See in Reader
44 lines
7.5 KiB
JSON
44 lines
7.5 KiB
JSON
{
|
|
"1": "Yôôych, muuyq sôôq maniih hơq hooy pôôt xing Ju-đêê, pato khơl ooh ay aneq: \"Atoh ooh ay leh chiuq goch kađuuh tyauq hlulh hlê kua Môôy-see, yôôych ooh ay leh hnoq jaah wơơt.\"",
|
|
"2": "Nưq laa, atêq tuôôy xaliih vlôôh varơuq lưp tagu ji takaay tayaat leh de kaplaah Phao-lôô ji Ba-naa-baa kung dii khơl dro hơq, atoh khơl ooh ay dăch Phao-lôô ji Ba-naa-baa kung muuyq sôôq maniih kadrơơy tul wach oot xôq hooy tok tavơơh khơl jaah rơơrh ji kadraq lơơk aduq Jê-ruu-saa-leem truh taa yaat neq.\n\n\\ts\\*",
|
|
"3": "Nưq, kaluh maniih jaah Tayuup Vaah patăk hooy rapaah hlê padêq Phê-nii-xii hloay Sa-maa-rii, taboon hlê dêq tong varơuq tuôq apok kua khơl tamooy daak gôk, ji oot heq taway hlê hlaah hlaak kôt ka dêq hloay khơl oh ay.",
|
|
"4": "Jơu neq, ajơ heq truh aduq Jê-ruu-saa-leem, oot jaah vôôch hrok xing Tayuup Vaah, khơl jaah rơơlh ji khơl kadraq lơơk, đom tuôôy oot padooh hlê xet taleq varơuq đơu Kơy Plêêk heq kung dơơp dii xăk.\n\\ts\\*",
|
|
"5": "Bơh taleq dro heq tuôq nưq jêêk bing Pha-rii-sii dưk tok, đnooy aneq: \"Duh phayh dơơp phep goch kađuuh ka khơl dro nưq ji pato dayq oot phayh jư ga nuun Môôy-see.\"",
|
|
"6": "Nưq laa, khơl jaah rơơrh ji khơl kadraq lơơk taguumq hlê xôq 'yo hlê truh dong varơuq neq.\n\n\\ts\\*",
|
|
"7": "Jơu neq, atêq tuôôy 'ngưưng taa yaat xaliih vlôôh, Phi-ee-rơơ, dưk tok, đnooy dii oot: \"Tơơl khơl wơơy, tơơl oh ay, ooh ay rapa xet aneq xing kaluh hngơy patep tul wach ooh ay, Kơy Plêêk heq rơơrh kaluh tamooy daak gôk hlulh hlê ver huuy gô xôq tameng kaluh apok Hêêl Kaxay ji tuôq. ",
|
|
"8": "Kơy Plêêk, Kơy xet xuum klaak, heq dơơp xanưk ka oot, tuôôy kahni Lôôk Phool Hiêêl ka oot, kung đaji ăm haay;",
|
|
"9": "ji Kadraq leh aklaah đêh tul haay dii oot, tuôôy khiêênq xuum oot jaah xarêh xaraach xing xuum tuôq.\n\\ts\\*",
|
|
"10": "Nưq yôôych đaa aleq jơu neq ooh ay atooh Kơy Plêêk, tuôôy truôôp muut ranong khơl jaah rơơrh pop varaq đơu khơl mo kơy haay leh hnoq, ji haay kung leh e ka paraat xôq pơq? ",
|
|
"11": "Wiih hlê, haay tuôq xôq jaah wơơt xing vanong kaxaay kua Lôôk Jêê-xuu, đơu oot kung tyauq muuyq daang đaa nưq.\"\n\n\\ts\\*\n\\p",
|
|
"12": "Jơu neq, hloay maniih karôp jư iim hnhep ji tameng Ba-naa-baa ji Phao-lôô taboon hlê xet dong taleq dơuq akêh ji varơuq pa kêh Kơy Plêêk heq dơơp yôôch tul wach khơl tamooy daak gôk hlê oot.\n\n\\ts\\*",
