See in Reader
33 lines
5.2 KiB
JSON
33 lines
5.2 KiB
JSON
{
|
|
"1": "Jơu neq, khơl jaah rơơrh ji ooh ay măn loch dêh Ju-đêê tameng aneq tamooy xadaay kung heq tuôq nhonq apok kua Kơy Plêêk.",
|
|
"2": "Nưq yôôych, tuôôy Phi-ee-rơơ hooy tok truh Jê-ruu-saa-leem, khơl dro jêêk nhomq chiuq goch kađuuh tayaat takaay dii kơy.",
|
|
"3": "đnooy aneq kơy heq hooy muut aduq khơl dro be goch kađuuh ji xa achung dii oot.\n\n\\ts\\*",
|
|
"4": "Bơh tuôôp tok apok, Phi-ee-rơơ taboon hlê ka oot tyaauq kadiih anưq aneq:",
|
|
"5": "\"Gô đong xadrook apôôy aduq theng Jôp-bêê, ji đom kaplah pavach xăk gô 'yo hloq kahnoq adrooyq truh muuyq tuôông tađnưk hơq đong kahri pôôt, dang tơmq khaanh kôt tuôôy poot muum jaah ahliaa pôôt xing plêêk ji ni truh kaa chôô gô, ",
|
|
"6": "đơu ajơ ngưưr mot 'yo muut đnư, gô kaa rauq ji hloq kaluh parooh ôq poot jôôk tol vari, kaluh parooh dong ôq, kaluh parooh adoor parook, kung kaluh parooh xêêp plêêk.\n\\ts\\*",
|
|
"7": "Yôôych gô kung tameng muuyq apok đnooy dii gô: \"Phi-ee-rơơ, atêq tuôôy kaah, daayh dơơp ôôq ji xaa yơu!\"",
|
|
"8": "Bơh gô tơơl: \"Kuh Lôôk, leh ik 'leq, vii tuôông lưp xarêêh long leh hlaah xarêêh be dong leq hooy muut đom huuy koot.\"",
|
|
"9": "Long anưq, xarooy xing plêêk tơơl hlê đom yưk thưq vaarq, aneq: \"Kaluh kajoq Kơy Plêêk heq dơơp xarêh, koot leh ik 'yo laa klơơr 'yêq.\"",
|
|
"10": "Jơu neq, varơuq neq xliih vlôôh truh pe yưk, yôôych tôôy thưư jaah duuy wiit hlê kơn plêêk.\n\n\\ts\\*",
|
|
"11": "Ji 'yo hơq, pe dro khơl kanơu vơơ jơ nưq dưk adrooyq ngưưr hnhư đơu 'wot đong măn 'lăp, vii heq jaah patăk hooy xing Sê-saa-rêê truh dii gô.",
|
|
"12": "Tuôôy nưq, Yaak Plêêk lơơh ka gô hooy dii oot, leh kamưưl iêl kajoq. Nưq yôôych, drơu ooh ay neq kung hooy dii gô, ji 'wot hooy muut đom hnhư kua dro nưq.",
|
|
"13": "Xatyauq đnooyq, kơy nưq heq taboon hlê ka 'wot đaa aleq kơy nưq heq hloq kơy hơu dưk đom hnhư kơy, lơơh đaneq: \"Dayh patăk dro truh Jôp-bêê ji ăm mưưy Si-môôn, dro jaah taayh laa Phi-ee-rơơ.",
|
|
"14": "laa manih hnoq đnooy ka ay kaluh apok pato dăch đơu gamưưh đnư, ay hnoq jaah wơơt - ay ji hloay hnhư kua ay.\"\n\\ts\\*",
|
|
"15": "Bơh tuôôy gô paa xarôp đnooy, Lôôk Phool Hiêêl heq kahri pôôt tol oot kung dang đaji tol haay muut ajơ kaa patep.",
|
|
"16": "Yôôych gô vach truh apok đnooy kua Lôôk, nưq aleq Kadraq hmưq đnooy: \"Jăng heq dơơp bap-teem ji daak; bơh ooh ay hnoq jaah bap-teem ji Lôôk Phool Hiêêl.\"\n\n\\ts\\* ",
|
|
