See in Reader
24 lines
4.2 KiB
JSON
24 lines
4.2 KiB
JSON
{
|
|
"1": "Gô phayh duh kahnoq vlôh xak, long leh ik xung liq. Gô hnoq đnooy đnooyq đom kaluh varơuq heq hloq ji varơuq tauq drooyq Lôôk heq kahni ăm ka gô.",
|
|
"2": "Gô xet muuyq dro đom Kơy Krist, kưl poot xanưưm adrooyq, jah taway tok rawaak plêêk thưq pe - đom xak xmơk long gôk xak xmơk, gô be xet, bơh Kơy Plêêk xet.\n\n\\ts\\*",
|
|
"3": "Gô xet muuyq dro đa nưq - đom xak xmơk long gôk xak xmơk gô be xet, bơh Kơy Plêêk xet - ",
|
|
"4": "dro nưq heq jah tawaay tok truh aduq Ba-ra-đii ji heq tameeng kaluh apok be ik đnooy, kung be e kơyq jah đnooy vlôh ik.",
|
|
"5": "Măn dro nưq, gô hno kahnoq vlôh, bơh măn xak xmơk gô, yôôych gô hnoq leh kahnoq vlôh ka joq, bơh vơ kaluh varơuq ravot di gô heq.\n\n\\ts\\*",
|
|
"6": "Bơh long gô e trôôt kahnoq vlôh yôôych gô kung be aalq ji dro vlôô, vii gô hnoq đnooy dong dik. Bơh gô jưư hlê, leh đnooy, xôq be e kơyq biit gô glơh iaq kaluh ka joq oot tameeng, ji hloq xing gô.",
|
|
"7": "Vii anưq, xôq gô be huq tơơk da lơh xing varơuq kôôt glơh đêh đêh di kaluh varơuq hloq adrooyq, gô heq phayh xok muuyq poop xamok gaay da lôôh muut kađuh gô - muuyq xpok di Sa-taan - xôq dơơp raơh gô, xôq ka gô be huq tơơk da lơh.\n\n\\ts\\*",
|
|
"8": "Heq pe yưk gô apôôy vôôch Lôôk đom varơuq neq, xôq Kadraq dơơp ni vlôh klơlh xing gô.",
|
|
"9": "Bơh Kadraq tơơl hlê gô: Vanoong kaxaay gô đuu ka koot yôôych, vii taay yaak gô jah salaep đom varơuq ravot.\" đa nưq gô hlaah hlaak ka varơuq ravot gô yơu iaq, xôq taay yaak di Kơy Krist măn đom gô.",
|
|
"10": "Nưq, vii Kơy Krist, gô hlah xuum chiuq đom kaluh ravot, vaih vaoop, pơơl dal, rôp top, pơơl hwơơl, bơh dong leq gô ravot, yôôych tuôôy nưq gô kaalh paraat.\n\n\\ts\\*\n\\p",
|
|
"11": "Gô phaay đa ji khơl vlôô! Oh ay heq pahneen gô đa nưq, đom tuôôy nưq bơh đaanq liq oh ay phayh adoo vnê gô đơu jơq, vii gô lưq e thuua ka joq khơl jah rơơlh hơq, thier kôôt hơq, long gô be ra ka joq dêq.\n",
|
|
"12": "Dik, kaluh hlêêl di muuyq dro oh ay xatyauq heq jah xlih vlôh đom oh ay xing varơuq atuq xuum tôôy trôôk - nưq ji dơuq đêh, da uh, varơuq dơơp taay yaak. ",
|
|
"13": "Vii e varơuq ka joq bơh oh ay biq dơơp ra ơh iaq kaluh Tayuup Vah kadrơơy, đêh ka varơuq gô neq leh dơơp pơq parêq ka oh ay? Dayh ka'lăk varơuq dơơp leh hyioh jăk neq di gô!\n\n\\ts\\*\n\\p",
|
|
"14": "Neq hâuh, gô heq xung jeq truh aduq oh ay yưk thưq pe, ji gô hnoq leh dơơp parêq parơh ka oh ay. Bơh gô be axek tuôông ka joq di oh ay dêq - bơh vơ axek oh ay heq. Bơh be aalq koot xaau dơơp xôq kuua ka miq vaq, bơh miq vaq dơơp xôq ka koot xaau.",
|
|
"15": "Gô hnoq thier hlah hlaak chiuq tayuh jêêt mưh, tayuh xarêh, vii phool oh ay. Atoh gô xung xiaq oh ay athêêp, yôôych oh ay laayq xung xiaq gô axich neeh?\n\n\\ts\\*",
|
|
"16": "Bơh long gô leh dơơp parêq parơh ka oh ay, bơh vii gô thieer khôôk kheoq, yôôych gô heq anok rayaalh xôq rôp oh ay.",
|
|
"17": "Gô e xok muuyq dro leq đom khơl gô patăk truh xôq paôh lar oh ay, jơq be",
|
|
"18": "Gô heq ahluk Tiik truh aduq oh ay, ji gô kung patăk dro oh ay hơq hooy tyauq đơu ni. E jơq Tiik heq paôh laar oh ay be? 'Wot leh aalq tawaat hooy xing muuyq Yaak plêêk, tyauq ji muuyq dauq jôôk ih?\n\\ts\\*\n\\p",
|
|
"19": "Xing kaplah neq, oh ay biit 'wot axek trôôk xôq ji tưq biin kadih 'wot kangưưl oh ay? Nưq ji kangưưl Kơy Plêêk, đom Kơy Krist, nưq 'wot đnooy kaluh varơuq neq, bơh, 'wơơy oh ay thieer xung xiaq, dêq hloay kaluh varơuq nưq xôq dơơp kôôt oh ay.\n\n\\ts\\*",
|
|
"20": "Vii gô yôq aneq tuôôy gô truh, xet 'leq gô leh hloq oh ay ik đa ji gô biit trôôt, ji xet 'leq oh ay kung leh hloq gô đa ji oh ay biit trôôt; bơh dik hnoq e tayaat, 'ya rơơ, tôq jaraq, leh taguu, pahnhiq, đnooy xơuq, tơơk dalơh, ji a'luk a'lak.",
|
|
"21": "Gô biit aneq tuôôy gô wiit hlê, Kơy Plêêk di gô hnoq dơơp gô phayh kamưưl ngưưl oh ay, yôôych bơh hnoq phayh jiq hluu truh 'ngưưng dro đom khơl heq lôp kadrôp bơh leh xlih xuum kaluh varơuq 'moh 'mơy, tuk taak ji tongiil oot heq dơơp.\n\\ts\\*"
|
|
}
|