See in Reader
43 lines
7.7 KiB
JSON
43 lines
7.7 KiB
JSON
{
|
|
"1": "Jơu neq, kơy kung hooy pôôt truh Đet-bơơ yôôych truh Lit-trơơ, ji 'yo hơq, aduq nưq e muuyq dro rơơrh hơq anơng Ti-môô-thêê, koot kanơu kua muuyq mư kadrê Jo-Thaayq tuôq kuh, bơh vaq laa manih Hy-Laap,",
|
|
"2": "đơu nhuu nưq jaah xanưk tolh xing khơl ooh ay aduq Lit-trơơ ji Y-kôô-nii. ",
|
|
"3": "Phao-lôô xung nhuu neq vlôôh hooy dii xăk, đơu atêq tuôôy nhonq nhuu, kơy dơơp pheep goch kađuh ka nhuu, vii ik lơơy kua maniih Jo-thaay đong măn đnư kaluh aduq nưq, xing oot ra pa xet aneq vaq kua nhuu laa maniih Hy-Laap.\n\\ts\\*",
|
|
"4": "Jơu neq, tuôôy oot hooy trôôk hlê kaluh theng, oot padooh hlê ka khơl tuôqy tyauq phayh jưư kaluh ganuun yôôych heq jaah ưngq anưq xing khơl jaah rơơlh ji khơl kadraq lơơk aduq Jê-ruu-saa-leem.",
|
|
"5": "Nưq, khơl Tayuup Vaah jaah kaalh paraat đom xuum tuôq ji tôôy hngơy rapa jaah athêêp truh sôôq nưq. \n\\ts\\*\n\\p",
|
|
"6": "Ajơ nưq, oot hooy rabaah hlê kaluh dêh jêêk Phi-rii-gii ji Ga-laa-tii, vii heq biq Lôôk Phool Hiêêl xakaq klơl padoh apok Lôôk đom dêh A-sii.",
|
|
"7": "Atêq nưq, ajơ heq truh jeq Mi-sii-aa, oot raanq pagraanq hooy muut Bi-thii-nii, đơu Yaak Plêêk kua Lôôk Jê-xuu kung leh ăm pheep oot.",
|
|
"8": "Nưq laa, ka'lăk hlê Mi-sii-aa, oot hooy pôôt truh Trô-aach.\n\\ts\\*",
|
|
"9": "Muuyq kahnoq hlôôh rama vlôôh dii Phao-lôô đom klôôy: muuyq dro Ma-xêê-đoaan nưq đong dưk ji taayh kơy, aneq: \"Atêq tuôôy rapaah hlê truh Ma-xêê-đoaan, xiin dayh waak 'wot.\"",
|
|
"10": "Nưq laa, hloay tuôôy kơy heq hloq kahnoq adrooyq nưq, 'wot vơ jơnư axek đaleq hooy truh Ma-xêê-đoaan, vii kung pa yôôch aneq Kơy Plêêk heq kawooyh taayh 'wot padoh taboon Hêêl Kaxaay ka oot.\n\n\\ts\\*\n\\p",
|
|
"11": "Jo anưq, tuôôy heq pôôt ge xing Trô-aach, 'wot hooy hyioh truh Sa-môô-traa-xơơ, yôôych hngơy klôôy atêq truh Nê-aa-bôô-lii,",
|
|
"12": "xing nư, truh Phii-liip, đơu neq laa theng phôôq duuh dik nhưk đom dêh Ma-xêê-đoaan, muuyq dêh vari kua La-Maah, yôôych 'wot kưq măn aduq theng phôôq neq taleq hngơy.",
|
|
"13": "Ka tuôôy, muut hngơy Sa-baat, 'wot vlôôh pi gôk 'mok theng, pii gah daak, aduq đơu 'wot biit laa aduq xadrook apôôy. Yôôych atêq tuôôy 'ngôôy pôôt, 'wot tadooy athêêt dii khơl mư kadrê đong tưưuq hlê măn đnư.\n\n\\ts\\*",
|
|
"14": "Muuyq mư kadrê nưq anơng Ly-đii, laa dro tabôôt tek vaayh tôô xing theng Thi-aa-tii-rơơ, vii e xuum kul yôq Kơy Plêêk, đong chiuq xăm tameng, laa dro đơu Lôôk heq luuh xuum xôq rơơch ror kaluh kajoq đong jaah đnooy xing Phao-lôô.",
