See in Reader
20 lines
2.7 KiB
JSON
20 lines
2.7 KiB
JSON
{
|
|
"1": "Đa nưq gô đơu paq layq wit hlê hooy hlơq oh ay đom tuôôy oh ay măn hlu.",
|
|
"2": "Atoh gô dơơp ka oh ay hlu xuum, yôôych e kơyq ik dơơp ka gô hlaah hlaak, nưq vơ adro gô dơơp hlu xuum?\n\\ts\\*",
|
|
"3": "Gô vlơk apok neq, xôq tuôôy gô truh, gô be huq hlu xuum vi khơl bơh đanq leq gô phayh hlah hlaak ka oot. Gô tuuôq dêq hloay oh ay, aneq hlah hlaak di gô nưq kung ji hlah hlaak di dêq hloay oh ay.",
|
|
"4": "Bơh xing varơuq pơl dal kôôt ji xuum klaak hnek rit, daak mot gô glaay hoot, nưq gô vlơk apok neq ka oh ay, be aalq xôq oh ay hlu xuum, bơh xôq oh ay hiêuh xet ik xuum xung xiaq kôôt glơh di gô heq xôq ka oh ay.\n\\ts\\*\n\\p",
|
|
"5": "Atoh kơyq dơơp hlu xuum, yôôych dro nưq be aalq dơơp ka gô, bơh đom axich long 'ngưưng leq nưq kung heq dơơp ka dêq hloay oh ay hlu xuum - be huq duh đnooy đnooyq.",
|
|
"6": "Dook bơh 'ngưưng dro oh ay xôq ka dro nưq bơh heq đuu yôôych.",
|
|
"7": "Bơh ju neq oh ay phayh ka'lăk ji adôô ay nưq, xôq ay nưq leh huq gưlh xuum vi hlu 'ngưưng.\n\\ts\\*",
|
|
"8": "Nưq, gô ahluk oh ay dayh xlih avlôh xuum xung xiaq đôôiq ji dro nưq. ",
|
|
"9": "Dik, kung vi đanưq gô đơu vlơk apok neq, xôq 'yoo oh ay e tamen apok đom tôôy varơuq be.\n\\ts\\*",
|
|
"10": "Atoh oh ay ka'lăk varơuq ka joq ka kơyq, yôôych gô kung ka'lăk - Bơh manih yôôych gô ka'lăk (atoh gô ka'lăk kadrôp leq nưq), nưq ji ka'lăk bơh kơq ka oh ay ka ngưưl Lôôk Wơơt Dêh,",
|
|
"11": "xôq haay leh huq biq Sa-taan ni điêêmq, bơh be aalq haay be xet dơơp hlê di ni.\n\\ts\\*\n\\p",
|
|
"12": "Long muuyq panưh amok heq jah luh vlôh ka gô padoh tabon Hêêl Kaxaay di Lôôk Wơơt Dêh Jê-xu tuôôy gô truh theng Trô-ach,",
|
|
"13": "bơh gô be hloq ahyơơl xuum, vi gô be tavơh dro oh ay Tit di haay măn đnư. Đa nưq, gô đơu heq ka'lăk oot dưk hooy truh Mê-xê-đoan. \n\\ts\\*\n\\p",
|
|
"14": "Bơh kuh kway Kơy Plêêk, Kơy dong kung leq kung jarooy adrooy 'wot jah jay đom Lôôk Wơơt Dêh yôôych xing 'wot parai avlôh muui thơơm ka varơuq 'yoo xet Kadraq loch kaluh aduq.",
|
|
"15": "Bơh 'wot măn kangưưl Kơy Plêêk ji muui thơơm di Kơy Christ, măn tuul dro jah wơơt , đơu ji măn tuul dro biq kaxêêt hlơp,\n\\ts\\*",
|
|
"16": "Ăm dro neq muui di varơuq kaxêêt dơơp dong kaxêêt, ăm dro hơq muui di varơuq riilh dơơp dong riilh. Akơyq dơơp ik kaluh varơuq neq?",
|
|
"17": "Nưq, 'wot be đnooy pa ôh apok di Kơy Plêêk đa ji 'ngưưng khơl drơy; bơh 'wot xok xuum dong dik tyauq đa ji trôôk Kơy Plêêk truh đaleq? yôôych padoh tabon avlôh đanưq ka ngưưl Kơy Plêêk, đom Kơy Christ. \n \n\\ts\\*"
|
|
}
|