See in Reader
50 lines
8.3 KiB
JSON
50 lines
8.3 KiB
JSON
{
|
|
"1": "Tuôôy hngơy Lêêh nguuh tuâng heq truh yôôych, dêq hloay oot măn kung dii mamuuyq ka muuyq kachôô.\n",
|
|
"2": "Yôôych vơ muuyq hnưm ahlôôk xing plêêk ahna vlôôh, daang đaji khuuh khieer kaalh jaah klôôp truh, ji ni muut viik loch hloay đom hnhư aduq oot đong 'ngôôy.\n",
|
|
"3": "Yôôych kaluh kapieek đaa nưq ji ôôlh rama vlôôh dii oot, tuôôy heq paraay lot, yôôych ni 'nharum găp tol tôôy muuyq adro đom oot.",
|
|
"4": "Dêq hloay oot jaah viik yok Lôôk Yaak Plêêk ji paa xarôp đnooy ji kaluh apok xarooy kadrơy, tuuy tyauq Yaak Plêêk kahnii ăm oot đnooy. \n\n\\ts\\*\n\\p",
|
|
"5": "Jơu neq e khơl manih Jo-Thaayq đong măn hlê măn Jê-ruu-saa-leem, laa khơl adro tuôq kul xing tôôy daak kua kaluh tamooy 'laalq plêêk.",
|
|
"6": "Tuôôy xarooy nưq ahna vlôôh, bing karôp taa gumq hlê ji biq xôôl dôôl vii tôôy adro rapa tameng oot đnooy ji apok xarooy kua xăk.\n",
|
|
"7": "Dêq hloay manih karôp rapaa tưưng hưưng ji xok dơơp akêh, đnooy aneq: 'Yo hơq, be aalq dêq hloay khơl maniih đong đnooy nưq laa \nmanih Ga-lii-lêê aleq?\n\n\n\\ts\\*",
|
|
"8": "Dơơp đaa aleq hay tameng tong dro oot đnooy ji apok xarooy đêêh kua oot đom dêh đơu hay jaah pa-iir vlôôh?\n",
|
|
"9": "Nee laa maniih Bak-thêê, maniih Mê-đii, maniih Ê-laa-miik, kaluh maniih măn hlê aduq Mê-sôô-bôô-taa-mii, Ju-đêê, e hloay Kap-baa-đôôk, Bôông, A-sii,",
|
|
"10": "kung đaji Phi-rii-gii, Bam-phii-lii, Ay-kăp, kaluh dêh jêêk Li-bii jeq Sy-reen, ji kaluh vii tamooy Rô-maa truh hlơq,",
|
|
"11": "hloay manih Jo-thaayq aluq manih tuôq trôôk Jo-Thaayq, maniih Kơ-rêêt ji manîh Ah-răăp, haay rapaa tameng oot đnooy ji apok xarooy kua haay truh kaluh varơuq kôt dik kua Kơy Plêêk.\" \n\n\n\\ts\\*",
|
|
"12": "Dêq hloay oot rapaa tưưng hưưng ji hloq khoo hlolh, maniih neq đnooy dii maniih nưq: \"Varơuq neq e iq laa aleq?\"",
|
|
"13": "EE muyq sôôq kadrơy tache aklêêu heq đnooy aneq: \"Taleq dro nưq laa đong biq vuul lok ngưưm!\"\n\n\\ts\\*\n\\p",
|
|
"14": "Bơh atêq tuôôy dưk tok, Phi-ee-rơơ dii kưl muuyq khơl xatyauq heq tok apok ji đnooy dii oot: \"Tơơl khơl wơy, maniih tamooy Jo-Thaayq ji dêq hloay khơl akơyq đong măn hlê aduq Jê-ruu-saa-leem, varơuq neq phayh wiih jêêk rapaa qween yuôôr đôôyq dii ooh ay, ji xiin daayh ngiik tôôr iiq tameng apok gô.",
|
|
"15": "Vii khơl maniih neq leh biq vuul đaji ooh ay biit, bơh đong laa wach thưq pe đom hngơy.\n\n\n\\ts\\*",
|
|
"16": "Long anưq, neq laa varơuq heq jaah đnooy vlôôh xing kơy hlit Jô-êêl:\n\n\\q",
|
|
