See in Reader
31 lines
5.5 KiB
JSON
31 lines
5.5 KiB
JSON
{
|
|
"1": "Atêq kaluh varơuq nưq, tuôôy xarôp hooy xing A-Thêên, kơy hooy truh Kô-riinh-tôô.",
|
|
"2": "Yôôych tuôôy xawaak tavơh vlôôh muuyq dro Jo Thaayq nưq, anơng A-qwii-laa, paiir katu aduq dêh Bôông, đơơu truh xing Y-taa-lii kung Bê-riit-siin, kadrê xăk, vii Kơ-lôôt heq vlôôh lơơh ka dêq hloay maniih Jo Thaayq phayh chuuh khooyh Rô-maa, yôôych kơy truh hlơq oot,",
|
|
"3": "đơu vii e kumg ngêê, kơy heq măn ji dơơp varơuq kung dii oot, xing oot rapa laa khơl thơq axiit pơ raap 'yo tyauq ngêê dơơp.\n\n\\ts\\*",
|
|
"4": "Jơ neq, kưq tôôy hngơy Sa-baat, kơy padoh taboon đom hnhư hơu, kơy athêêt ji dêq maniih Jo Thaayq hloay maniih Hy Laap.",
|
|
"5": "Bơh tuôôy dêq Si-laa ji Ti-môô-thêê heq hooy pôôt xing Ma-xêê-đoaan, yôôych Phao-lôô jaah dêq hloay xuum ka apok plêêk, dauuh daơơn dơơp xanưk ka manih Jo Thaayq truh Lôôk Jê-xuu laa Lôôk Wơơt Dêh.",
|
|
"6": "Long anưq, ajơ oot taa chơơl ji đnooy axaap kơy, yôôych atêq tuôôy aruuh auu, kơy đnooy dii oot: \"Apôôy vahaap khơl kơy kahrôq tol akoq khơl kơy! EE gô lưp adrôp! Jauq xing jơu neq, gô hnoq truh dii kaluh tamooy xadaayq.\"\n\\ts\\*",
|
|
"7": "Tuôôy heq chuuh khooyh đnư, kơy hooy truh hnhư muuyq dro kuh kuul Kơy Plêêk nưq, \nanơng Ti-tii-uu Jut-tuu, đơu hnhư dro neq măn pii gaah hnhư hơu.",
|
|
"8": "Long anưq, Kơ-riit-buu, dro jưư 'yo hnhư hơu, heq tuôq Lôôk, kung tôôy dro đom hnhư xăk, ji 'ngưưng manih Kô-riinh-tôô, atêq tuôôy tameng apok Plêêk, yôôych tuôq ji chiuq Bap-teem.\n\n\\ts\\*",
|
|
"9": "Jơu neq, Lôôk đnooy dii Phao-lôô hlê muuyq kahnoq adrooyq đom klôôy: \"Te yôq,wiih hlê, bơh dayh đnooy đnooyq, ji be duh niinq hnhep kajoq.",
|
|
"10": "Bơh Gô măn kung koot ji be kơyq hnoq vlôôh tii tol koot xôq dơơp raơơh koot, vii e 'ngưưng dro deng ka Gô đom theng neq.\"",
|
|
"11": "Nưq laa, kơy năn hlê muuyq xanưưm drơu xiêk, pato apok kua Kơy Plêêk tul wach oot.\n\n\\ts\\*\n\\p",
|
|
"12": "Bơh tuôôy Ga-lii-ôôn dơơp padrok kôt dêh A-chaay, yôôych manih Jo Thayq anguk mamuuyq dưk tok tachơơl hlê Phao-lôô ji jarooy kơy vlôôh toaa.",
|
|
"13": "tơơl aneq: \"Adro neq ahluk ahluul manih karôp kuh kuul Kơy Plêêk be troq ganuun.\"\n\n\\ts\\*",
|
|
"14": "Bơh tuôôy Phao-lôô xung luuh huuy, Ga-lii-ôôn heq đnooy dii maniih Jo-Thaayq: \"'Wơy lơơy, khơl kơy Jo-Thaayq hơq, atoh 'ngeq dik laa dong varơuq katơơk dalơơh kaa ganuun long varơuq dơơp lưp troq dơơp raơơh, yôôych ganưq tyauq dong varơuq nưq, nưq hloay gô heq atuq xuum dii khơl kơy,",
|
|