|
|
"13": "Nưq yôôych, atêq tuôôy oot đnooy yôôych, Ja-kơơ tơơl apok, aneq: \"Tơơl khơl wơy, tơơl khơl ooh ay, xiin dayh tameng gô neq.",
|
|
"14": "Si-môôn heq pato vlôôh đaa aleq Kơy Plêêk adrooyq dik heq đong 'yo xôq xok vlôôh xing kaluh tamooy daak gôk muuyq tamooy ka yal Kadraq. \n\n\\ts\\*",
|
|
"15": "Varơuq neq kung vơ nhap dii taleq apok kua khơl kơy hlit đaji heq jaah valơk:\n\\q",
|
|
"16": "'Atêq kaluh varơuq nưq, gô hnoq wiit hlê, yôôych gô hnoq panưk hlê raap kua Đa-viik, laa raap heq biq hrưp pôôt, Gô hnoq panưk hlê kaluh thưư biq tahwơơk hrưp kua ni ji 'meq hlê ni,\n\\q",
|
|
"17": "long ăm phon ee hlê kua koot maniih bơh dik e hnoq akhiêm axek Lôôk, 'ngưq hloay dêq hloay kaluh tamooy daak gôk, đơu tol kaluh tamooy nưq, yal Gô jaah xadrook apôôy măn aduq oot.' Lôôk đnooy anưq, tuôôy đong dơơp kaluh varơuq neq.",
|
|
"18": "laa varơuq jaah xet truh xing tuôôy hnu hmeq.'\n\n\\ts\\*\n\\m",
|
|
"19": "Vii nưq, gô xet hloq aneq te tagay xalônq ka kaluh maniih xing kaluh tamooy daak gôk wiit hlê dii Kơy Plêêk,",
|
|
"20": "long anưq, duh valơk thưư pato dăch oot raphayh xangưưy varơuq klơơl 'yêq kua daang vangưl, varơuq tuut taat, hlek ôq paroorh kaxêêt phơt ji vahaap.",
|
|
"21": "Vii xing kaluh tuôôy đơơy hnu hmeq, aduq đom theng, gaa nuun Môôy-see măn ragơy e 'ngưưng dro padooh taboon ganuun nưq, gamưh jaah đok đom hnhư hơu muuyt tôôy hngơy Saa-baat.\"\n\n\\ts\\*\n\\p",
|
|
"22": "Atêq nưq, khơl jaah rơơrh ji khơl draq lơơk, kung hloay Tayuup Vaah, hloq duuh patăk kaluh dro jaah rơơrh tuul wach oot hooy truh An-tii-ôôt achung dii Phao-lôô ji Ba-naa-baa - goop Ju-đaa jaah taayh laa Ba-saa-baa, ji Si-laa, nưq laa kaluh maniih dơơp ưk đom khơl ooh ay - ",
|
|
"23": "tuôôy valơk thưư xagook hooy xing tii oot: \"Khơl jaah rơơrh ji khơl viq kadraq lơơk, khơl ooh ay, ataq ka khơl tuôq Lôôk loch dêh An-tii-ôôt, Si-rii ji Si-lii-sii, nưq laa ăm ooh ay, kaluh maniih vlôôh hooy xing khơl tamooy daak gôk. Dong dik kuuh hlơq!\n\n\\ts\\*",
|
|
"24": "Vii jơu neq, 'wot heq tameng aneq taleq dro nưq tuôôy hooy vlôôh xing tul 'wot heq ta nhơơ ooh ay ji kaluh apok xarooy dơơp loanq xuum ooh ay, đơu khơl maniih nưq yôôych 'wot be ăm qwiên kajoq,",
|
|
"25": "atoh varơuq e hnoq toolh dik ka 'wot laa atêq tuôôy heq muuyq xuum, rơơrh angưq taleq dro, yôôych patăk oot hooy truh ooh ay kung dii Ba-naa-baa ji Phao-lôô, vaarq ooh ay xung xiêq kua haay,",
