See in Reader
21 lines
3.3 KiB
JSON
21 lines
3.3 KiB
JSON
{
|
|
"1": "EE jơq 'wot wiih paa xarôp kadiih vanê xăk? Dayh đji muyq sôôq manih, be leh wot duuh thưư đnooyq ne ataq truh ooh ay long xing ooh ay?",
|
|
"2": "kadiih ooh ay laa hlaa thưư kua wot, heq jaah valơk đom xuum wot, jaah tôôy adro xet ji đok, ",
|
|
"3": "vii jaah kahnoq vlôôh rooh raang aneq ooh ay laa hlaa thưư kua Lôôk Wơơt Dêh, heq jaah wot vach daay, leh jơq jaah valơk ji phôôm bơh ji Yaak plêêk kua Kơy Plêêk 'miêêh riirh, be jơq taat kapah phơu, đơu laa taal kaplaalh xuum ji hlek. \n\\ts\\*",
|
|
"4": "Panưh kadrơy, gamưưh Lôôk Wơơt Dêh, wot e xuum tuôq kajưk đaa nưq đôôyq dii Kơy Plêêk.",
|
|
"5": "Leh jơq vii 'wot e đuu paraat xing aduq xăk xamơk xôq biit đaa nưq muuyq varơuq leq nưq laa ee anưq xing kadiih xăk. Xaloah muut đnư, kaa paraat kua 'wot tabôk thơơl xing Kơy Plêêk,",
|
|
"6": "laa Kơy kung heq khienq 'wot e paa raat dơơp manih dơơp adoot kua taa vek đơơu, leh jơq, ji chưư valơk, bơh laa ji Yaak Plêêkl; vii chưư valơk păk xaxêêt, ee Yaak Plêêk khienq ăm riirh.\n\\ts\\*",
|
|
"7": "panưh kadrơy, atoh varơuq dơơp kua varơuq kaxêêt - jaah akleeh aklek đaa chưưh taal phơu - heq jaah kahnoq vlôôh đom tađnaah tađaak, truh tuôôy koot xau Y-sơơ-raa-êêl leh e kaa paraat 'yo taa hyioh muut mamưưt Môôy-see vii kơq kơq tađnaah tađnaak biq rook hlơơp kua mamưưt kơy,",
|
|
"8": "yôôych be aalq varơuq dơơp kua Yaak Plêêk hnoq kahnoq vlôôh đom tađnaah tađaak kaang 'ngưưng iaq xet taleq? \n\\ts\\*",
|
|
"9": "Vii atoh tađnaah tađnaak măn deng kaa varơuq dơơp kua varơuq xưh xadraah, yôôych varơuq dơơp kua varơuq hyioh jăk kaang viik muul tađnaah tađnaak 'ngưưng iaq đnooyq!",
|
|
"10": "Dik, vii varơuq heq hmưq jaah tađnaah tađnaak yôôych leh jaah tađaah tađnaak đom ajơ jơu neq, xing kơq varơuq tađnaah tađnaak galơơh yơơt iaq.",
|
|
"11": "Vii atoh varơuq biq rook riêêp heq truh dii tađnaah tađnaak, yôôych varơuq hloay ee hnoq truh đom tađnaah tađnaak kaang 'ngưưng phon iaq!\n\\ts\\*\n\\p",
|
|
"12": "Jo anưq, tuôôy e xuum taa kôô đaa nưq, 'wot nămq rôp 'ngưưng anưq dii xuum thiet kôk dik,",
|
|
"13": "ji leh daang đaji Môôy-see, kơy heq katuuh muuyq tômq maang tok taal mamưưt xăk \nngưưr truh varơuq leh xôq koot xau Y-sơơ-raa-êêl 'yo taa hyioh muut lôôt dik kua tađnaah tađnaak biq rook riêêp.\n\\ts\\*",
|
|
"14": "Long anưq, xuum klaak oot heq biq găk phơu, Vii ăm truh hngơy neng, kung muuyq tômq maang nưq hloay ee măn tol varơuq đok ganuun tavek duut, vii leh jaah wek luuh, nưq laa xing đom Lôôk Wơơt Dêh, ni đơơu biq rook riêêp. ",
|
|
"15": "Nưq atoh, ăm truh hngơy neng, long tuôôy leq ganuun Môôy-see jaah đok, yôôych muuyq tôm maang akluum tok xuum oot,",
|
|
"16": "ee atoh tuôôy leq akơyq nưq awiih ngưưr kơn Lôôk, yôôych tômq maang nưq jaah tơq ahooy.\n\\ts\\*",
|
|
"17": "Panưưh kadrơy, Lôôk laa Yaak Plêêk, ji Yaak Plêêk kua Lôôk măn 'leq, yôôych e rayơơh rayơơy măn đnư. ",
|
|
"18": "EE dêq hloay wot, dii maar mot leh kariik up, xaraar jaraak tađnaah tađnaak kua Lôôk, yôôych đong jaah ramaa vlôôh wiih jêêk kung muuyq ralơuq daang xing tađnaah tađnaak truh tađnaah tađnaak, ii đaji xing Lôôk, laa Yaak Plêêk. "
|
|
}
|