|
|
"15": "Jơu neq, ka tuôôy mư heq chiuq Bap-teem kung padêq hnhư xăk, mư vôôch mieet 'wot, aneq: \"Atoh khơl kơy xet hloq gô laa muuyq xuum dii Lôôk, yôôych xiin dayh măn hlê, muut đom hnhư gô.\" Mư ahluk eep 'wot.\n\n\\ts\\*",
|
|
"16": "Xatyauq nưq, varơuq xliih vlôôh tuôôy 'wot đong hooy trôôk truh aduq xadrook apôôy, muuyq mư kadrê xapok nưq đong biq kamuuych Phi-tôôn nhôp, tavơơh 'wot, đơu mư nưq 'miêh đong dơơp lơơy thieer 'ngưưng ka kôôt xăk toq đaa xadaa tii.",
|
|
"17": "Tuôôy hooy tyauq atêq Phao-lôô ji 'wot, mư nưq laa tok aneq: \"Kaluh maniih neq laa khơl xapok kua Kơy Plêêk Thiier Yơơt, đơu oot đong padooh taboon ka khơl wơơy ka trôôk wơơt xok.\"",
|
|
"18": "Ajơ nưq, mư nưq dơơp đaa nưq đom 'ngưưng hngơy. Bơh vii biq 'ngơyq 'ngưưng iaq, atot tuôôy wiit hlê dii kamuuych nưq, Phao-lôô dăch: \"Đom yal Lôôk Wơơt Dêh Jê-xuu, gô lơơh ka may hooy vlôôh khooyh mư kadrê neq.\" yôôych ni kahluh vlôôh kung ajơ nưq.\n\n\\ts\\*\n\\p",
|
|
"19": "Bơh tuôôy kaluh maniih kôôch kua mư nưq hloq aneq ka tuôôy ta bôôt kua xăk heq hlơơp, yôôych atêq tuôôy rôp xok Phao-lôô ji Si-laa, oot hoot vaarq dro truh duq dêh tabôôt truh aduq kaluh khơl dơơp padrok.",
|
|
"20": "Ajơ xagook vaarq dro truh adrooyq khơl padrok kôt yôôych, oot đnooy: \"Taleq dro neq đong hluk hluul theng dêh haay, vii laa tamooy Jo-thaayq,",
|
|
"21": "atoh oot đong padooh taboon kaluh dok dơơp đơu leh e pheep ka haay ưngq xok haay dưk dơơp, vii laa tamooy laa Maah.\" \n\\ts\\*",
|
|
"22": "Yôôch bing karôp kung dưk tok tachơơl hlê vaarq dro, atoh atêq tuôôy ăm chiah auu oot vlôôh, khơl padrok kôt lơơh kun tieer oot ji rooy.",
|
|
"23": "Ka tuôôy, ajơ heq hmot dook vaarq dro 'ngưưng yôôych, bing oot xagok vaarq dro muut tuu, lơơh ka dro xam 'yo jư oot dong rơơch rol.",
|
|
"24": "đơu adro padrok nưq, tuôôy heq nhonq lơơh đaa nưq, heq karuk oot muut karuk 'lăp, ji kal jôôk oot muut gangau.\n\\ts\\*",
|
|
"25": "Long anưq, kawaat tuul klôôy, đong ajơ xadrook apôôy, Phao-lôô ji Si-laa kacheu thaanhq kaa ayuôôt laat Kơy Plêêk, ee khơl karuk kadrơơy đêh yôôych raanq tameng oot.",
|
|
"26": "Jơu neq, muuyq yưk ahrưng vari kôt vơơ nhăp xaliih vlôôh, truh tuôôy kaluh kahnier hnhư tuu biq anhưh anhưưy, yôôych dêq hloay kahlep 'mok jơ nưq jaah luuh toaak, ji talơơy looy tooy tôôy dro biq tahlok phuurq.\n\n\\ts\\*",
