See in Reader
27 lines
5.0 KiB
JSON
27 lines
5.0 KiB
JSON
{
|
|
"1": "Phaao-lôô, khơl xatyauq kua Lôôk Wơơt Dêh Jê-xuu xing iq trôôt kua Kơy Plêêk, ji manih ooh ay Ti-môô-thêê, ataq ka Tayuup Vaah kua Kơy Plêêk măn aduq Kô-riinh-tôô, kung ăm dêq hloay khơl jaah rơơrh đong măn đom lot dêêh A-chaay. ",
|
|
"2": "Apôôy vanong kaxaay ji varơuq hrok hror xing Kơy Plêêk, Vaq haay, ji Lôôk, laa Lôôk Wơơt Dêh Jê-xuu, truh taal ooh ay!\n\\ts\\*\n\\p",
|
|
"3": "Đong ayuôôt alaat Kơy Plêêk ji Vaq kua Lôôk haay-Lôôk Wơơt Dêh Jê-xuu-nưq laa Vaq kua varơuq biit angơuq, ji Kơy Plêêk kua tôôy varơuq vado vadeng,",
|
|
"4": "laa Kơy vado vadeng 'wot đom tôôy pơơl daal kua 'wot, jaroor truh varơuq khieenq ka wot ee hnoq vado vadeng khơl kơyq măn đom tôôy pơơl daal đaa varơuq vadoh vadeng đơu kadiih 'wot jaah vado vadeng xing Kơy Plêêk. \n\\ts\\*",
|
|
"5": "Vii đaji kaluh pơơl daal kua Lôôk Wơơt Dêh hooch galaay tal 'wot đaa leq, yôôych varơuq vado vadeng kua 'Wot dalơơlh hlê Lôôk Wơơt Dêh kung hooch galaay yôôych đaa nưq.",
|
|
"6": "Bơh atoh 'wot chiuq pơơl daal, yôôych nưq laa vii varơuq vadoh vadeng ji varơuq wơơt xok kua ooh ay; atoh 'wot jaah vadoh vadeng, yôôych nưq laa vii varơuq vadoh vadeng kua ooh ay, laa varơuq jaah hmưq ranuaq đom varơuq chiuq tađnưk kung kaluh pơơl daal đơu kadiih 'wot kung đong chiuq.",
|
|
"7": "Vaa xuum taa kôô kua 'wot truh ooh ay laa kajưk dik, tuôôy xet aneq đaji ooh ay laa khơl manih kung jưq phơn đom varơuq pơơl daal đaa leq, yôôych kung jưq phơn đom varơuq vado vadeng đaa nưq.\n\\ts\\*",
|
|
"8": "Tơơl ooh ay, vii 'wot leh xung ooh ay be huq xet truh kaluh pơơl hwơơl heq xaliih truh ka 'wot aduq A-sii. aneq 'wot heq chiuq raanq genq dêq nưlh, galơơh taalh ka paraat, truh nôôy 'wơt taa bơơh padêq hloay leh ee taa kôô xôq riirh.",
|
|
"9": "Long anưq, kadiih 'wot 'miêh heq ee ta gleeh păk kaxêêt pii 'lăp xăk, hlơu ka wơt be ee hnoq ganưq gamưưh aduq xăk xamơk, bơh laa aduq Kơy Plêêk, Kơy khieenq adro xaxêêt riirh hlê,",
|
|
"10": "laa Kơy heq hnoq wơơt 'wot klơlh varơuq kaxêêt kôôt đaa hơq, yôôych Kadraq hnoq jaah wơơt 'wot- anưq laa măn aduq Kadraq, 'wot ee xuum taa kôô aneq Kadraq kung hnoq măn hnoq wơơt 'wot đnooyq.\n\\ts\\*",
|
|
"11": "Tuôôy ooh ay kung jưq phơn waak đơơ đom varơuq xadrook apôôy vii kơq 'wot-đơu ăm dưk hooy xing 'ngưưng adro, vanong kaxay truh ataal 'wot, Kơy Plêêk nhonq xok kaluh apok kuh koay xing 'ngưưng adro vii kơq \n 'wơt.\n\\ts\\*\n\\p",
