cor_2020_cua_clt_act_book/act/23.json

{
  "1": "Jơu neq, atêq tuôôy 'yo trưưng trưưng muut khơl xadraah, Phao-lôô đnooy: \"Tơơl khơl draq, tơơl khol ooh ay, gô heq riirh kaa ngưưr Kơy Plêêk dii dêq danưng kooy xarêh xaraat dong truh hngơy neng .\"",
  "2": "Bơh thơy tơơk tưp kôt A-naa-niia vlôôh lơơh ka khơl manih dưk jeq kơy pađaa muut huuy kơy.",
  "3": "muut ajơ neq, Phao-lôô đnooy dii kơy nưq:  \"Apưt apưưt biq 'yuôt koo hơq, Kơy Plêêk  rako đnaayh kơy! Kơy 'ngôôy xưh xadrah gô tyauq gaa nuun, đơu vlôôh lơơh xôq gô biq tieer trăk ganuun aleq?\"\n\n\\ts\\*",
  "4": "Long anưq,bơh manih dưk gaah nưq đnooy: \"Kơy đong karoay axaap thơy tơơk tưp kôt kua Kơy Plêêk ih?\"",
  "5": "Phao-lôô đnooy: \"Tơơy ooh ay, gô heq leh xet aneq kơy nưq laa thơy tơơk tưp kôt. Vii heq e pheep aneq: 'Manih te đnooy varơuq xơk dii dro dưk xanưk tamooy haay.\"'\n\n\\ts\\*\n\\p",
  "6": "Nưq yôôych, tuôôy nhonq hloq aneq muuyq bing laa manih Sa-đuu-sêê, ee bing hơq laa manih Pha-rii-sii, Phao-lôô heq đnoyq kôt apok tul  khơl xadrah, aneq: \"Tơơl khơl draq, tơơl kaluh ooh ay, gô laa muuyq dro Pha-rii-sii, koot kua manih Pha-rii-sii; Gô đong biq xưh xadrah aa piq truh xuum taa kôô ji varơuq riirh hlê kua  adro kaxêêk.\"",
  "7": "Jơu neq, tuôôy kơy đnooy varơuq neq, yôôych muuyq varơuq takaay tayaat xaliih vlôôh tul manih Pha-rii-sii ji manih Sa-đuu-sêê, yôôych manih karôp biq aklaah bing vlôôh.",
  "8": "Vii manih Sa-đuu-sêê đnooy aneq leh e varơuq riirh hlê, kung leh e kơy hơu long kaluh yaak, bơh manih Pha-rii-sii yôôych ưngq anưq dêq vaarq varơuq nưq. \n\n\\ts\\*",
  "9": "Nưq atooh, xarooy laa ook taa chơơl ngơyq ngââng xaliih vlôôh, ji atêq tuôôy dưk tok, muuyq sôôq thơy pato ganuun jêêk bing Pha-rii-sii taa gêh, aneq: \"Wot be hloq e adrôp xơk kajoq aduq manih neq. Đơu xet 'leq, muuyq yaak long muuyq kơy hơu heq đnooy kung kơy nưq...\"",
  "10": "Ji yôôych, tuôôy karung 'mung wiih jêêk pơơl hwơơl, dro padrok xakaq, vii loo yôq nưh Phao-lôô e hnoq biq oot chieah xăk, heq vlôôh     lơơh ka bing kun hooy pôôt tagoa xok kơy xing tul wach oot, kaa ajơ xagook kơy xuq đôôn.\n\n\\ts\\*\n\\p",
  "11": "Bơh, muut klôôy hngơy atêq, tuôôy truh pii gaah kơy: Lôôk đnooy:\"Daayh kajưk xuum vii koot heq dơơp xanưk truh Gô đa leq aduq Jê-ruu-saa-leem, yôôych varơuq duuh diik ka koot kung laa dơơp xanưk đa nưq aduq Rô-maa.\"\n\n\\ts\\*\n\\p",
  "12": "Nưq yôôych truh xaroq, atêq tuôôy paa tuut kung mamuuyq, taleq dro Jo Thaayq kadiih  paleek đôk, aneq leh xa kung be hôôych dong truh tuôôy bing oot păk kaxêêt jaah Phao-lôô.",
  "13": "Ajơ nưq, e galơơh poot kưl dro paa tuut neq,\n\\ts\\*",
  "14": "đơu tuôôy truh dii khơl thơy tơơk tưp kôt ji khơl draq lơơk, oot tơơl: \"Wot heq paleek đôk muuyq apok karoay axaap kadiih xăk xôq leh  xa kajoq dong truh tuôôy 'wot păk kaxêêt jaah Phao-lôô.",
  "15": "Vii nưq, jơu neq, xiin khơl kơy kung khơl xadraah vlôôh mot adrooyq adro padrok xakaq, đaa nưq đong đingq vôôch axek hlêêt hlaap iaq kaluh dong varơuq apiq tapa truh ni, xôq kơy nưq e hnoq jarooy ni pôôt ka khơl kơy. EE wot yôôych palauq karauq \nxôq păk kaxêêt ni adrooyq tuôôy ni truh aduq.\"\n\n\\ts\\*",
  "16": "Bơh koot kanau kua ay Phao-lôô, vii heq tameng truh paa tuut takô karauq, atoh atêq tuôôy truh ji muut đom đôôn, heq tauq tiin neq ka Phao-lôô. ",