"17": "Kơy Plêêk đnooy: \"Varơuq hnoq xaliih truh đom kaluh hngơy lôôt dik,\" \"Gô hnoq kahrôq Yaak Gô tol kaluh xăk xamơk, Koot kanơu ji koot kadrê khơl koot hnoq đnooy kơy hlit, khơl tadăp blaay kua khơl koot hnoq hloq dơuq pakêh, ji kaluh khơl kadraq kua khơl koot hnoq apau hloq đom apau.\n\\ts\\*\n\\q\n\n\n \n\n",
|
|
"18": "Đơu vơơ tal khơl kanau,khơl kadrê kua Gô đom kaluh hngơy nưq, Gô hnoq kahrôq Yaak Gô, ji oot hnoq đnooy kơy hlit. \n\\q\n",
|
|
"19": "Gô hnoq kahnii kaluh varơuq pakêh tol plêêk yơơt ji kaluh dơuq akêêh 'laalq vari lêq, vahaap ji ôôlh kung dii khuul 'nhuuy.\n\\q\\ts\\*\n\\p\n",
|
|
"20": "Mot hngơy hnoq biq vlôôh jêêk kamưng, ee xiêêk yôôych jêêk vahaap, adrooyq tuôôy truh hngơy kôt ji tađnah tađaak kua Lôôk.\n\\q\\q",
|
|
"21": " Ji paq kêê adro leq taayh apôôy yal Lôôk yôôych hnoq jaah wơơt.'\"\n\\ts\\*\n\\m",
|
|
"22": "Tơơl khơl kadraq, khơl maniih I-sơơ-raa-êêl, xiin dayh tameng kaluh apok neq: Lôôk Jê-xuu maniih Na-xaa-reet laa dro jaah Kơy Plêêk dơơp xanưk dii ooh ay ji kaluh varơuq taay yaak, pheep akêêk ji dơuq đêh đơu hlê Kadraq, Kơy Plêêk heq xanưk dơơp măn tul ooh ay, đaji kadiih ooh ay heq xet.",
|
|
"23": "Kơy nưq biq ataaq, tyauq kaa varơuq heq jaah đinq ji varơuq xet adrooyq kua Kơy Plêêk, ooh ay heq păk kaxêêt tuôôy đonq tol gay charăk hlulh hlê tii khơl adro lưl ga nuun,",
|
|
"24": "Kadraq laa Kơy đơu Kơy Plêêk heq khieenq riirh hlê, atêq tuôôy wơơt dơơyh khooyh ajơ pơơl hwơơl kua varơuq kaxêêt, vii ni leh e ka dauuh adrơk jư Kadraq pii 'laarq xăk. \n\n\\ts\\",
|
|
"25": "Vii vuua Đa-viik đnooy truh Kadraq đaneq: Gô hloq hloay hloq Lôôk măn adroyq kangưưr gô vii Kadraq măn pii akooh gô, xôq gô leh biq anhưh hrưưng.\n\\q\n\\q \n\\q",
|
|
"26": "Xing varơuq nưq, xuum gô ahyơơl tơơp ji kapieet gô hlaah hlaak. Bơh ee galơh nưq, xăk xamơk gô kung hnoq padơơy pado đom xuum ta kôô.\n\\q\n.\n\\ts\\*\n\\q",
|
|
"27": "Vii Kadraq hnoq leh ka'lăk phol hieel gô đom kalo xanưng, kung hnoq leh xôq ka Kơy Vaah Kadraq 'yo hloq varơuq oop anhaau. \n\\q\\q",
|
|
"28": "Kadraq heq kahnoq vlôôh ka gô koo trôôk varơuq riirh; Kadraq hnoq dơơp ka gô viik yok xuum hlaah hlaak kung dii dơơp vlôôh kua Kadraq.'\n\\q\n\\ts\\*\n\\m",
|
|
"29": "Tơơl khơl wơơy, tơơl ooh ay, ji varơuq hnoq hôôk, varơuq e hnoq đnooy dii ooh ay truh mo kơy Đa-viik, nưq laa kơy heq kaxêêt ji heq jaah up, môô xanưng kua kơy đong măn tul hay ăm truh hngơy neng.",
|
|
"30": "Ji yôôych, vii laa kơy hlit ji vii xet aneq Kơy Plêêk heq dơơp apok paleek dii xăk xôq tol muuyq ka tôôl jêêk rong nooy xăk tol ragê xăk,",
|
|
"31": "đơu atêq tuôôy hloq adrooyq varơuq neq, vuua heq đnooy truh varơuq riirh hlê kua Lôôk Wơơt Dêh, aneq: 'Kadraq leh biq ka'lăk mot đom kalo xanưng, xăk xamơk kadraq kung leh hloq varơuq oop anhaau.\n\\q\n\\q\n\\ts\\*\n\\m",
