{
  "1": "Neq laa yưk thưq pe gô truh dii oh ay. \"Kaluh dong varơuq hno jah ta'meq ganưaq tol apok ku vaarq long pe adro xanưk.\" ",
  "2": "Gô heq đnooy adrooyq đaji tuôôy truh yưk thưq vaarq, ji jơu neq, juu đong wăngq mot,  gô kung đnooy - dii khơl adro tuôôy adrooyq  heq lôôp kadrôp, kung dêq hloay khơl adro măn hlê - đaneq atoh gô hno ik truh aduq neq yưk traa, gô hno leh thaa ka'lăk 'leq,\n\\ts\\*",
  "3": "vii oh ay đong đooy vôôch xanưk Lôôk Wơơt Dêh đnooy pato aduq gô, laa Kơy leh pơơh pơơr đôôyq dii oh ay 'leq, bơh viik taay yaak đom katuul oh ay.",
  "4": "Vii Kadraq heq xing aduq pơơh pơơr chiuq đongq đing tol gay chrăk bơh Kadraq đong riilh xing taay yaak ku Kơy Plêêk. Vii 'wot kung pơơh pơơr đom Kadraq, bơh đôôyq dii oh ay, 'wot hno riilh dii Kadraq xing taay yaak ku Kơy Plêêk.\n\\ts\\*",
  "5": "Oh ay dayh 'yo hlê xăk xamơk jơq be laa oh ay đong măn đom xuum tuôq. Dayh dưk xanưk kadih xăk, Long oh ay leh nhonq xet kajưk dik truh xăk xamơk đaneq Lôôk Wơơt Dêh Jê-xu măn đom oh ay ih - atoh anưq, liêêu e aalq oh ay laa điêêmq anưq be?",
  "6": "Bơh gô takô gmưh laa oh ay hno nhonq xet đaneq kadih 'wot be aalq laa điêmq anưq.\n\\ts\\*",
  "7": "Măn 'wot apôôy dii Kơy Plêêk xôq oh ay leh dơơp paq kê varơuq leh troq leq, be aalq xôq kadih 'wot hno ik kahnoq vlôh xăk laa đangq kông nhonq, bơh laa xôq kadih oh ay hno ik dơơp varơuq kaxaay, juu kadih 'wot yôôych đaji dang leh jah kông nhonq.",
  "8": "Vii 'wot be hno ik dơơp muuyq varơuq kajoq tachơơl dii varơuq dik, wiih hlê 'wot laa vii varơuq dik. \n\\ts\\*",
  "9": "Vii 'wot hlah hlaak tuôôy 'wot yôôych pơơh pơơr măn oh ay jah kalh paraat. 'Wot kung apôôy ka varơuq neq: varơuq sleap ku oh ay. ",
  "10": "Vii kakơq nưq, đong tuôôy wăngq mot, gô vlơk kaluh varơuq neq, xôq tuôôy e mot, gô leh aalq xưưh liq kach dong dik tyauq da uh qwuyên đơu Lôôk heq kahniq ka gô deng ka varơuq ta'moq ta'meq, đơu leh aalq hươnq truh varơuq dơơp pahrưp.\n\\ts\\*\n\\p",
  "11": "Lôôch dik, wơơy oh ay, dayh hlah hlaak! Dayh hươnq truh varơuq sleap, dayh xôq xăk jah vado vadeen, daayh e kung ngook biit, dayh riilh taguu. Kơy Plêêk ku xuum xung xiaq ji  varơuq hrok hror hno măn kung oh ay.",
  "12": "Dayh vôôch hrok mamuuyq bơơn huun hiip vah. Dêq hloay khơl vah vôôch hlơq oh ay. \n\\ts\\*\n\\p",
  "13": "Apôôy vôôch vanong kaxaay ku Lôôk, laa Lôôk Wơơt Dêh Jê-xu, kung xung xiaq ku Kơy Plêêk ji varơuq tagumq ku Lôôk Phool hiêl măn dii dêq hloay oh ay.",
  "14": ""
}