|
|
"12": "Vii varơuq kahnoq vlôh kua 'wot laa đaa neq: apok xanưk kua xuum klaak 'wot, aneq 'wot heq xa măn tul dêh araak đom varơuq hlaang vaah ji dong dik kua Kơy Plêêk, leh aalq xing varơuq khôôt kheeuq tyauq xăk hlek, bơh xing vanong xaxaay kua Kơy Plêêk, đơu dik laa đôôyq dii ooh ay.",
|
|
"13": "Vii 'wot be valơk ka ooh ay varơuq kajoq đêh, pagôk kaluh varơuq đơu ooh ay đok jaah ji hlolh ik, Bơh gô taa kôô aneq ooh ay hnoq hlolh ăm ratơơh.",
|
|
"14": "kung đaji ooh ay heq hlolh 'wot phơn leq-aneq 'wot laa varơuq kahnoq vlôôh kua ooh ay, yôôych ooh ay kung đaa nưq đôôyq dii wot, đom hngơy kua Lôôk 'wot, laa Lôôk Jê-xuu. \n\\ts\\*\n\\p",
|
|
"15": "ji dii varơuq tuôq anưq nưq, adrooyq neq gô đinq truh dii ooh ay, xôq ooh ay ee hnoq ee vanong kaxaay yưk thưq vaarq,",
|
|
"16": "Yôôych xing aduq ooh ay xôq hooy hlê truh Ma-xêê-đoaan, ji xing Ma-xêê-đoaan wiit truh dii ooh ay, yôôych jaah ooh ay jarooy tok trôôk truh Ju-đêê.\n\\ts\\*",
|
|
"17": "Vii anưq, tuôôy đong jauq varơuq neq, yôôych ee aalq be laa gô heq păk kaxêêt đom varơuq leh dong dik? Long gô heq ralauq varơuq xăk kadiih jauq tyauq xăk hlek, xôq yôôych đom gô laa \"Jơq, Jơq\" hloay \"Leh, Leh\" aleq?",
|
|
"18": "Ƀơh Kơy Plêêk laa muuyq xuum, nưq đơu apok kua 'wot deng ka ooh ay yôôych leh aalq nhap \"Jơq\" nhap \"Leh\" 'leq.\n\\ts\\*",
|
|
"19": "Vii Koot Kơy Plêêk, laa Lôôk Wơơt Dêh Jê-xuu, Kơy heq jaah padooh taboon tul wach ooh ay xing gô-nưq laa xing gô ji Siin-vaanh kung Ti-môô-thêê -be aalq laa nhap \"Jơq\" nhap \"Leh \"đơu đom Kadraq 'miêh hloay laa \"Jơq\". ",
|
|
"20": "Bơh xet taleq apok taveek kua Kơy Plêêk rapa laa \"Jơq\" đom Kadraq. Jo anưq, kung gamưh Kadraq, apok \"A-meen\" hlê 'wot tơơk tưp Kơy Plêêk vii tađnaah tađaak Kadraq.\n\\ts\\*",
|
|
"21": "panưh kadrơy, Kơy Plêêk laa Kơy xanưk dơơp 'wot dii ooh ay đom Lôôk Wơơt Dêh ji heq paraa jơu ka 'wot.",
|
|
"22": "kung laa Kơy heq đonq hlêêl 'wot ji kahnii varơuq dăch xanưk kua Yaak Plêêk muut đom xuum 'wot.\n\\ts\\*\n\\p",
|
|
"23": "Măn gô yôôych apôôy vôôch Kơy Plêêk dơơp manih xanưk ka phool hieel gô aneq vii nưh nhiinq ka'lăk hlê ka ooh ay, gô heq leh hooy truh Kô-riinh-tôô đnooyq.",
|
|
"24": " Be aalq xing 'wot ee dong qwieen taal xuum tuôq ooh ay, bơh xing 'wot laa khơl 'wơơy raa paa vii hlaah hlaak kua ooh ay, jo ooh ay heq dưk kajưk đom xuum tuôq yôôych. \n\\ts\\*"
|
|
}
|