|
|
"32": "Kơy Plêêk heq khieenq Lôôk Jê-xuu neq riirh hlê, dêq hloay 'wot laa manih xanưk ka varơuq nưq.\n",
|
|
"33": "Vii nưq, tuôôy heq jaah vanê tok pii akooh Kơy Plêêk ji nhonq xok apok tavek truh Lôôk Phool Hieel xing Vaq, yôôych Kadraq heq kahrôq pôôt varơuq đaa neq, laa varơuq đơu ooh ay đong hloq ji tameng.\n\\ts\\*\n\\m",
|
|
"34": "Vii Đa-viik heq be hooy tok plêêk, bơh kadiih kơy đnooy: 'Lôôk đnooy dii Lôôk gô: \"Dayh 'ngôôy pii akooh Gô,\n\\q",
|
|
"35": "dong truh tuôôy Gô khieenq khơl adro tachơơl kua Koot jêêk đool xôq jôôk kua Koot.'\"\n\\m",
|
|
"36": "Nưq atoh, hloay hnhư Y-sơơ-raa-êêl phayh xet đaa chăk chănq aneq Kơy Plêêk heq lôp Kadraq dơơp Lôôk ji Kơy Wơơt Dêh, nưq laa Lôôk Jê-xuu neq, adro đơu ooh ay heq đonq đin.\"\n\\ts\\*\n\\p",
|
|
"37": "Tuôôy heq tameng anưq, oot jiq 'yok đom xuum, yôôych tơơl dii Phi-ee-rơơ ji khơl jaah rơơrh ee hlê, aneq: \"Nee khơl adro ooh ay, 'wot phayh dơơp kajoq?\"",
|
|
"38": "Nưh Phi-ee-rơơ đnooy dii oot: \"Dayh wiit xuq ji tôôy dro đom ooh ay phayh dơơp pheep Baap-teem taayh yal Lôôk Wơơt Dêh Jê-xuu xôq jaah varơuq ka'lăk kadrôp kua xăk, yôôych ooh ay hnoq nhonq xok ataq kadroor laa Lôôk Phool Hieel.",
|
|
"39": "Vii apok tavek nưq laa deng ka ooh ay, ka koot xau kua ooh ay ji ăm dêq hloay kaluh khơl măn xangưưy, nưq laa paq kêê akơyq đơu Lôôk laa Kơy Plêêk hay nưh hloay heq taayh kawooyh.\"\n\\ts\\*",
|
|
"40": "Đaa 'ngưưng apok kadrơy đnooyq, kơy heq dơơp xanưk ji ahluk hluul oot, aneq: \"Dayh xôq xăk jaah wơơt khooyh adrơơk neq jaan xơk neq.\"",
|
|
"41": "Nưq, atêq tuôôy vook xok apok kua kơy, oot chiuq Baap-teem, lakaah pee ravơu phool hieel heq jaah athêêp muut Tayuup Vaah đom hngơy nưq. ",
|
|
"42": "Jơu neq, oot kưq dơơp đnooy đom pato dayq kua khơl jaah rơơrh ji đom thơơl athêêt tajauq, đom varơuq pleelh tôp ji đom apok xadrook apôôy. \n\\ts\\*\n\\p",
|
|
"43": "Varơuq kadrach varaar kahri tol tôôy adro, ji 'ngưưng varơuq paa kêh kung dơuq akêh xaliih vlôôh hlê khơl jaah rơơlh.",
|
|
"44": "Dêq hloay khơl adro tuôq yôôych tagumq hlê ka muuyq aduq ji jaah achung tôôy thưư, ",
|
|
"45": "oot tek kôông haang ji garuh anôp xăk, yôôych plaah ahlook oot ăm tôôy adro, tyauq đaji tưưng adro e duh xung luu leq.\n\\ts\\*",
|
|
"46": "Tôôy hngơy nhap athêêp đnooyq muuyq xuum măn đom hnhư hơu, vơơ pleelh tôôp aduq tong hnhư, oot heq ahlook aklaah tuông xa đom varơuq hlaah hlaak ji xuum klaak dong dik,\n",
|
|
"47": "ayuôt laak Kơy Plêêk ji e tamaq xuum dii dêq hloay manih karôp, ee Lôôk mieet đong athêêp khơl adro jaah wơơt muut tayuup nưq tôôy hngơy.\n\\ts\\*"
|
|
}
|