  "17": "Nưq laa, ajơ heq taayh muuyq đom khơl adro padrok xanưk hlê, Phao-lôô đnooy: \"Xiin jarooy nhuu tadăp blaay neq truh dii adro padrok xakaq, vii nhuu e varơuq padooh taboon ka kơy nưq.\"\n\n\\ts\\*",
  "18": "Nưq, atêq tuôôy jarooy nhuu tyauq, adro padrok xakaq heq jarooy nhuu truh tavơơh viq adro padrok ji tơơl: \"Adro tu Phao-lôô, atêq tuôôy taayh gô, heq gamưưh gô jarooy nhuu tadăp blaay neq truh ka kadraq, vii e varơuq phaayh đnooy dii kadraq.\" ",
  "19": "Nưq laa, atêq tuôôy heq nămq tii nhuu ji hruut muut aduq đêê đêêh, dro vadok xakaq vôôch: \"varơuq đơu nhuu e xôq padooh tauq ka gô laa kajoq?\"\n\n\\ts\\*",
  "20": "Jơu neq nhuu tơơl aneq: \"Khơl manih Jo Thaayq heq ưngq anưq xung dăch kadraq aleq ka hngơy dơơh kadraq e hnoq jarooy  Phao-lôô pôôt ka khơl xadrah, đaa nưq đong đingq palăk vôôch hlêêt hloay iaq truh kơy nưq. ",
  "21": "Joo nưq, xiin kadraq te xôq biq bing oot tuôq tyauq, vii galơơh poot kưl dro đom sôôq oot đong ganưq duu riing kôô kơy nưq, laa khơl adro heq kadiih tavroq đôk leh xa kung be  hôôych dong truh tuôôy păk kaxêêt jaah kơy. Hloay jơu neq oot đong ralauq palauq, kôô takôô varơuq ưng anưq xing kadraq.\"\n\n\\ts\\*",
  "22": "Nưq, adro padrok xakaq ăm nhuu tadăp blaay vlôôh xuq, pato daayq nhuu: \"Te ăm kơyq xet aneq nhuu heq padooh taboon ka gô kaluh varơuq neq.\"",
  "23": "Atêq tuôôy, dach taayh vaar dro dưk xanưk hơq, kơy dăch: \"Dayh palauq ralauq vaarq hreek bing kun kung dii pơh kưl acho ôôq ahleh ji vaar hreek lingq adrơk jaauq atêq ăm biing kun e hnoq tok trôôk hooy Se-saa-rêê muut wach thưq pe klôôy neng,\"",
  "24": "kaa ajơ ataq ăm ôôq acho xôq ka Phao-lôô 'ngôôy tok, biing e hnoq ăm kơy nưq hrok hror truh padrok dêh Phê-liit,\n\\ts\\*",
  "25": "đom tuôôy heq valơk hlaa thưư e đnooy varơuq đaa neq: ",
  "26": "\"Kơ-lôôt Ly-siia ataq kơy padrok Phê-liit đong vanê: Apok vôôch hlơq hrok kaalh.",
  "27": "Adro neq, atêq tuôôy biq rôp xing manih Jo Thaayq ji jeq biq oot păk kaxêêt, yôôych gô heq jaah wơơt tuôôy truh talaap kung dii bing  kun, vii xet ik aneq trôôk varơuq laa koot manih La Maah .\n\n\\ts\\*",
  "28": "Kaa ajơ, vii xung xet truh apok rôp adrôp đơu xing nưq oot kieenq hloay kơy nưq, gô heq  jarooy kơy nưq pôôt ka Khơl Xadrah kua oot.",
  "29": "đơu gô hloq kơy nưq biq rôp dăch apiq truh kaluh aa pleeh truh ganuun nưq kua oot, bơh be e rôp kadrôk leq đaanq kaxêêt long rôp tuu.",
  "30": "Nưq yôôych, atêq tuôôy muuyq paa tuut hnoq xaliih vlôôh tachơơl dii manih neq jaah tauq vlôôh ka gô, gô heq vơơ nhăp jarooy trôôk varơuq truh kadraq, tuôôy kung vlôôh lơơh ka khơl manih rôp kadrôk phayh tơơl kieenq adro nưq adrooyq ngưưr kadraq.\" \n\\ts\\*\n\\p",
  "31": "Nưq, khơl bing kun, tyauq nưưlh lơơh jaah patăk ka xăk, atêq tuôôy jarooy Phao-lôô tyauq, heq xagook kơy hooy đom kaa klôôy truh An-tii-baa-trii.",
  "32": "Yôôych hngơy klôôy atêq, oot wiit xuq đôôn, tuôôy heq xôq khơl lingq kun hooy đnooyq kung kơy,",
  "33": "đơu bing kun neq, tuôôy heq muut đom theng Sê-saa-rêê ji ataq hlaa thưư ka qwaang padrok dêh, yôôych kung heq xagook aa vlôôh Phao-lôô ka kơy nưq.\n\\ts\\*",
  "34": "Jơu neq, atêq tuôôy đok thưư ji vôôch kơy e vlôôlh hooy xing dêêh leq, yôôych ajơ heq xet laa katuu măn Si-lii-sii,",
  "35": "qwaang padrok dêh đnooy: \"Gô hnoq xa draah kơy tyauq ganuun tuôôy khơl manih tauq taboon kơy kung truh đneng\", yôôych lơơh ka kơy jaah karauq jư đom kuung kua Hê-rôôt.\n\n\\ts\\*"
}