|
|
"26": "laa vaarq dro heq liêêu maangq riirh xăk vii yal Lôôk haay, laa Lôôk Wơơt Dêh Jê-xuu.\n\n\\ts\\*",
|
|
"27": "Jo anưq, 'wot heq dăch Ju-đaa ji Si-laa, laa kaluh viq kung padooh taboon dong varơuq neq ji apok đnooy. ",
|
|
"28": "Vii chăk aneq Lôôk Phool Hiêêl ji 'wot heq hloq be e athêêp varơuq kajoq jaah tol dơơp pơq parêq tok ooh ay bơh vơ kaluh varơuq duuh dik atêq neq:",
|
|
"29": "phayh chuuh xangưưy kaluh tuôông đơơp ka daang vangưl, vahaap, kaluh ôq kaxêêt phơt, ji varơuq tuut taat, ooh ay hnoq dơơp tolh, tuôôy jưư kadiih xăk khooyh kaluh varơuq nưq. Kuh ooh ay jaah kajưk kaalh.\"\n\\ts\\*\n\\p",
|
|
"30": "Nưq laa, atêq tuôôy jaah patăk hooy, oot hooy pôôt truh An-tii-ôôt, ji ajơ tưưuq anguk oot hlê yôôych, oot palo hlaa thưư ăm.",
|
|
"31": "Jơu neq, tuôôy đok thưư yôôych, khơl tuôq Lôôk jaah hlaah hlaak adrooyq varơuq ahluk hluul nưq.",
|
|
"32": "Padêq Ju-đaa hloay Si-laa, kadiih oot kung laa khơl kơy hlit, heq ahluk hluul khơl ooh ay ji muuyq apok xarooy yơơt atoq khiênq oot kaalh paraat\n\n\\ts\\*",
|
|
"33": "Ajơ nưq, atêq tuôôy măn đnư muuyq kaplaah kawah, oot jaah khơl ooh ay jarooy ataq truh dii khơl dro heq patăk dăch xăk dong hrok hror. ",
|
|
"34": "{Bơh Si-laa hloq dauh phaayh măn hlê kung oot, atoh Ju-đaa heq tok trôôk muuyq dro.}",
|
|
"35": "EE Phao-lôô ji Ba-naa-baa xa tyauq măn aduq An-tii-ôôt, pato dayq ji padoh taboon apok Lôôk, kung dii 'ngưưng dro kadrơơy.\n\n\\ts\\*\n\\p",
|
|
"36": "Xatyauq nưq, atêq muuyq sôôq hngơy dong dik, Phao-lôô đnooy dii Ba-naa-baa: \"Dik, haay duuh truh hlơq khơl ooh ay, tuôôy wiit hlê aduq kaluh theng đơu măn đưư, haay heq padooh taboon apok Lôôk, 'yo oot đong đaa aleq.\"",
|
|
"37": "Bơh Ba-naa-baa kung xung jarooy Jăng, jaah taayh laa Maak, kung hooy.",
|
|
"38": "EE Phao-lôô hloq leh duh xôq jarooy nhuu nưq kung hooy, nưq laa dro heq ka'lăk hooy khooyh oot tuôôy xing Bam-phii-lii ji leh rapa hooy dii oot đom kông varơuq.\n\\ts\\*",
|
|
"39": "Jơu neq, muuyq tuôôy tayaat takaay kôt xliih vlôôh, truh panôôy oot biq aklaah vlôôh dii mamuuyq, ka tuôôy Ba-naa-baa jarooy Maak tyauq xăk hooy ge truh Chip-rơơ.",
|
|
"40": "EE Phao-lôô, ajơ heq rơơrh Si-laa, yôôych tok trôôk, atêq tuôôy jaah khơl ooh ay ataq truh muut vanong kaxay kua Lôôk.",
|
|
"41": "Nưq yôôych, kơy hooy lotq Sy-rii ji Si-lii-sii, 'meq hlê khơl Tayuup Vaah.\n\n\\ts\\*"
|
|
}
|