"17": "Nưq đơu, atoh Kơy Plêêk heq kahni ăm oot kung muuyq vanong kung đaji ăm haay tuôôy xôq xuum tuuôq muut Lôôk, laa Lôôk Wơơt Dêh Jê-xuu, yôôych gô laa kơyq đơu e hnoq vơq klơl Kơy Plêêk?\"",
|
|
"18": "Jơu neq, ajơ heq tameng taleq apok nưq, oot paq takaay tayaat đơu ayuôôt laat Kơy Plêêk, đnooy aneq: \"Nưq yôôych Kơy Plêêk kung heq kahni ăm khơl tamooy daak gôk xuum wiit xuq xôq jaah varơuq riirh.\"\n\n\\ts\\*\n\\p",
|
|
"19": "Xatyauq nưq, khơl maniih biq hyaak hlơp xing tuôôy rôp top xaliih vlôôh maniih tuôôy Ê-tiêên heq pa chaay vlôôh truh duq Phê-nii-xii, Chip-rơơ ji An-tii-ôôt, leh đnooy ka kơyq truh apok Plêêk, vơ lưp jauq maniih Jo-thaayq.",
|
|
"20": "Bơh taleq dro đom sôôq nưq laa taleq dro ưk Chip-rơơ ji Sy-reen, đơu khơl dro neq tuôôy heq hooy truh An-tii-ôôt, oot kung đnooy dii khơl manih Hy-Laap, padoh taboon Hêêl Kaxaay truh Lôôk Jê-xu.",
|
|
"21": "Tii kua Lôôk măn kung oot; ji muuyq sôôq thieer karôp, vii tuôq, heq wiih ngưưr truh Lôôk.\n\\ts\\*",
|
|
"22": "Jơu neq, tuôq nưq truh khơl maniih neq lơơh truh aduq tayuup vaah măn aduq Jê-ruu-saa-leem, nưq oot patăk Ba-naa-baa hooy truh aduq An-tii-ôôt.",
|
|
"23": "đơu atêq tuôôy truh aduq ji 'yoo hloq vaa nong kua Kơy Plêêk, kơy jaah hlaah hlaak ji ahluk hluul dêq hloay kưq măn đom Lôôk dii varơuq kajưk dik đom xuum klaak.",
|
|
"24": "Vii kơy laa muuyq dro kaxaay, viik galaay Lôôk Phool Hiêêl kung xuum tuôq, ji 'ngưưng dro jaah athêêp muut ka Lôôk.\n\n\\ts\\*",
|
|
"25": "Atêq nưq, kơy hooy truh Tat-sơơ xôq axek Sau-lơơ.",
|
|
"26": "ajơ heq axek hloq, kơy jarooy maniih truh An-tii-ôôt. Nưq yôôych, varơuq xliih vlôôh đôôyq dii oot taa bơh đom hloay muuyq xanưm nưq laa jaah tưưuq hlê dii tayuup vaah ji pato dayq 'ngưưng dro. Đom tuôôy, yưk adrooyq dik aduq An-tii-ôôt, khơl jaah rơơrh jaah taayh laa khơl dro xatyaauq.\n\\ts\\*\n\\p",
|
|
"27": "Jơu neq, đom kaluh hngơy nưq, taleq kơy hlit xing Jê-ruu-saa-leem hooy pôôt truh An-tii-ôôt.",
|
|
"28": "Atoh yôôych, atêq tuôôy muuyq dro đom sôôq oot, anơng A-gaa-buut, dưk tok, xing Yaak Plêêk, kơy dơơp hlêêl aneq muuyq naanq pangoot kôt jeq xaliih truh tol loch dêh araak. Varơuq neq heq xliih vlôôh đom tuôôy Kơ-lôt.\n\n\\ts\\*",
|
|
"29": "Nưq laa đom khơl jaah rơơlh, tôôy dro đom sôôq nưq, atoh kơyq e kaa paraat măn nưlh leq, oot heq ưngq anưq deng vlôôh phon jưp waak xôq ataq ka ooh ay riirh aduq Ju-đêê,",
|
|
"30": "đơu oot taboon heq dơơp đaa nưq, tuôôy ăm ta'nhaak truh khơl kadraq lơơk gamưưh tii kua Ba-naa-baa ji Sau-lơơ.\n\n\\ts\\*"
|
|
}
|