See in Reader
20 lines
3.3 KiB
JSON
20 lines
3.3 KiB
JSON
{
|
|
"1": "Vii gô heq 'yo hloq varơuq neq laa toolh ka kadih xăk xôq leh truh dii oh ay yưk traa đom xuum ajơ jiq hluu.",
|
|
"2": "Bơh atoh xăk xamơk gô dơơp oh ay hluu rơu, yôôych akơyq laa adro dơơp ka gô hlah hlaak, atoh leh aalq adro biq gô dơơp ka jiq hluu?\n\\ts\\*",
|
|
"3": "Ji gô heq vlơk kung muuyq varơuq đaneq, xôq atêq tuôôy truh, gô klơlh tavơh varơuq jiq hluu xing khơl adro đơu đanq vlôh gô phayh hlah hlaak, vii heq xôq xuum tuôq aduq dêq hloay oh ay đaneq xuum hlah ku gô laa xuum hlah ku dêq hloay oh ay.",
|
|
"4": "Vii dưk hooy xing đơơt pơơl dal kôt lơyq ji xuum klaak paguul kaxuul, gô heq vlơk ka oh ay bơơn 'ngưưng daak mot, be aalq xôq oh ay biq hluu rơu, bơh laa xôq oh ay hno ik nhonq vlôh xuum xung xiaq đơu gô e deng ka oh ay muuyq kach rah jôôh iaq. \n\\ts\\*\n\\p",
|
|
"5": "Bơh atoh adro leq heq dơơp jiq hluu, yôôych adro nưq heq dơơp jiq hlu leh vơ ka gô, đơu e măn muuyq phoon leq nưq - đnooy nưq laa xôq gô leh rahloot gengq parêq tol dêq hloay oh ay.",
|
|
"6": "Hmot dook nưq deng ka adro đanưq xing phoon karôp oh ay laa đuu yôôch,",
|
|
"7": "vii anưq, wiih hlê laa oh ay duh thaa ka'lăk ji vado vadeen ay nưq yôôych iaq, te be truh nưlh leq nưq, adro đanưq hno ik biq nhonq karăp đom đơơt hlu rơu thier 'ngưưng ku ni.\n\\ts\\*",
|
|
"8": "Vii anưq, gô ahluk ahluul oh ay truh dơơp hlê xuum xung xiaq đôôyq dii adro nưq. ",
|
|
"9": "Dik, gô kung heq vlơk vii kơq neq: xôq gô e hno xet ik bơơn xanưk dưk dơơp aduq oh ay, liêêu oh ay e tameen apok đom tôôy varơuq long be.\n\\ts\\*",
|
|
"10": "Panưh kadrơy, đôôyq dii adro đơu oh ay thaa ka'lăk muuyq varơuq kajoq nưq, yôôych gô kung anưq - vii hloay kaah gô, đôôyq dii adro đơu gô heq thaa ka'lăk (atoh gô heq thaa ka'lăk muuyq varơuq kajoq nưq), nưq laa vii ich lơơy deng ka oh ay duq adrooyq kangưưr Lôôk Wơơt Dêh,",
|
|
"11": "xôq ka wot klơlh biq Sa-taan điêêmq atuuy, vii be aalq haay leh xet kajoq truh kaluh varơuq alưưt ku ni.\n\\ts\\*\n\\p",
|
|
"12": "Bơh, atêq tuôôy hooy truh Trô-aach, ji juu muuyq poop amok ka Hêêl kaxaay ku Lôôk Wơơt Dêh heq jah luh vlôh ka gô đom Lôôk,",
|
|
"13": "bơh gô heq be e varơuq ahyơơl tơơp đom xuum gô, vii gô heq leh tavơh ik Tiik, manih oh ay ku gô. Long anưq, atêq tuôôy aklah xing oot, gô dưk tok hooy truh Ma-xê-đoaan. \n\\ts\\*\n\\p",
|
|
"14": "Nưh yôôch, kuh kway Kơy Plêêk, laa Kơy hloay hloay jarooy 'wot hooy ayut ayau kach hlah hlaak đom Lôôk Wơơt Dêh, ji tapa 'wot, kahnoq vlôh muuy thơơm truh varơuq nhonq xet Kadraq măn tôôy aduq.",
|
|
"15": "Vii đôôyq dii Kơy Plêêk, 'wot laa kagul thơơm ku Lôôk Wơơt Dêh katuul khơl adro jah wơơt ji katuul khơl adro hưư hlơơp- \n\\ts\\*",
|
|
"16": "long đôôyq dii khơl dro neq, laa hlôôr vlôh xing varơuq kaxêêt xôq ngưưr truh varơuq kaxêêt, bơh đôôyq dii khơl adro đêh, laa kagul thơơm a vlôh xing varơuq riilh xôq ngưưr truh varơuq riilh. Akơyq đuu paraat ka kaluh varơuq neq?",
|
|
"17": "Vii 'wot leh dang đaji 'ngưưng adro taboot tek apok ku Kơy Plêêk vii lơơy dik, bơh đaji xing xuum dong dik sarêêh xaraat, đaji dang xing Kơy Plêêk, 'wot padoh taboon adrooyq kangưưr Kơy Plêêk đom Lôôk Wơơt Dêh. \n \n\\ts\\*"
|
|
}
|