cor_2020_cua_clt_2co_book/2co/11.json

{
  "1": " Biit kajoq ooh ay 'miêêh heq dơơp chiuq muuyq axit parưng rapơơ kua gô, long anưq ooh ay juneq dong dơơp chiuq gô! ",
  "2": "Vii gô geen jaraq truh ooh ay, dii xuum geen 'yarơ kua Kơy Plêêk, xing gô heq gaah ooh ay ăm muuyq kanau, kaa hnoq ooh ay đaji muuyq  tadăp kadrê măn blaay ka Lôôk Wơơt Dêh. \n\\ts\\*",
  "3": "Bơh gô biit yôq, e aneq tyauq đa leq nưq, đaji koot volh heq adôô paôh Ê-vaa đaa varơuq xơk tauq kua ni, yôôych xuum biit ooh ay e hnoq biq tawor tor đa xangưưy xuum dong dik ji xarêêh xaraat deng ka Lôôk Wơơt Dêh.",
  "4": "Bơh atoh kơyq nưq truh padooh taboon muuyq Jê-xuu đêh đơu 'wot heq be padooh taboon, long ooh ay nhonq muuyq Yaak  kadrơơy, leh aalq Kơy ooh ay heq nhonq, long muuyq Hêêl Kaxaay kadrơơy đơu ooh ay heq be nhonq xok, yôôych ooh ay klêq klơơh tameng tyauq!\n\n\\ts\\*",
  "5": "Măn gô 'yo hloq xăk be ee kajoq thuua iaq kaluh \"khơl jaah rơơr kôt dik\" hơơq. ",
  "6": "Bơh đơu vơ ju laa tii biit đom varơu ganuun jaauq, atoh bơh be aalq laa tii biit truh hlolh xet, đơu đom kaluh dong varơuq heq kahnoq rooh ka ooh ay đom tôôy varơuq.\n\n\\ts\\*",
  "7": "Long aalq be gô lôôp adrôp, tuôôy apôôt xăk pôôt xôq ooh ay ee hnoq jaah va nê, vii kơq gô  heq vadooh taboon Hêêr Kaxaay kua Kơy Pêêk đa hloo hlooh ka ooh ay?",
  "8": "Gô heq goa xok kaluh Tayuup Vaah kadrơơy, tuôôy heq nhonq ataq ăm kua oot xôq deng ka kông varơuq xôq adoot ooh ay.",
  "9": "Tuôôy măn dii ooh ay - ajơ chiuq leh ee - gô heq leh dơơp gengq parêq ka paq kê kơyq. Vii atêq tuôôy truh đneng, khơl ooh ay xing  Ma-xêê - đoaan heq ataq ăm dêq dong kajoq kua gô, ji đom kaluh varơuq, gô heq jư ji hnoq xatyauq đnooyq jư xăk xamơk leh aalq laa gengq parêq ka ooh ay. \n\\ts\\*",
  "10": "hyioh jăk kua Lôôk Wơơt Dêh măn đom gô, nưq atoh xuum rayơơh rayơơy neq truh xăk xamơk hnoq leh biq klơl hlê aduq kaluh aduq dêh kua  A-chaay.",
  "11": "Vii varơuq kajoq? Vii gô leh xung xiaq ooh ay aleq? Kơy Plêêk xet gô ee.\n\\ts\\*",
  "12": "Măn varơuq gô đong dơơp, yôôych gô kung hnoq xatyauq đnooyq dơơp, xôq gô ee hnoq varooh xok hlơu klêq kua khơl dro đong biit ka jơơ aleq ăm đom varơuq đơu oot đong vanê, oot kung ee hnoq jaah 'yo hloq daang đaji 'wot.",
  "13": "Vii taleq dro đa nưq laa khơl jaah rơơrh jaah, khơl dơơp kông alưưt patuut, tuôôy jaah daang jêêk khơl xatyauq kua Lôôk Wơơt Dêh. \n\n\\ts\\*",
  "14": "EE đêh anưq kajoq nưq, Vii xăk xamơk Sa-taan jaah daang jêêk kơy hơu ta đnaah. ",
  "15": "Ăm atooh be ee kajoq kôt tolh atooh khơl xa pok kua ni kung jaah daang đaji khơl xa pok hyioh jăk, đơu pa yôôych kua oot nưq yôôych hnoq taa xưngq dii kaluh varơuq dơơp kua oot.\n\n\\ts\\*\n\\p",
