See in Reader
21 lines
3.1 KiB
JSON
21 lines
3.1 KiB
JSON
{
|
|
"1": "Panưh kadrơy, đong tuôôy kung dơơp varơuq dii Kadraq, 'wot kung apôôy vôôch oh ay te nhonq vanong kaxaay ku Kơy Plêêk kach lưp iich-",
|
|
"2": "vi Kadraq đnooy: \"Đom tuôôy jah nhonq, gô heq đong tameng xôq tơơl hlê koot, ji đom hngơy wơơt xok, gô heq wơơt waak koot.\" Hơơq, jơu neq laa tuôôy hlah nhonq, Hơơq, jơu neq laa hngơy wơơt xok.-",
|
|
"3": "bơơn kach leh tagaay kơq xatôôlh lôôp đom paq kê varơuq kajoq, xôq varơuq dơơp ku 'wot klơlh biq đnooy toah,\n\\ts\\*",
|
|
"4": "Tađôôy muut đnư, đom tôôy varơuq, 'wot kahnoq vlôlh kadiih xăk đaji khơl xapok ku Kơy Plêêk: đom varơuq chiuq uônq thier kôt, đom 'ngưưng pơơl dal, đom 'ngưưng pơơl hwơơl, đom đơơt parêq parơh,",
|
|
"5": "đom kaluh hlêêl panoon, đom aduq hnhư karuk, đom aduq a'luk a'lak, đom varơuq pơơl dal, đom kaluh klôôy hlơp vik, đom kaluh đơơt pangoot hrah,",
|
|
"6": "đom varơuq xarêh xaraat, đom varơuq hlolh xet, đom varơuq atuq xuum, đom varơuq wêêt xuum, đom Kơy Phool Hiel, đom xuum xung xiaq dong dik,",
|
|
"7": "đom apok dong dik, đom taay yaak ku Kơy Plêêk; gmưh kaluh khêêl jaauq hyioh jăk aduq tii akoh ji tii akeng, \n\\ts\\*",
|
|
"8": "xing tađnah tađnaak hloay oom kadrôp, xing apok xơuq hloay apok kaxaay; đaji adro adôô alưưt, đơu wiih đanq tuôq gmưh; ",
|
|
"9": " đaji be ik xet truh, đơu laay jah 'ngưưng adro nhonq xet; đaji jeq kaxêêt, đơu - hơơq! - măn riirh; đaji chiuq hmot dook, đơu wiih leh biq păk kaxêêt; ",
|
|
"10": "đaji chiuq pơơl hwơơl, bơh hloay hlah hlaak; đaji adrah pơơl, bơh dơơp ka 'ngưưng adro jêêk vlôh karoh; đaji be e kajoq, đơu laay heq jah tôôy varơuq. \n\n\\ts\\*\n\\p",
|
|
"11": "Oh ay manih Kô-riin-tôô lơơy, ver 'wot heq luh vlôh đôôyq dii oh ay; xuum 'wot heq jah luh ranưh.",
|
|
"12": "Leh aalq oh ay biq boo vek xing 'wot, bơh oh ay biq boo vek xing xuum oh ay; ",
|
|
"13": "vii anưq đom varơuq blaa hămq dong xađong - gô đnooy đaji dang dii oon oh - oh ay kung dayh xôq kadih xăk jah luh ranưh vlôh.\n\\ts\\*",
|
|
"14": "Te chiuq xa'maak varaq leh duuh xưngq \ndii khơl adro be tuôq, vii varơuq hyioh jăk ji lưp ganuun e varơuq adơơp raa kajoq? Long xaraar tađnaah dii kamưng klôôy e varơuq anguk achung leq? ",
|
|
"15": "Lôôk Wơơt Dêh dii Bê-li-aan e varơuq taguu kajoq? Long manih tuôq e phon kajoq achung dii adro leh tuôq?",
|
|
"16": "Hnhư hơu ku Kơy Plêêk kung dii vangưưr e varơuq tagumq kajoq? Vii haay laa hnhư hơu ku Kơy Plêêk hloay riilh, dang đaji Kơy Plêêk heq đnooy đaneq: \"Gô hno măn đnư ji hooy hlê hooy hooy măn katuul oot; Gô hno laa Kơy Plêêk ku oot, ji kadih oot hno laa tamooi Gô.\"\n\n\\ts\\*\n\\m",
|
|
"17": "Vii anưq, \"Dayh hooy vlôh xing katuul bing oot ji chiuq aklah dii oot,\" Lôôk đnooy, \"ji te đungq truh tuôông klơơl 'yêq, yôôch Gô hno đonq nhonq khơl koot.\"",
|
|
"18": "Ji \"Gô hno laa Vaq đôôyq dii êêp koot, ji êêp koot hno laa koot kanơu, koot kadrê đôôyq dii Gô,\" Lôôk Taay Yaak đnooy.\n\\ts\\*"
|
|
}
|