See in Reader
24 lines
4.0 KiB
JSON
24 lines
4.0 KiB
JSON
{
|
|
"1": "Vii haay xet aneq atoh rawaak hnhư 'laarq vari kua haay, nưq laa kua pơơ raap neq, biq paa hyaak, yôôych haay e muyq dang hnhư xơơy panưk vlôôh xinh Kơy Plêêk, laa hnhư đơơy đơơy taal kaluh taal plêêk, leh jo tii manih kadrơy dơơp vlôôh.",
|
|
"2": "Ji dik, haay tanguuh alơơlh đom rawaak hnhư neq, đong tuôôy taa kôô jaah kahliik athêêp muut aduq măn kua xăk xing taal plêêk, ",
|
|
"3": "ji axit vlôôh atoh heq hlưp yôôych, yôôt haay hnoq leh biq hloq laa kaluk kalaa.\n\\ts\\*",
|
|
"4": "Ji dik, laa khơl manih đong măn đom pơơ raap neq, haay tanguuh aloo xing chiuq pơơl daal, vii kơq varơuq nưq đơu haay leh xung biq tabloo hloay, bơh jaah kahliik athêêp muut, xôq kaluh thưư xatyauq 'laarq varơuq kaxêêt e hnoq biq luôôt hlơơp xing varơuq riirh.",
|
|
"5": "Panưh kadrơy, Kơy heq raa lauq haay ka kadiih varơuq neq laa Kơy Plêêk, laa Kơy heq kahnii ka haay varơuq dăch xanưk kua phool hiêêl.\n\\ts\\*",
|
|
"6": "Jo anưq, ju hloay hloay kôk dik yôôych 'miêêh xeq aneq tuôôy măn hnhư đom xăk xamơk neq, haay đong kawaah xangưưy khooyh Lôôk -",
|
|
"7": "vii haay tawaak hooy xing xuum tuôq, leh xing varơuq hloq ik.",
|
|
"8": "EE 'wot kưq kôk dik ji hlaah xuum long kwaah xangơơy khooyh xăk xamơk neq ji măn hnhư dii Lôôk yơu iaq. \n\\ts\\*",
|
|
"9": "Ăm atoh, wot dêq xuum kaalh paraat xôq jaah hlaalh xuum Lôôk, ăm anưq măn đom hnhư long kawaak xanưưy. ",
|
|
"10": "Vii varơuq dăch băch đôôyq dii padêq hloay haay laa phaayh biq phaar kahnoq adrooyq ngôôy xưh xadraah kua Lôôk Wơơt Dêh, hlơu ăm tôôy adroo ee hnoq nhonq hlê kaluh kajoq taa xưngq dii kaluh varơuq đơu xăk heq dưk dơơp hlulh hlê xăk xamơk, e hnoq laa tơơlh long xơuq.",
|
|
"11": "Jo anưq, vii xet varơuq đang kuh yôq kua Lôôk, 'wot đơu adôô manih nưq. EE wot jaah Kơy Plêêk xet rooh, đơu gô kung taa kôô jaah xet rooh đom xuum klaak kua ooh ay. ",
|
|
"12": "Leh aalq 'wot wiih đong kadiih kahnoq vlôôh kadiih xăk dii ooh ay, bơh laa đong ăm ooh ay muuyq ka tuôôy kahnoq vlôôh vii kơq wot, xôq ooh ay e hnoq e apok tơơl hlê deng ka khơl adro vaa nêê aduq daang pii gôk đơu leh aalq đom xuum.\n\\ts\\*",
|
|
"13": "Vii atoh 'wot e đơu adruôôy, ay laa vii Kơy Plêêk; atoh 'wot e kamưưl ieel, nưq laa vii ooh ay.",
|
|
"14": "Bơh xung xiêq kua Lôôk Wơơt Dêh rôp dăch wot, atêq tuôôy xadraah hloq varơuq neq: nưq laa muuyq dro heq kaxêêt xaloah ka tôôy dro, ăm atoh, tôôy dro heq xaxêêt.",
|
|
"15": "Kadraq heq kaxêêt xaloah ka tôôy dro, xôq khơl akơyq đong riirh be ee riirh vii kadiih xăk đnooyq, bơh laa vii Kơy heq kaxêêt xaloah oot ji heq jaah khieenq riirh hlê.\n\\ts\\*",
|
|
"16": "Nưq atoh, xing jơu neq, 'wot leh ee xeq akơyq tyauq xăk hlek. Đơu vơơ ju 'wot heq hmưq nhonq xet Lôôk wơơt Dêh tyauq xăk hlek, bơh jơu neq, 'wot leh ee nhonq xet Kadraq tyauq đaa nưq đnooyq.",
|
|
"17": "Vii anưq, nưh kơyq măn đom Lôôk Wơơt Dêh yôôych laa muuyq koot manih đơơu. Kaluh varơuq duut heq klơơh hooy; 'yo hơơ, kaluh varơuq đơơu heq kahnoq vlôôh.\n\\ts\\*",
|
|
"18": "Long anưq, dêq hloay Kaluh varơuq neq vlôôh xing Kơy Plêêk, laa Kơy heq taa guu haay dii kadiih Kadraq gamưưh Lôôk Wơơt Dêh ji heq jaau kaa 'wot varơuq dơơp taguu ta'meq neq, ",
|
|
"19": "đaa nưq laa Kơy Plêêk măn đom Lôôk Wơơt Dêh, tuôôy taa guu dêh araak dii Kadraq, leh jauq 'leq kaluh adrôp marooh kua oot tachơơl dii oot, ji heq tol xôq đom 'wot hêêr kaxay taa guu nưq. \n\\ts\\*\n\\p",
|
|
"20": "Jo anưq, 'wot laa khơl xa tyauq xaloah ngưưr Lôôk Wơơt Dêh, đaa nưq Kơy Plêêk đong kawooyh taayh hluulh hlê 'wot; wơt apôôy xiin xaloah kangưưr Lôôk Wơơt Dêh; \"Daayh jaah taguu dii Kơy Plêêk!\" ",
|
|
"21": "Kadraq heq khienq Kơy heq be nhonq xet \n adrôp marooh wiih jêêk adrôp marooh xaloah ka haay, xôq haay jaah wiih jêêk varơuq hyioh jăk kua Kơy Plêêk đom Kơy nưq.\n\\ts\\*"
|
|
}
|