  "16": "Gô đnooy hlê: Te kơyq biit gô laa vlôô khơơ. Măn atoh leh, yôôych axit vlôôh daayh kô nhonq gô đaji dro vlôô khơơ, xôq gô kung ee hnoq akhwoe vanê muuyq axich. ",
  "17": "Varơuq đơu gô xung đnooy, yôôych be aalq gô đnooy tyauq Lôôk, bơh đaa nưq đom varơuq khơơ khaauq aduq kaa ajơ kadiih tuôq akhwoe vanê neq.",
  "18": "Bơh kơq 'ngưưng dro akhwoe vanê tyauq xăk xamơk, atoh gô kung hnoq akhwoe.\n\n\\ts\\*",
  "19": "Vii nưq laa kaluh adro khôôt kheeoq, bơh ooh ay đong thieet hlaah hlaak chiuq uunq taleq dro vlôô khơơ hơơ hơơq. ",
  "20": "bơh atoh dro leq dơơp xapok ooh ay, atoh dro leq kek luôôt, atoh adro leq varooh varek, atoh adro leq kadiih vanê xăk tok, atoh adro leq pađa muut mamưưt ooh ay, yôôych ooh ay măn chiuq uunq.",
  "21": "Gô đnooy tyaauq đaa dii kamưưl, anưq đaji laa kadiih 'wot heq amooh amơơy! Bơh hloay laa akơyq ee hnoq kook kaalh đom kaluh panưh leq-gô đong đnooy đom varơuq khơơ khaauq-yôôych gô kung kôk kaalh đaa nưq.\n\\ts\\*",
  "22": "Oot laa manih Hê-bơơ-rơơ? Gô kung anưq. Oot laa manih Y-sơơ-raa-êêl? Gô kung anưq. Oot laa koot xau Ap-raa-haam? Gô kung  anưq.",
  "23": "Oot laa xa pok kua Lôôk wơơt Dêh? ( Gô  đnooy đaa nưq biq adruôôy) gô măn iaq anưq đnooyq: galơơh galaah đom ajơ pơơl hwơơl, galơơh iaq đom ka ruk, đom hmoq dook leh biit truh, tuôôy măn panoon gaah kaxêêt hlơơp.\n\n\\ts\\*",
  "24": "Dăp yưk xing manih Jo-Thaayq, gô heq chiuq poot kưl rooy, bơơt muuyq.",
  "25": "Pe yưk gô biq tier ji gaay. Muuyq yưk gô biq tiêêp phơu. Pe yưk gô biq karăp taau. Gô hmưq taa vơơh muuyq hngơy muuyq klôôy aduq  tahlii jaruq;",
  "26": "Gô 'ngưưng yưk hooy tyauq trôôk, tavơh pơơl tơl daak, pơơl ji khơl atôk, pơơl ji oh ay haay, pơơl ji tamooi kadrơơy, pơơl đom theng, pơơl đom aduq wănq we, pơơl hơq ma daak tahli, pơơl ji oh ay pa ôôh laar.\n\n\\ts\\*",
  "27": "Gô heq dơơp vlôh va uuh ji pơq pơơl, 'ngưưng klôôy be jah vik, chiuq pangoot hrah chiuq thaal, 'ngưưng yưk be e ka joq xa, chiuq jaleek be e kwuan auu hlưp.",
  "28": "Măn kaluh varơuq kadrơơy koq đnooy, tôôy hngơy gô kung chiuq 'ngưưng jiq a koq vii xôôl dôôl ka dêq hloay kaluh Tayuup Vah.",
  "29": "Leq e kơyq ravot bơh gô leh ravot ih? E kơyq biq gưlh talaalh bơh gô leh đa ji vuuh tôq ih?\n\n\\ts\\*",
  "30": "Atoh phayh kahnoq vlôh, bơh gô hnoq kahnoq vlôh đom varơuq xlih vlôh varơuq ravot di gô.",
  "31": "Kơy Plêêk ji Vaq Lôôk Jê-xu, Kơy jah ayuôôt laat miêk miêk, xet aneq gô be đnooy pa ôôh!\n\\ts\\*\n\\p",
  "32": "Măn theng Đa-maach, padrok dêh 'laalq kwuyen Vuua A-rê-taa jưư 'yoo theng Đa-maach xôq rôp karuk gô,",
  "33": "bơh e manih heq raduut gô pôôt đom vuuk xing bmok piik tơl apưk theng, nưq gô đơu jah xadăk klơlh xing ti oot.\n\n\\ts\\*"
}