See in Reader
31 lines
5.1 KiB
JSON
31 lines
5.1 KiB
JSON
{
|
|
"1": "Jơu neq varơuq xaliih vlôôh aduq Y-kôô-nii nưq laa kung dii mamuuyq oot hooy muut đom hnhư tagumq kua maniih Jo-Thaayq \nji pato dayq daang đaa nưq truh ajơ thiêêt 'ngưng maniih, padêq Jo-Thaayq hloay Hy-Laap, heq tuôq.",
|
|
"2": "Bơh khơl maniih Jo-Thaayq lưp tuôq heq ahluk ahluul ji khiêênq xuum biit khơl maniih tamooy xadaayq 'ya rơ tachơơl hlê khơl ooh ay.\n\n\\ts\\*",
|
|
"3": "Jo anưq, oot măn hlê đnư muuyq tuôôy kawaah yơơt, pato dayq đaa kôk kaalh truh Lôôk, laa Kơy dưk xanưk ka dong apok kua vanong kaxaay akdraq đaa ji dơơp ka luh hlêêl akêêh ji varơuq pa kêêh xaliih vlôôh tabaa ahlê tii oot. ",
|
|
"4": "Bơh tamooy đom theng biq ahlook avlôôh, ji muuyq sôôq yôôych tyauq maniih Jo-Thaayq, ee sôôq kadơy tyauq khơl jaah rơơrh.\n\\ts\\*",
|
|
"5": "Long anưq, đom ajơ xôq viih rôp toop kua hloay khơl maniih daak gôk ji maniih Jo-Thaayq, kung khơl dưk xanưk kua oot, jaah jêêk yuôôr xôq dơơp raơơh ji tiip phơu oot,",
|
|
"6": "yôôych atêq tuôôy xet varơuq nưq, oot rapaah naanq hlê kaluh theng Li-kaao-nii, Lit-trơơ, Đet-bơơ, ji dêh gaah giih,",
|
|
"7": "yôôych măn đnư, oot xatyauq đnooyq padooh taboon apok Kaxaay.\n\\ts\\*\n\\p",
|
|
"8": "Aduq Lit-trơơ, muuyq dro hoop kavap nưq đong 'ngôôy, dii pala jôôk biq talêêt xing tuôôy ee đom klaak miq ni, đơu ay nưq koq hmưq tawaak hooy.",
|
|
"9": "Ay neq tameeng Phao-lôô padooh, đơu kơy tuôôy 'yo atriik atriik muut ay yôôych hloq aneq ay neq e xuum tuôq xôq jaah paxêêk yơơh.",
|
|
"10": "Kơy đnooy kôt apok aneq: \"Dayh dưk hyioh kaah tal jôôk kua ay\", yôôych ay talon kaplok tok ji tawaak hooy.\n\\ts\\*",
|
|
"11": "đom ajơ, tuôôy manih karôp 'yo hloq varơuq đơu Phao-lôô heq dơơp, oot e apok atok. đnooy đaa dong apok Li-kaao-nii kua xăk, aneq: \"Kaluh Yaak, hlưp xok xăk xamơk koot manih, heq hooy pôôt dii haay.\"",
|
|
"12": "Oot kung taayh Ba-naa-baa laa \"yaak Jơơt,\" ee Phao-lôô laa \"yaak Hek- mêê,\" vii kơy laa dro đnooy 'ngưưng.",
|
|
"13": "kung ajơ nưq, thơy dok dơơp kua yaak Jơơt, laa para măn pi adrooyq theng, atêq tuôôy xagook ôôq boo ji wach raak truh 'mok, kơy nưq tinhq tơơk tưp lêêh kung dii manih karôp.\n\\ts\\*",
|
|
"14": "Bơh tuôôy tameng anưq, yôôych khơl jaah rơơlh, nưq laa Ba-naa-baa ji Phao-lôô, atêq tuôôy heq chieh auu xăk, oot ka thôp muut manih karôp, laa kôt",
|
|
