See in Reader
33 lines
5.8 KiB
JSON
33 lines
5.8 KiB
JSON
{
|
|
"1": "\"Tơơl khơl draq, khơl ooh ay ji khơl vaq nhuu, xiin tameng apok đnooy wăk kua gô dii khơl draq jơu neq.\"",
|
|
"2": "Ajơ nưq, tuôôy tameng aneq kơy đong padooh taboon ji apok Hê-bơơ-rơơ dii xăk, oot kang athêêp iim hnhep ieaq đnooyq. Yôôych kơy đnooy:\n\n\\ts\\*\n\\p",
|
|
"3": "\"Gô laa manih Jo-Thaayq, paiir aduq theng Tat-sơơ dêh Si-lii-sii, bơh jaah pato dayq đom theng neq aduq jôôk thơy Ga-maa-lii-êêl, jaah pato daay tyauq trôôk hooy tamaq tamach kua ga nuun xatyauq jaah xing vaq kơy, e xuum talang jăk vii Kơy Plêêk, dang đaji dêq hloay ooh ay đong e hngơy neng.",
|
|
"4": "laa dro heq rôp top Đaauq neq ăm truh kaxêêt , tuôôy rôp vek ji karuk muut tuu padêq khơl kanơu hloay khơl kadrê,",
|
|
"5": "dang đaji thơy tơơk tưp kôt dơơp xanưk ka gô kung padêq hloay khơl kadraq lơơk, laa khơl viiq đơu atêq tuôôy nhonq thưư xing aduq oot ataq ka khơl oh ay, gô tok trôôk truh Đa-mach, hooy jarooy trôôk khơl dro biq rôp jưư măn kaa đnư xuq truh Jê-ruu-saa-leem, xôq ka oot e hnoq biq hmot dook.\n\n\\ts\\*",
|
|
"6": "Jơu neq, varơuq xaliih vlôôh kaa gô nưq laa tuôôy đong hooy trôôk ji jeq truh Đa-mach, wach hngơy dưk, vơ e, muuyq jaraak tađnaah thiier kôt xing plêêk xaraal ahnhe rawiit gô.",
|
|
"7": "Ka ajơ, gô gưlh chum muum pôôt vari ji tek muuyq apok đnooy dii gô, aneq: \"Sau-lơơ, Sau-lơơ, aleq koot rôp toop Gô?\"",
|
|
"8": "Nưq yôôych, gô tơơl hlê: 'Tơơl Lôôk, Kadraq laa kơyq?' Kadraq tơơl dii gô: 'Gô laa Jê-xuu manih Na-xaa-reet, Kơy đơu koot đong rôp toop.'\n\n\\ts\\*",
|
|
"9": "Ajơ nưq, khơl manih đong măn kung gô 'yo hloq jaraak tađnaah nưq, bơh oot leh tameng hlolh apok kua Kơy đong đnooy dii gô.",
|
|
"10": "EE gô yôôch tơơl: 'Kuh Lôôk, koot duuh dơơp kajoq?' Atêq nưq, Lôôk xanooh dii gô: 'Atêq tuôôy dưk tok, daayh hooy muut theng Đa-maach, ji aduq nưq koot hnoq jaah đnooy ăm xet truh dêq hloay kaluh kajoq heq jaah đingq ka koot phayh dơơp.' ",
|
|
"11": "Nưq laa, đom ajơ gô leh 'yo hloq roo vii kơq jaraak tađnaah xaraal amôô nưq, atooh gamưưh ik nămq tii jarooy hooy xing khơl manih măn kung ni, gô heq hooy muut theng Đa-maach.\n\\ts\\*",
|
|
"12": "Jơu neq, ay A-naa-niia nưq, muuyq dro talang jăk tyauq ga nuun, jaah xanưk kaxay xing tôôy dro Jo-Thaayq riirh ka đnư.",
|
|
"13": "tuôôy heq truh dii gô ji dưk pii gaah, ay dach gô: \"Ay Sau-lơơ lơơy, dayh tađnaah mot hlê.\" Kadiih wach nưq, gô 'yo atok hloq ay nưq.\n\\ts\\*",
|
|
"14": "Atêq nưq, ay đnooy: \"Kơy Plêêk kua mo kơy haay heq rơơrh ay xôq xet iq trôôch Kadraq, ji xôq 'yo hloq Kơy Hyioh Jăk, kung đaji xôq tameng apok đnooy xing huuy Kadraq.",
|
|
"15": "vii ay hnoq laa muuyq dro xanưk ka Kadraq adrooyq tôôy dro truh kaluh kajoq ay heq hloq ji tameng. ",
|
|
