See in Reader
21 lines
3.4 KiB
JSON
21 lines
3.4 KiB
JSON
{
|
|
"1": " Xing kaluh varơuq nưq, tuôôy jư varơuq dơơp neq tyauq đaji nưưlh nưq đơu 'wot heq jaah biit angơuq, wot be galeeh galaar gưlh xuum.",
|
|
"2": " Xaloah muut đnưq, 'wot heq ka'lăk xing kaluh thưư dong xơuq kamưưl kinq vaduu, tuôôy be xa măn đom varơuq chuun cheeu, kung leh đnooy bơyq apok kơy Plêêh, bơh laa hlê varơuq kahnoq vlôôh hioh jăk, xing kahnoq vlôôh kadiih xăk ka xuum klaak tôôy adro adrooyq kangưưr Kơy Plêêk.\n\\ts\\*",
|
|
"3": "Bơh đơu vơơ atoh Hêêl Kaxaay kua 'wot e biq kariik kađooq, yôôych nưq laa heq biq kariik kađooq tul wach khơl adro hưư hlơơp,",
|
|
"4": "đơu tul wach bing oot, jaluk đơơy neq heq dơơp apul akoq ngook kua khơl adro lưp tuôq nưq, truh tuôôy xaraar tađnaah Hêêl Kaxaay tađnaah tađaak kua Lôôk wơơt Dêh, Kơy laa daang ralơuq kua Kơy Plêêk, be xaraar ahnee taal oot.\n\\ts\\*",
|
|
"5": "Vii 'wot leh padoh taboon kadiih xăk, bơh laa Lôôk wơơt Dêh Jê-xuu, nưq laa Lôôk, ee xăk xamơk 'wot đaji khơl xa pok kua ooh ay vii kơq Lôôk Jê-xuu.",
|
|
"6": "Bơh Kơy Plêêk, Kơy heq đnooy: \"Xaraar tađnaah hnoq jaraak ahnee xing 'lăp kaa mưng ,\" laa Kơy heq jaraak ahnee đom xuum 'wot ngưưr truh varơuq 'mek tađaah varơuq hlolh xet truh tađnaah tađaak kua Kơy Plêêk aduq ngưưr Lôôk Wơơt Dêh Jê-xuu.\n\n\\ts\\*\n\\p",
|
|
"7": "Bơh 'wot tađnưk kông haang neq đom kaluh apoop xaroot vari dôôp, xôq jauq kôt karôq galơơh hloay kua taay yaak nưq laa xing Kơy Plêêk, leh aalq xing 'wot;",
|
|
"8": "laa khơl manih chiuq hnen raniaq đom tôôy panưh, bơh leh biq katơơq galiaaq; biq xôôl dôôl, bơh leh gưưlh xuum.",
|
|
"9": "biq rôôp toop, bơh leh biq qwel ka'lăk; biq damưq gưlh, bơh leh hưư hloay;",
|
|
"10": " hloay taway đom xăk xamơk xăk varơuq kaxêêt kua Lôôk Jê-xuu hooy lơtq aduq, xôq varơuq riirh kua Lôôk Jê-xuu kung e hnoq jaah kahnoq vlôôh đom xăk xamơk 'wot; \n\\ts\\*",
|
|
"11": "vii ju đong riirh, 'wot hloay biq ataaq ka varơuq kaxêêt vii kơq Lôôk Jê-xuu, xôq varơuq riirh kua Lôôk Jê-xuu kung jaah kahnoq vlôôh đom xăk xamơk xatyauq 'laarq varơuq kaxêêt kua 'wot. ",
|
|
"12": "Đaa nưq, varơuq kaxêêt ahliaa tyauq đom 'wot, ee varơuq riirh yôôych măn đom ooh ay.\n\\ts\\*",
|
|
"13": "Bơh tuôôy e kung muuyq kadiih xăk kua xuum tuôq tyauq apok heq valơk: \"Gô tuôq, đơu gô đnooy,\" 'Wot kung tuôq, đơu 'wot kung đnooy, ",
|
|
"14": "vii xet aneq Kơy heq khienq Lôôk Jê-xuu riirh hlê kung hnoq khienq 'wot riirh hlê dii Lôôk Jê-xuu, ji hnoq truh kahnoq 'wot kung dii ooh ay. ",
|
|
"15": "Dik, tôôy varơuq nưq laa vii kơq ooh ay, xôq vanong kaxay, atêq tuôôy aa thêêp hlê 'ngưưng manih iaq, e hnoq khienq varơuq kua kwoay truh nưlh raah jôôh deng ka tanaah tađnaak kua Kơy Plêêk. \n\n\\ts\\*\n\\p",
|
|
"16": "Nưq, 'wot be galeeh galaar gưưlh xuum. Long anưq, taa bơh atoh manih pi gôk kua 'wot đong biq hlơơp lơn, nưq bơh manih pi 'lăp kua 'wot đong jaah dơơp đơơu tôôy muuyq hngơy.",
|
|
"17": "Vii pơơl daal ahyơơl tơơp dik anưq kua 'wot đong xagoot hlê ka 'wot muuyq tuôông tađnaah tađaak đơơy đơơy, leh kajoq galơơh, leh kajoq atooh atooq,",
|
|
"18": "Tuôôy wot leh biit truh 'yo kaluh varơuq hloq ik, bơh laa kaluh varơuq leh hloq ik. Vii kaluh varơuq hloq ik laa đaa đơơ, ee kaluh varơuq leh hloq ik laa đơơy đơơy.\n\\ts\\*"
|
|
}
|