See in Reader
24 lines
4.2 KiB
JSON
24 lines
4.2 KiB
JSON
{
|
|
"1": "Gô phayh duh kahnoq vlôh xak, long leh ik xung liq. Gô hnoq đnooy đnooyq đom kaluh varơuq heq hloq ji varơuq tauq drooyq Lôôk heq kahni ăm ka gô.",
|
|
"2": "Gô xet muuyq dro đom Kơy Krist, kưl poot xanưưm adrooyq, jah taway tok rawaak plêêk thưq pe - đom xăk xmơk long gôk xăk xmơk, gô be xek, bơh Kơy Plêêk xek.\n\n\\ts\\*",
|
|
"3": "Gô xek muuyq dro đa nưq - đom xak xmơk long gôk xak xmơk gô be xek, bơh Kơy Plêêk xek - ",
|
|
"4": "dro nưq heq jah tawaay tok truh aduq Baa-raa-đii ji heq tameen kaluh apok be ik đnooy, kung be e kơyq jah đnooy vlôh ik.",
|
|
"5": "Măn dro nưq, gô hno kahnoq vlôh, bơh ka xak xmơk gô, yôôych gô hnoq leh kahnoq vlôh ka joq, bơh vơ kaluh varơuq yêuq đuôôiq di gô heq.\n\n\\ts\\*",
|
|
"6": "Bơh long gô e trôôt kahnoq vlôh yôôych gô kung be aalq ji dro vlôô, nưq gô hnoq đnooy dong dik. Bơh gô jưư, leh đnooy, xôq be e kơyq biit gô glơh iaq kaluh ka joq oot tameen, ji hloq xing gô.",
|
|
"7": "Đa nưq, xôq gô be huq tơơk dalơh xing varơuq kôôt glơh đêh đêêh di kaluh varơuq hloq adrooyq, gô heq phayh xok muuyq poop jaliêa jiilh muut kađuh gô - muuyq xpok di Sa-taan - xôq dơơp raơh gô, xôq ka gô be huq tơơk da lơh.\n\n\\ts\\*",
|
|
"8": "Heq pe yưk gô apôôy vôôch Lôôk đom varơuq neq, xôq Kadraq dơơp ni vlôh klơlh xing gô.",
|
|
"9": "Bơh Kadraq tơơl hlê gô: Vanong kaxaay gô đuu ka koot yôôych, vii taay yaak gô jah sleep đom varơuq kuruu.\" đa nưq gô hlaah hlaak ka varơuq kuruu gô yơu iaq, xôq taay yaak di Kơy Krist măn đom gô.",
|
|
"10": "Nưq, vii Kơy Krist, gô hlah xuum chiuq đom kaluh kuruu, dơơp paraơh, pơơl dal, rôp top, pơơl hwơơl, bơh dong leq gô kuruu, yôôych tuôôy nưq gô kaalh paraat.\n\n\\ts\\*\n\\p",
|
|
"11": "Gô phaay đa ji khơl vlôô! Oh ay heq bach gô đa nưq, tuôôy nưq bơh đaanq liq oh ay phayh adoo vnê gô đơu jơq, nưq gô lưq e thuua ka joq khơl jah rơơlh hơq, thier kôôt hơq, long gô be ra ka joq dêq.\n",
|
|
"12": "Dik, kaluh hlêêl di muuyq dro oh ay xatyauq heq xlih vlôh đom oh ay xing varơuq atuq xuum tôôy trôôk - nưq ji hlêêl đêh, da uh, varơuq dơơp taay yaak. ",
|
|
"13": "Atoh ka'lăk gô vlôh be dơơp ka joq tablaa truh ka oh ay, yôôych oh ay e varơuq ka joq đơu leh chưưnq Tayuup Vah kadrơy? Nưq oh ay dayh ka'lăk ka gô vi kaluh varơuq dơơp be hyioh jăk nưq! \n\n\\ts\\*\n\\p",
|
|
"14": "Neq hâuh, gô heq xung jeq truh aduq oh ay yưk thưq pe, ji gô hnoq leh dơơp parêq parơh ka oh ay. Bơh gô be axek ka joq di oh ay dêq - bơh vơ axek oh ay heq. Bơh be aalq koot xaau dơơp xôq kuua ka miq vaq, bơh miq vaq dơơp xôq ka koot xaau.",
|
|
"15": "Gô hnoq thier hlah hlaak tayuh jêêt mưh ji tayuh paraat kalh di gô, vi phool oh ay. Atoh gô xung xiaq oh ay athêêp, nưq bơh oh ay layq xung xiaq gô axich neeh?\n\n\\ts\\*",
|
|
"16": "Bơh long gô leh dơơp parêq parơh ka oh ay, bơh vii gô thier khôôk kheoq, yôôych gô heq anok rayaalh xôq rôp oh ay.",
|
|
"17": "Gô e xok muuyq dro leq đom khơl gô patăk truh xôq paôh lar oh ay, jơq be",
|
|
"18": "Gô heq ahluk Tiik truh aduq oh ay, ji gô kung patăk dro oh ay hơq hooy tyauq đơu ni. E jơq Tiik heq paôh laar oh ay be? 'Wot leh aalq tawaat hooy xing muuyq Yaak plêêk, tyauq ji muuyq dauq jôôk ih?\n\\ts\\*\n\\p",
|
|
"19": "Xing kaplah neq, oh ay biit 'wot axek trôôk xôq ji tưq biin kadih 'wot kangưưl oh ay? Nưq ji kangưưl Kơy Plêêk, đom Kơy Krist, nưq 'wot đnooy kaluh varơuq neq, bơh oh ay thier xung xiaq, dêq hloay kaluh varơuq nưq xôq dơơp kôôt oh ay.\n\n\\ts\\*",
|
|
"20": "Vii gô yôq aneq tuôôy gô truh, chăăm lơ gô be hloq oh ay ik đa ji gô biit trôôt, ji chăăm lơ oh ay kung be hloq gô đa ji oh ay biit trôôt; bơh hnoq e 'ngưưng tayaat, 'ya rơ, tôq jaraq, leh taguu, đnooy bơyq, pa hnhiq, đnooy xơuq, tơơk dalơh, ji lôônq xônq.",
|
|
"21": "Xet aleq tuôôy gô wit hlê, Kơy Plêêk di gô đơu dơơp gô kamưưl kangưưl oh ay, ji gô bơh hnoq hlu xuum ka 'ngưưng dro đom kaluh khơl heq xatôlh adrôp đơu leh xlih xuum kaluh varơuq bmoh nhơy, puq atrăp ji bmoh bmơy oot heq dơơp. \n\n\\ts\\*"
|
|
}
|