh muuyq apok đnooy dăch đa neq đơu gô heq laa kaalh tuôôy dưk tuul oot, aneq: Gô đong chiuq xưh xadraah adrooyq khơl kơy hngơy neng ta pa truh varơuq riirh hlê kua khơl kaxêêt.\" \n\\ts\\*\n\\p",
|
|
"22": "Nưq yôôych Phê-liit, vii xet 'ngưng hyioh jăk kaluh dong varơuq aa piq truh Đaauq, heq pajaa hlê varơuq xưh kaluh panưưh, tuôôy đnooy: \"Dong leq adro padrok xanưk Ly-siia e hnoq hooy pôôt đneng, gô hnoq đingq hloay kaluh varơuq ta pa truh khơl kơy,\"",
|
|
"23": "ji vlôôh lơơh ka adro padrok ưk karauq jưư Phao-lôô, ka ajơ phaayh ăm kơy e varơuq rayơơh rayơơy, ji leh xakaq klơl kaluh manih klơơl khơl hnhư kua kơy truh jư 'yo kơy.\n\n\\ts\\*\n\\p",
|
|
"24": "Yôôych taleq hngơy atêq nưq, Phê-liit, tuôôy wiit hlê kung dii Đơ-ruu-sii kadrê ni, laa muuyq mư kadrê Jo Thaayq, yôôych heq ăm taayh Phao-lôô truh ji tameng kơy padooh taboon truh xuum tuôq aduq Lôôk Wơơt Dêh Jê-xuu.",
|
|
"25": "Bơh tuôôy kơy đong padoh taboon truh varơuq hyioh jăk ji varơuq jưư xăk, kung varơuq xưh xadraah hnoq truh, yôôych Phê-liit, vii kadrăch varaar, heq tơơl hlê: Jơu neq dayh atut vlôôh, bơh tuôôy e kawah leq, gô hnoq ăm taayh kơy truh.\"\n\\ts\\*",
|
|
"26": "Kung ajơ nưq, kung vii takôô kôô aneq hnoq e axit jêêt baak jaah Phao-lôô palo ăm ka xăk, atoh xing nư, qwaang padrok dêh kưq ragơơy apleeh dii kơy tuôôy ăm taayh kơy truh raa tơơh. ",
|
|
"27": "Bơh tuôôy taba dêq vaarq xanưm, Phê-liit e manih tok dơơp laa Bôt-tiiu Phê-tuu, ka tuôôy vii xung xok xuum manih Jo Thaayq, atoh Phê-liit heq xôq Phao-lôô biq karuk.\n\n\\ts\\*"
|
|
}
|