"15": "ji dăch: \"Tôôy dro lơơy, aleq ooh ay dơơp kaluh varơuq neq? 'Wot kung laa khol manih kung dang xăk đaji ooh ay, đong padooh Hêêl Kaxaay ka ooh ay, xôq wih ooh ay khooyh taleq varơuq lưp ik neq xôq ngưưr truh Kơy Plêêk hloay riirh, Kơy pajêêk panưk plêêk, vari ji tahlii, kung tôôy varơuq đom nưq,",
|
|
"16": "ji Kơy đơu đom kaluh đơơy adrooyq tapa hlê, heq xôq ăm dêq hloay kaluh tamooy tawaak hooy tyauq trôôk đêh kua xăk,\n\n\\ts\\*",
|
|
"17": "bơh long anưq, Kadraq heq leh xôq ăm thiêêuq xanưk nưq truh kadiih Kadraq, tuôôy măn dơơp vanong kaxay ka ooh ay, đa ji kahni jit xing plêêk kung jit xagook hlê ik, khiênq xuum ooh ay phiq phơh dii tuông xaa ji hlaah hlaak.\"",
|
|
"18": "Ji tuôôy heq đnooy kaluh varơuq neq, oot vơ đuu goa jư manih karôp leh tơơk tưp ôôq ka xăk.\n\n\\ts\\*\n\\p",
|
|
"19": "Nưq kaluh, khơl manih Jo-Thaayq heq truh xing An-tii-ôôt ji Y-kôô-nii, atêq tuôôy heq hluk hluul manih karôp yôôych tiip phơu Phao-lôô, oot hoot kơy vlôôh pi gôk theng, vii biit kơy heq kaxêêt.",
|
|
"20": "Long anưq, ajơ khơl jaah rơơrh wii rawiit kơy, yôôych atêq tuôôy xalaak kaah, kơy hooy muut đom theng, yôôych hngơy klôôy atêq, kơy hooy kung Ba-naa-baa truh Đet-bơơ.\n\n\\ts\\*",
|
|
"21": "đom ajơ, tuôôy heq padoh taboon Hêêl Kaxaay aduq theng nưq ji khơl jaah rơơrh 'ngưưng dro, ooh rawiit xuq aduq Lit-trơơ, yôôych truh Y-kôô-nii, ji An-tii-ôôt,",
|
|
"22": "xa tyauq dơơp ăm kajưk xuum khơl jaah rơơrh, ahluk hluul oot ka jưk đom xuum tuôq , aneq: \"Tavơơh hlê 'ngưưng varơuq pơơl hwơơl laa varơuq duuh dik ka haay xôq muut đom daak dêh kua Kơy Plêêk.\"\n\n\\ts\\*",
|
|
"23": "Jơu neq, atêq tuôôy paja dơơp khơl kadraq lơơk ăm oot aduq đom kaluh Tayuup Vaah, ajơ heq xadook apôôy kung dii varơuq deek xaa, vaarq dro ataq ăm khơl maniih nưq ka Lôôk, laa Kơy đơu oot heq xôq xuum tuôq truh.",
|
|
"24": "Ji atêq tuôôy rapaah hlê Bi-sii-đii, oot hooy truh Bam-phii-lii.",
|
|
"25": "ajơ padooh Hêêr kaxay aduq Bet-gêê yôôych, oot hooy pôôt truh At-taa-lii.",
|
|
"26": "Xing aduq nưq, oot hooy ge truh An-tii-ôôt,laa aduq oot heq jaah palo ăm muut vanong kaxay kua Kơy Plêêk ka kông varơuq đơu oot heq paa yôôych.\n\n\\ts\\*",
|
|
"27": "Jơu neq, tuôôy heq truh aduq ji tưưuq tajauq Tayuup Vaah hlê, oot padooh taboon xet taleq varơuq Kơy Plêêk heq dơơp kung dii oot ji aneq Kadraq heq luuh 'mok xuum tuôq ka khơl tamooy daak gôk.",
|
|
"28": "Xatyauq nưq, oot măn hlê dii khơl jaah rơơrh muuyq tuôôy kwaah leh lêq.\n\\ts\\*"
|
|
}
|