"15": "ee atoh 'ngeq laa kaluh tagoa waa truh apok xarooy, yal taayh ji gaa nuun đêh đêh kua khơl kơy, yôôych khơl kơy kadiih xăk palauq ralauq. Gô leh xung dơơp padrok xadrah ka taleq dong varơuq đa neq.\" \n\n\\ts\\*",
|
|
"16": "yôôych kơy đuôôy oot vlôôh khooy hnhư xadraah.",
|
|
"17": " atoh bơh, atêq tuôôy rôp Sôt-theen, adro jư 'yo hnhư hơu, dêq hloay bing oot tu tiier kơy ngưưr hnhư xadrah, đơu be varơuq leq đom sôôq nưq laa đangq tawaaq xuum đôôyq dii \nGa-lii-ôôn. \n\\ts\\*\n\\p",
|
|
"18": "EE Phao-lôô, ăm truh ajơ neq hloay ee măn athêêp 'ngưưng hngơy, yôôych xing kaluh khơl ooh ay, kơy hooy padooh truh Sy-rii, kung dii kơy laa Bê-riit-siin ji A-qwii-laa, atêq tuôôy heq kadiih koaah akoq xăk aduq Sen-kơơ-rêê, vii kơy heq e apok paleek apôôy. ",
|
|
"19": "Jơu neq, oot hooy pôôt truh Ê-phêê-sôô, ji kơy xôq oot măn hlê đnư, ee kadiih kơy, tuôôy heq hooy muut đom hnhư hơu, kơy apleeh tadêh dii maniih Jo-Thaayq.\n\\ts\\*",
|
|
"20": "Bơh tuôôy oot xung dăch kơy măn hlê athêêp muuyq tuôôy kawaah đnooy, yôôych kơy leh ưng anưq.",
|
|
"21": "Long anưq, atêq tuôôy vlôôh hooy oot ji đnooy: \"Gô hnoq wiit hlê dii ooh ay yưk traa atoh Kơy Plêêk xung,\" yôôych kơy pôôt gee chuuh khooyh Ê-phêê-sôô.\n\n\\ts\\*\n\\p",
|
|
"22": "Ji ajơ heq tok gaah aduq Sê-saa-rêê, yôôych hooy tok ji vôôch hlơq tayuup vaah, yôôych kơy hooy pôôt truh An-tii-ôôt.",
|
|
"23": "Atêq tuôôy tavơơh hlê muuyq kawah tuôôy kaplaah, kơy tok trôôk, paa xarôp hooy hlê kaluh dêh Ga-laa-tii ji Phi-rii-gii, dơơp ăm dêq hloay kaluul khơl xatyauq kajưk kaalh.\n\n\\ts\\*\n\\p",
|
|
"24": "Jơu neq, muuyq dro Jo-Thaayq nưq, anơng A-bôô-lôô, paiir katu aduq A-leek-xaan-đơơ-rii-aa, muuyq dro e taay kôk dik, heq hooy pôôt truh Ê-phêê-sôô, tuôôy laa muuyq dro don hlolh truh Rahlăp Vaah.",
|
|
"25": "Kơy 'miêêh heq jaah pato daay truh apok Lôôk, ji vii xăk xamơk talăng jăk, kơy padooh ji pato hyioh jăk kaluh varơuq ahlê apiq truh Lôôk Jê-xuu, ajơ vơ xet phep Bap-teem kua Jăng đơu heq.",
|
|
"26": "Ajơ tuôôy, kơy pa xarôp đnooy apok đa kaalh paraat đom hnhư tagumq, bơh atêq tuôôy tameng kơy, Bê-riit-siin ji A-qwii-laa heq jarooy kơy xuq ji padooh ka kơy muuyq dong hyooh jăk iaq truh apok kua Kơy Plêêk. \n\\ts\\*",
|
|
"27": "Jơu neq, vii kơy xung trôôch luuh ranưưh hlê A-chaay, atooh atêq tuôôy ahluk ahluul kơy, khơl ooh ay valơk thưư ataq hlê khơl xatyauq xôq kôô kaq kơy, đơu atêq tuôôy truh aduq, kơy heq waak rơy thiier 'ngưưng ka khơl akơyq heq tuôq gamưưh vanoong kaxay.",
|
|
"28": "Vii kơy kahnoq vlôôh aklơ hlê maninh Jo Thaayq muuyq đaa kaalh paraat, tuôôy ganưq tol Rahlăp Vaah pato vlôôh Lôôk Jê-xuu laa Lôôk Wơơt Dêh.\n\n\\ts\\*"
|
|
}
|