See in Reader
19 lines
3.2 KiB
JSON
19 lines
3.2 KiB
JSON
{
|
|
"1": "'Wơơy oh ay xung xiaq, bơh haay e kaluh apok tavek nưq, nưq haay đơu dơơp ka haay xarêh pa dêq kaluh varơuq bmoh nhơy đom xak xmơk đa ji xuum klaak, dơơp vlôh dong xarêh dêq hloay đom varơuq yôq Kơy Plêêk.\n\\ts\\*\n\\p",
|
|
"2": "Dayh luh xuum oh ay ka 'wot; 'wot koq dơơp bơyq ji akơyq; 'wot koq pa ôh lar đơu kơyq; 'wot koq tagoa ka joq ji kơyq.",
|
|
"3": "Gô be đnooy xôq rôp kadrôk oh ay; bơh gô heq đnooy yôôych, nưq ji oh ay măn đom xuum 'wot, ji haay kung riilh, kung kaxêêt đơu mamuuyq.",
|
|
"4": "Gô đnooy ji oh ay paq kamưl ka joq, gô kahnoq 'ngưưng gô vlôh ka oh ay. Gô jah ado 'ngưưng. Gô kung jah thier 'ngưưng varơuq hlah hlaak đom kaluh pơơl daal.\n\\ts\\*\n\\p",
|
|
"5": "Long ji tuôôy 'wot truh Ma-xê-đoan, koot manih 'wot be jah padơy axich leq. Bơh đa nưq, 'wot biq pơơl hwơơl thier 'ngưưng - pi gôk e hmot jăk, đom xuum yôôych varal yôq.",
|
|
"6": "Bơh Kơy Plêêk ji Kơy adôô dro gưlh xuum, heq adôô 'wot tuôôy patăk Tit truh aduq,",
|
|
"7": "bơh leh aalq vơ varơuq truh di Tit heq, nưq măn varơuq adôô ni heq jah xok xing oh ay đnooyq, nưq ni e tabon hlê ka 'wot xet xuum trôôt e di oh ay, nưq ji nhiim ook di oh ay, kung đa ji xet xuum hlah hlaak trôôt tavơh gô di oh ay, varơuq nưq dơơp gô kaang hlah hlaak iaq đnooyq.\n\n\\ts\\*",
|
|
"8": "Long ji đom apok vlơk gô dơơp ka oh ay hlu xuum, bơh gô be biit alay (long ji adrooy ka nưq gô e biit alay tuôôy hloq apok vlơk heq dơơp ka oh ay phayh hlu xuum, bơh vơ muuyq jơy).",
|
|
"9": "Ju neq gô hlah hlaak, be aalq hloq oh ay hlu xuum, nưq bơh xuum hlu heq dơơp oh ay wit xuq hlê kon Kơy Plêêk. Oh ay heq hlu xuum tyauq yq di Kơy Plêêk, đa nưq 'wot be dơơp bơyq ka joq ka oh ay.",
|
|
"10": "Bơh varơuq hlu xuum tyauq yq Kơy Plêêk avlôh xuum wit xuq hlê kon Kơy Plêêk xôq jah wơơt bơh leh huq biit alay; măn varơuq hlu xuum tyauq koot manih avlôh varơuq kaxêêt.\n\\ts\\*",
|
|
"11": "Dayh 'yoo varơuq hlu xuum tyauq yq Kơy Plêêk heq avlôh varơuq kajoq đom oh ay: oh ay dêq xuum, varơuq varal yôq, varơuq takôô, varơuq trôôt dơơp, varơuq dook nưq ji dong aleq. Oh ay heq kahnoq vlôh ka kơyq kơyq xet aneq oh ay jj xarêh xarat đom varơuq nưq. ",
|
|
"12": "Yôôych nưq, atoh long gô heq vlơk ka oh ay, nưq leh aalq xôq biin khơl dơơp bơyq ba, kung leh aalq xôq pơq parêq ka varơuq leh jơq, bơh nưq xôq xuum dong dik di oh ay vi kơq 'wot jah kahnoq vlôh ka oh ay ka ngưưl Kơy Plêêk.\n\n\\ts\\*",
|
|
"13": "Xing nư 'wot đơu jah adôô. Leh aalq varơuq nưq 'wot jah adôô, 'wot kung hlah hlaak yơu iaq đnooyq, tuôôy hloq varơuq hlah hlaak di Tit; Nưq dêq hloay oh ay heq dơơp kôt tok xuum klaak Tit.",
|
|
"14": "Bơh atoh gô e kahnoq vlôh Tit ka oh ay varơuq ka joq, yôôych hnoq leh kamưưl. Bơh nưq, kaluh varơuq 'wot đnooy đơu oh ay jơq đaleq, yôôych apok kahnoq di 'wot đơu Tit kung jơq đanưq.\n\\ts\\*",
|
|
"15": "Xuum xung xiaq di Tit xôq ka oh ay nưq măn kôt iaq đnooyq, tuôôy Tit vach hlê varơuq tameen apok di dêq hloay oh ay, tuôôy oh ay tayh muut Tit ji xuum varal yôq.",
|
|
"16": "Gô hlah hlaak bơh heq tuuôq oh ay đom kaluh varơuq.\n\\ts\\*"
|
|
}
|