See in Reader
20 lines
2.7 KiB
JSON
20 lines
2.7 KiB
JSON
{
|
|
"1": "Vii gô heq yo hloq varơuq neq laa tolh ka diih xăk xôq leh truh dii ooh ay yưk traa đom xuum ajơ jiq hluu.",
|
|
"2": "Atoh gô dơơp ka oh ay hlu xuum, yôôych e kơyq ik dơơp ka gô hlaah hlaak, nưq vơ adro gô dơơp hlu xuum?\n\\ts\\*",
|
|
"3": "Gô vlơk apok neq, xôq tuôôy gô truh, gô be huq hlu xuum vi khơl bơh đanq leq gô phayh hlah hlaak ka oot. Gô tuuôq gmưh dêq hloay oh ay, aneq hlah hlaak di gô nưq kung ji hlah hlaak di dêq hloay oh ay.",
|
|
"4": "Bơh xing varơuq pơơl dal kôôt ji hluu xuum, nưq gô vlơk apok neq ka oh ay ji daak mot hoot vlôh, be aalq xôq oh ay jiq hluu, bơh xôq oh ay xet hlolh ik xung xiaq kôôt glơh di gô heq xôq ka oh ay.\n\\ts\\*\n\\p",
|
|
"5": "Atoh kơyq dơơp hlu xuum, yôôych dro nưq be aalq dơơp ka gô, bơh đom axich long 'ngưưng leq nưq kung heq dơơp ka dêq hloay oh ay hlu xuum - be huq duh đnooy đnooyq.",
|
|
"6": "Đnooy paleah bơh 'ngưưng dro oh ay xôq ka dro nưq bơh heq đuu yôôych.",
|
|
"7": "Bơh ju neq oh ay phayh ka'lăk ji vadoh vadeen ay nưq, xôq ay nưq leh huq gưlh xuum vii hluu rơu 'ngưưng.\n\\ts\\*",
|
|
"8": "Nưq, gô ahluk ahluul oh ay dayh kahnoq vlôh xuum xung xiaq đôôiq ji dro nưq. ",
|
|
"9": "Dik, kung vi đanưq gô đơu vlơk apok neq, xôq 'yoo oh ay e tameeng apok đom tôôy varơuq be.\n\\ts\\*",
|
|
"10": "Atoh oh ay ka'lăk varơuq ka joq ka kơyq, yôôych gô kung ka'lăk - Bơh manih yôôych gô ka'lăk (atoh gô ka'lăk kadrôp leq nưq), nưq ji ka'lăk bơyh kơq ka oh ay ka ngưưl Kơy Krist.",
|
|
"11": "xôq haay leh huq biq Sa-taan ni điêêmq, bơh be aalq haay be xet dơơp hlê di ni.\n\\ts\\*\n\\p",
|
|
"12": "Long muuyq pop 'mok heq jah luh vlôh ka gô padoh taboon Hêêl Kaxaay di Lôôk Jê-xu Krist tuôôy gô truh theng Trôô-ach,",
|
|
"13": "bơh gô be hloq ahyơơl xuum, vii gô be tavơh dro oh ay Tiik di haay măn đnư. Yôôych nưq, gô đơu heq ka'lăk oot dưk hooy truh Mê-xê-đoan. \n\\ts\\*\n\\p",
|
|
"14": "Bơh kuh kway Kơy Plêêk, Kơy dong leq kung jarooy adrooyq 'wot jah jay đom Kơy Krist, yôôych xing 'wot, parai vlôh muui thơơm ka varơuq 'yoo xet Kadraq loch kaluh aduq.",
|
|
"15": "Bơh 'wot măn kangưưl Kơy Plêêk ji muui thơơm di Lôôk Wơơt Dêh, đom manih jah wơơt kung daang ji đom khơơl kaxêêt hlơp,\n\\ts\\*",
|
|
"16": "Ăm dro neq muui di varơuq kaxêêt dơơp dong kaxêêt, ăm dro hơq muui thơơm di varơuq riilh dơơp dong riilh. Akơyq dơơp ik kaluh varơuq neq?",
|
|
"17": "Nưq, 'wot be đnooy pa ôh apok di Kơy Plêêk đa ji 'ngưưng khơl drơơy; bơh 'wot xok xuum dong dik tyauq đa ji trôôk Kơy Plêêk truh đaleq? yôôych padoh taboon vlôh đanưq ka ngưưl Kơy Plêêk, đom Kơy Krist. \n \n\\ts\\*"
|
|
}
|