See in Reader
27 lines
5.0 KiB
JSON
27 lines
5.0 KiB
JSON
{
|
|
"1": "Phaao-lôô, khơl xatyauq kua Lôôk Wơơt Dêh Jê-xuu xing iq xung kua Kơy Plêêk, ji manih ooh ay Ti-môô-thêê, ataq ka Tayuup Vaah kua Kơy Plêêk măn aduq Kô-riinh-tôô, kung ăm dêq hloay khơl jaah rơơrh đong măn đom lot dêêh A-chaay. ",
|
|
"2": "Apôôy vanong kaxaay ji varơuq hrok hror xing Kơy Plêêk, Vaq haay, ji Lôôk, laa Lôôk Wơơt Dêh Jê-xuu, truh taal ooh ay!\n\\ts\\*\n\\p",
|
|
"3": "Đong ayuôôt laat Kơy Plêêk ji Vaq kua Lôôk haay-Lôôk Wơơt Dêh Jê-xuu-nưq laa Vaq kua varơuq biit angơuq, ji Kơy Plêêk kua tôôy varơuq hlơq hlôôp,",
|
|
"4": "laa Kơy hlơq hlôôp 'wot đom tôôy pơơl daal kua 'wot, jaroor truh varơuq khieenq ka wot e hnoq hlơq hlôôp khơl kơyq măn đom tôôy pơơl daal đaa varơuq hlơq hlôôp đơu kadiih 'wot jaah hloq hlôôp xing Kơy Plêêk. \n\\ts\\*",
|
|
"5": "Vii đaji kaluh pơơl daal kua Lôôk Wơơt Dêh hooch galaay tal 'wot đaa leq, yôôych varơuq hlơq hlôôp kua 'Wot hlulh hlê Lôôk Wơơt Dêh kung hooch galaay yôôych đaa nưq.",
|
|
"6": "Bơh atoh 'wot chiuq pơơl daal, yôôych nưq laa vii varơuq hlơq hlôôp ji varơuq wơơt xok kua ooh ay; atoh 'wot jaah vadoh vadeng, yôôych nưq laa vii varơuq hlơq hlôôp kua ooh ay, laa varơuq jaah hmưq ranuaq đom varơuq chiuq tađnưk kung kaluh pơơl daal đơu kadiih 'wot kung đong chiuq.",
|
|
"7": "Ji xuum taa kôô kua 'wot truh ooh ay laa kajưk dik, tuôôy xet aneq đaji ooh ay laa khơl manih kung jưq phơn đom varơuq pơơl daal đaa leq, yôôych kung jưq phơn đom varơuq hlơq hlôôp đaa nưq.\n\\ts\\*",
|
|
"8": "Tơơl ooh ay, vii 'wot leh xung ooh ay be huq xet truh kaluh pơơl hwơơl heq xaliih truh ka 'wot aduq A-sii. aneq 'wot heq chiuq raanq genq dêq nưlh, galơơh taalh ka paraat, truh panôôy 'wơt taa bơh padêq hloay leh e taa kôô xôq riirh.",
|
|
"9": "Long anưq, kadiih 'wot 'miêh heq e ta gleeh păk kaxêêt pii 'lăp xăk, hlơu ka wơt be e hnoq ganưq gamưưh aduq xăk xamơk, bơh laa aduq Kơy Plêêk, Kơy khieenq adro xaxêêt riirh hlê,",
|
|
"10": "laa Kơy heq jaah wơơt 'wot klơlh varơuq kaxêêt kôôt đaa hơq, yôôych Kadraq hnoq jaah wơơt 'wot- nưq laa măn aduq Kadraq, 'wot e xuum taa kôô aneq Kadraq kung hnoq ee jaah wơơt 'wot đnooyq.\n\\ts\\*",
|
|
"11": "Tuôôy ooh ay kung jưq phơn waak jưp đom varơuq xadrook apôôy vii kơq 'wot-đơu ăm dưk hooy xing 'ngưưng adro, vanong kaxay truh taal 'wot, Kơy Plêêk nhonq xok kaluh apok kuh kwoay xing 'ngưưng adro vii kơq \n 'wơt.\n\\ts\\*\n\\p",