|
|
"27": "nưq laa tuôôy dro 'yo tuu biq kadrach kaah, 'yo hloq kaluh 'mok tuu heq biq taluuh tahwoak, atoh hruut xieh xăk vlôôh, kơy nưq tinhq kadiih kaxêêt vii biit khơl tuu karuk heq duu xadăk .",
|
|
"28": "Bơh Phao-lô la kaalh apok, đaneq: \"Te dơơp ra ơh xăk, xing dêq hloay 'wot đong măn kađnen.\"\n\n\\ts\\*",
|
|
"29": "Nưq laa, atêq tuôôy patăk xok đeen, kơy nưq charơơk pơơl wơl muut 'lăp, ji vii biq yôq lơyq, kơy kul xăk pôôt ngưưr Phao-lôô ji Si-laa,",
|
|
"30": "yôôych atêq tuôôy jarooy oot vlôôh pigôk, kơy đnooy: \"Tơơl khơl kơy, varơuq kajoq aduq gô rôp dăch phayh duh dơơp, hlơu ăm gô e hnoq jaah wơơt?\"",
|
|
"31": "Nưq laa, oot đnooy: \"Dayh tuôq aduq Lôôk Jê-xuu, yôôych kơy hnoq jaah wơơt - kơy ji kôôch hnhư kua kơy.\"\n\\ts\\*",
|
|
"32": "Yôôych oot padoh apok Lôôk ka kơy kung dii dêq hloay khơl dro đom hnhư kơy.",
|
|
"33": "Ji muut wach nưq đom klôôy, atêq tuôôy jarooy oot hooy kung kơy, kơy 'nhaau xarêêh \n ka oot aduq kaluh hlêêl xưr, yôôych kơy vơ chiuq bap-teem - kơy kung tôôy adro hnhư kơy.",
|
|
"34": "Ka ajơ, tuôôy heq jarooy oot muut hnhư kơy, kơy adoot garaak xaa vlôôh kangưưr oot ji dêq paraat hlaah hlaak kung khơl adro đom hnhư, vii heq tuôq nhonq Kơy Plêêk.\n\\ts\\*\n\\p",
|
|
"35": "Jơu neq, truh tađaah hngơy, khơl padrok kôt dăch taleq khơl kun hooy, đnooy aneq: \"Dayh thaa kaluh maniih nưq hooy.\"",
|
|
"36": "Nưq laa, padrok 'yo tuu taboon hlê kaluh apok nưq ka Phao-lôô aneq: \"Khơl padrok heq dăch manih lơơh aneq khơl kơy jaah thaa yôôych. Nưq jơu neq, atêq tuôôy hooy vlôôh, apôôy baarq kơy tok trôôk hrok hror.\"\n\n\\ts\\*",
|
|
"37": "Bơh Phao-lôô đnooy dii oot: \"Atêq tuôôy kông khaay tieer đnayh 'wot, laa khơl maniih jaah xok qwien koot maniih La-Maah, đơu leh xet xưh, oot heq qwel 'wot muut tuu, yôôych jơu neq oot leenq luut xagook wot vlôôh ưư? Dik leh jaah! Xaloah vii anưq, kadiih oot, atêq tuôôy truh đneng, phayh jarooy 'wot vlôh.\"",
|
|
"38": "Nưq laa, khơl dro kun taboon hlê kaluh apok nưq ka khơl padrok kôt, yôôych bing oot varaar yôq tuôôy tameng aneq vaarq dro laa koot maniih La Maah. ",
|
|
"39": "Ajơ hooy truh yôôych, khơl padrok adô adeng oot ji atêq tuôôy jarooy vlôôh pigôk, khơl padrok xiin oot hooy xangưưy khooyh theng kơy.\n\n\\ts\\*",
|
|
"40": "Nưq laa, tuôôy heq vlôôh khooyh tuu, vaarq dro muut đom hnhư kua Li-đii. Ji atêq tuôôy tavơơh khơl ooh ay, vaarq dro ahmơk nhăk oot, yôôych tok trôôk.\n\n\\ts\\*"
|
|
}
|