See in Reader
19 lines
4.0 KiB
JSON
19 lines
4.0 KiB
JSON
{
|
|
"1": "Jo anưq, tơơl ooh ay xung xiêq, vii hnoq jaah kaluh apok tavek nưq, haay dayh 'nhuôôt xarêêh kadiih xăk khooyh kaluh 'moh nhơy kua xăk xamơk ji danưng kooy, tuôôy dơơp varơuq hlaang vaah đơu đuu tol đom varơuq kuuh yôq Kơy Plêêk.\n\\ts\\*\n\\p",
|
|
"2": "Dayh deng aduq ka 'wot! 'wot heq be dơơp raơơh muuyq akơyq; 'wot heq be dơơp paa hưư muuyq kơyq; 'wot heq be xok atuuy muuyq kơyq.",
|
|
"3": "Gô leh đnooy xôq ngưưr truh varơuq xưh xadraah ooh ay; vii gô heq hmưq đnooy adrooyq aneq ooh ay măn đom xuum 'wot, xôq kung mamuuyq kaxêêt ji kung mamuuyq riirh.",
|
|
"4": "varơuq tuaq tyauq kua gô aduq ooh ay yôôych 'ngưưng; xuum vado vaden kua gô truh ooh ay yôôych kôt. Gô heq jaah viik mul varơuq ahluk ahluul. Gô jaah taa đnưk xuum hlaah neq đom kaluh pơơl daal kua 'wot.\n\\ts\\*\n\\p",
|
|
"5": "Vii hngơy hloay atêq tuôôy gô hooy truh Ma-xêê-đoaan, xăk xamơk 'wot heq be e varơuq ieen vadơy axit leq, bơh biq pơơl hwơơl đom tôôy paa nưh-'ngưng takaay tayaat pii gôk, dơơp yôq tahruk pii 'lăp. ",
|
|
"6": "Long anưq, Kơy Plêêk, Kơy hlơq hlôôp khơl kơyq ruuh rooy, heq hlơq hlôôp 'wot đaa varơuq Tiik truh đneng,",
|
|
"7": "đơu leh vơơ xing varơuq truh đneng kua nhuu nưq, bơh ee xing varơuq alhuk ahluul đơu nhuu nưq heq jaah hlơq hlôôp măn duq ooh ay, tuôôy taboon ka 'wot truh xuum taa kôô kua ooh ay, varơuq nhiim aloo kua ooh ay, xuum talăng jăk kua ooh ay vii kơq gô, ăm truh tuôôy gô kaang jaah hlaah hlaak iaq đnooyq. \n\n\\ts\\*",
|
|
"8": "Vii ta bơh atoh gô dơơp ka ooh ay hlu đom thưư, yôôych gô leh biit alaay 'leq. Ta bơh atoh gô 'miêêh biit alaay (gô hloq aneq hlaa thưư nưq heq dơơp ooh ay rơơu, ju vơơ đom muuyq jơy) ",
|
|
"9": "yôôych Jơu neq, gô hlaah hlaak, leh aalq vii ooh ay biq hlu rơu, bơh xing ooh ay heq biq hlu rơu kơn ngưưr truh varơuq wiit xuq. Vii ooh ay heq biq hluu rơuq tyauq Kơy Plêêk, đơu ăm ooh ay e hnoq be chiuq hưư hloay đom paq kê varơuq kajoq xing aduq wot. ",
|
|
"10": "Xing ajơ jiq hlu tyauq Kơy Plêêk dơơp yuôôr varơuq wiit xuq 'yo ngưưr truh varơuq wơơt xok đơu leh huq alaay. Bơh ajơ jiq hlu kua dêêh araak yôôych xagok hlê varơuq kaxêêt.\n\\ts\\*",
|
|
"11": "Vii 'yo hơơq, kung dong varơuq nưq, tuôôy jaah dơơp ăm jiq hlu tyauq Kơy Plêêk, yôôych heq xagook hlê đom ooh ay xuum talăng jăk 'ngưng ta leq: măn e varơuq pahnhiq anưq vlôôh aleq, varơuq tơuq tơơh vlôôh aleq, varơuq kuh yôq vlôôh aleq, 'miêêh ta kô đaa leq, xuum tôq jaray đaa leq, varơuq hmot dook đaa leq! Đom tôôy varơuq, ooh ay heq kahnoq vlôôh xăk laa xarêh xaraat truh dong varơuq neq.",
|
|
"12": " Nưq atoh, ta bơh long gô heq valơk ka ooh ay, yôôych leh aalq vii kơq manih heq xưh xadraah lưp troq, long vii kơq manih heq biq dơơp raơơh, bơh laa vii kơq xuum talăng jăk \nkua ooh ay, nưq laa varơuq xaloah kangưưr \n 'wot, heq jaah kahnoq vlôôh ka ooh ay adrooyq kangưưr Kơy Plêêk.\n\\ts\\*",
|
|
"13": "Gamưưh varơuq neq, 'wot heq jaah vadoo vadeen. Panưh kadrơy,đôôyq dii varơuq vadoo vadeen kua kadih xăk, 'wot heq kang jaah mưưng mee 'ngưng iaq aduq hlaah ahlaak kua Tiik, vii xăk xamơk kua nhuu nưq heq jaah dơơp ăm rayơơh rayơơy xing dêq hloay ooh ay. ",
|
|
"14": "Vii atoh gô hmưq vanê varơuq kajoq dii nhuu nưq truh ooh ay, yôôycg gô heq be huq kamưưl, Bơh đaji tôôy varơuq 'wot heq đnooy dii ooh ay đom varơuq dong dik, yôôych apok kahnoq vlôôh kua 'wot kung heq jaah kahnoq vlôôh kadiih dong dik đaa nưq đôôyq dii Tiik. \n\\ts\\*",
|
|
"15": "Ji xuum xung xiêq kua nhuu nưq deng ka ooh ay yôôych raah jôôh iaq đnooyq, tuôôy vach hlê varơuq tameng apok kua dêq hloay ooh ay, đaa leq đơu ooh ay heq vôôch hrok nhuu nưq dii varơuq yôq kamoo ji padrau tahruk. ",
|
|
"16": "Gô hlaah hlaak vii xăk tuôq tyauq aduq ooh ay đom tôôy varơuq.\n\\ts\\*"
|
|
}
|