"16": "Jơu neq, ay ee ta kôô kajoq? Atêq tuôôy dưk tok, dayh dơơp bap-teem ji daayh dơơp xarêêh adrôp marooh ay gamưưh xadrook apôôy yal Kadraq.'\n\n\\ts\\*",
|
|
"17": "Xatyauq truh, varơuq xaliih vlôôh ka gô tuôôy heq wiit xuq Jê-ruu-saa-leem, ji ajơ gô đong xadrook apôôy đom hnhư hơu, nưq laa kadiih xăk klêêh muut ka ajơ phoch langơt.",
|
|
"18": "Gô hloq Kadraq đnooy dii gô: 'Dayh yơu, ji daayh vlôôh khooyh Jê-ruu-saa-leem dong pol wol, vii oot hnoq leh ưngq anưq apok xanưk kua koot truh Gô.'\n\n\\ts\\*",
|
|
"19": "Bơh gô tơơl: 'Kuh Lôôk, kadiih oot xet aneq koot 'miêêh heq rôp karuk ji hmot tieer đom tưưng hnhư hơu khơl akơyq tuôq aduq Kadraq. ",
|
|
"20": "Ajơ vahaap kua Ê-tiêên, dơơp xanưk kua Kadraq, biq kahrôq vlôôh, kadiih koot 'miêêh kung dưk jeq đnư, ưngq anưq, ji takô jưư aau gôk kua khơl dro păk kaxêêt ay nưq.'",
|
|
"21": "Yôôych Kadraq đnooy dii gô: 'Dayh hooy, vii gô hnoq dach koot hooy xangưưy truh dii kaluh tamooy xaa daay.''' \n\n\\ts\\*\n\\p",
|
|
"22": "Jơu neq, manih karôp đong tameng kơy ăm truh apok neq, yôôych oot tok apok, đnooy aneq: \"Phayh păk kaxêêt dong manih đaa neq khooyh răk vari, vii be duh xôq ni riirh.\"",
|
|
"23": "Kaa ajơ, tuôôy oot đong laa tarok, avih auu gôk ji taviih thuul tok plêêk,",
|
|
"24": "yôôch adro dưk xanưk heq vlôôh lơơh xôq kơy jaah xagook muut đôôn, đnooy kơy phayh chiuq vôôch dook ji rooy, xôq e hnoq xet vii đaa aleq kajoq đơu manih karôp wiih taayh tarok taa chơơl kơy đaa nưq.\n\n\\ts\\*",
|
|
"25": "Bơh tuôôy oot heq pahyioh kơy vlôôh ji talơơy varưq biq qwưt rooy, Phao-lôô đnooy dii dro dưk xanưk đong dưk kađnư: \"Jơq be Ga nuun ăm pheep khơl kơy xok rooy tieer muuuyq dro Laa Maah đơu koq biq đinq tôôyq?",
|
|
"26": "Ajơ nưq, vii tameng nưq, yôôych adro dưk xanưk, atêq tuôôy truh kung dro dưk xanưk, heq taboon hlê aneq: \"Kadraq đong đingq dơơp kajoq? Vii manih neq laa adro manih La Maah.\"\n\n\\ts\\*",
|
|
"27": "Nưq laa, tuôôy heq hooy truh, dro padrok xakaq đnooy dii kơy: \"Dayh ăm gô xet, ay e jơq laa adro manih La Maah long leh?\" Yôôych kơy đnooy: Jơq.\"",
|
|
"28": "Jơu neq, adro padrok xakaq tơơl hlê: \"Gô heq root qwiêên adro manih nưq jii muuyq sôôq jêêt kôt.\" Bơh Phao-lôô đnooy: \"EE gô dik jaah paiir vlôôh đaa nưq.\" ",
|
|
"29": "Bơh anưq, taleq dro đingq traa keep kơy vơơ janưq katoor hooy khooyh kơy, ee adro xakaq 'yo yôôych yôq varaar tuôôy xet aneq kơy laa adro manih La Maah, ji vii manih heq ăm rôôp vek kơy.\n\n\\ts\\*\n\\p",
|
|
"30": "Nưq yôôych, hngơy klôôy atêq, vii xung xet chăk đaa aleq đơu kơy biq manih Jo Thaayq rôp dăch, adro xakaq 'yo heq luuh vek kơy, ji patăk lơơh ka khơl thơy tơơk tưp kôt kung padêq hloay Khơl Karôp anguk hlê. Yôôych atêq tuôôy jarooy Phao-lôô pôôt, dro padrok xakaq ăm tol kơy dưk tul oot. \n\\ts\\*"
|
|
}
|