|
|
"12": "Vii varơuq kahnoq vlôôh kua 'wot laa đaa neq: apok xanưk kua xuum klaak 'wot, aneq 'wot heq xa măn tul dêh araak đom varơuq hlaang vaah ji dong dik kua Kơy Plêêk, leh aalq xing varơuq khôôt kheeuq tyauq xăk hlek, bơh xing vanong xaxaay kua Kơy Plêêk, đơu dik laa đôôyq dii ooh ay.",
|
|
"13": "Vii 'wot be valơk ăm ooh ay varơuq kajoq đêh, pigôk kaluh varơuq đơu ooh ay đok ik ji hlolh ik, Bơh gô taa kôô aneq ooh ay hnoq xet dong hlolh.",
|
|
"14": "kung đaji ooh ay heq hlolh 'wot phơn leq-aneq 'wot laa varơuq kahnoq vlôôh kua ooh ay, yôôych ooh ay kung đaa nưq đôôyq dii wot, đom hngơy kua Lôôk 'wot, laa Lôôk Jê-xuu. \n\\ts\\*\n\\p",
|
|
"15": "ji dii varơuq tuôq anưq nưq, adrooyq neq gô đingq truh dii ooh ay, xôq ooh ay e hnoq e vanong kaxaay yưk thưq vaarq,",
|
|
"16": "Yôôych xing aduq ooh ay xôq hooy hlê truh Ma-xêê-đoaan, ji xing Ma-xêê-đoaan wiit truh dii ooh ay, yôôych jaah ooh ay jarooy tok trôôk truh Ju-đêê.\n\\ts\\*",
|
|
"17": "Vii anưq, tuôôy đong jauq varơuq neq, yôôych ee aalq be laa gô heq păk kaxêêt đom varơuq leh dong dik? Long gô heq đingq varơuq xăk kadiih jauq tyauq xăk hlek, xôq yôôych đom gô laa \"Jơq, Jơq\" hloay \"Leh, Leh\" aleq?",
|
|
"18": "Ƀơh Kơy Plêêk laa jư apok, nưq atoh apok kua 'wot deng ka ooh ay yôôych leh aalq nhap \"Jơq\" nhap \"Leh\" 'leq.\n\\ts\\*",
|
|
"19": "Vii Koot Kơy Plêêk, laa Lôôk Wơơt Dêh Jê-xuu, Kơy heq jaah padooh taboon tul wach ooh ay xing wot nưq laa xing gô ji Siin-vaanh kung Ti-môô-thêê- be aalq laa nhap \"Jơq\" nhap \"Leh,\" đơu đom Kadraq 'miêh hloay laa \"Jơq\". ",
|
|
"20": "Bơh xet taleq apok taveek kua Kơy Plêêk rapa laa \"Jơq\" đom Kadraq. Jo anưq, kung gamưh Kadraq, apok \"A-meen\" hlê 'wot tơơk tưp Kơy Plêêk vii tađnaah tađaak Kadraq.\n\\ts\\*",
|
|
"21": "panưh kadrơy, Kơy Plêêk laa Kơy xanưk dơơp 'wot dii ooh ay đom Lôôk Wơơt Dêh ji heq paraa jơu ka 'wot.",
|
|
"22": "kung laa Kơy heq đongq dơuq 'wot ji kahnii varơuq dăch xanưk kua Yaak Plêêk muut đom xuum 'wot.\n\\ts\\*\n\\p",
|
|
"23": "EE gô yôôych apôôy vôôch Kơy Plêêk dơơp manih xanưk ka phool hiêêl gô aneq vii nưưh nhiinq ka'lăk hlê ka ooh ay, gô heq leh hooy truh Kô-riinh-tôô đnooyq.",
|
|
"24": " Be aalq xing 'wot e dong qwiên taal xuum tuôq ooh ay, bơh xing 'wot laa khơl 'wơơy raa paa vii hlaah hlaak kua ooh ay, jo ooh ay heq dưk kajưk đom xuum tuôq yôôych. \n\\ts\\*"
|
|
}
|