cor_2020_cua_clt_2co_book/2co/11.json

{
  "1": "Gô trôôt aleq oh ay chiuq ik varơuq khơlq di gô- axich leq nưq jơq oh ay đong măn chiuq gô nưq!",
  "2": "Bơh măn oh ay, gô thier e xuum đa ji varơuq e xuum di Kơy Plêêk, nưq gô heq tavek oh ay ka muuyq dro kanơu, jarooy vlôh oh ay đa ji muuyq oh kadrê tadăp xarêh xarat tok ka Kơy Christ.\n\\ts\\*",
  "3": "Bơh gô biit aneq tyauq trôôk leq nưq, xuum biit oh ay heq biq adôô alưt klưlh varơuq hyioh jăk ji paxarêh đom Kơy Christ, daang ji Ê-va biq paôh điêêmq xing varơuq xơk tauq di vol.",
  "4": "Bơh atoh e manih leq truh padoh taboon muuyq Jê-xu đêh ka Jê-xu 'wot heq padoh taboon, long oh ay jah e muuyq Yaak Plêêk đêh ka Yaak Plêêk oh ay heq jah, long muuyq Hêêl Kaxaay đêh ka Hêêl Kaxaay oh ay đơu heq jah, nưq chăk oh ay kung tameen hloay!\n\n\\ts\\*",
  "5": "Bơh gô biit aneq long khơl xatyauq nưq kôôt glơh truh leq, gô kung leh măn 'laalq axich leq.",
  "6": "Ka xarooy athêêt long gô ji dro koq jah hok, bơh ka varơuq hieuh xet, gô be aalq ji dro leh jah hok. Bơh đôôiq ji oh ay, 'wot heq kahnoq varơuq nưq vlôh tul oh ay ji đom tôôy varơuq.\n\n\\ts\\*",
  "7": "Gô heq padoh taboon Hêêl Kaxaay di Kơy Plêêk ka oh ay hlo hlolh, apôôt xak gô xôq ka oh ay jah tơơt tok, nưq yôôych gô e huq dơơp ka joq leh jơq be?",
  "8": "Gô heq xok xing 'ngưưng Tayuup Vah kadrơy, tuôôy heq chiuq xok jêêt xing oot, xôq ji dơơp varơuq ka oh ay",
  "9": "Kawah gô măn đơu oh ay, tavơh tuôôy be e ka joq, gô heq lưp dơơp pagleh ka muuyq dro leq. Bơh khơl oh ay xing dêh Ma-xê-đoan truh heq ăm ka joq ka joq ka gô thiêuq. Đom kaluh varơuq, gô heq jư xôq leh huq dơơp pơơl ka oh ay, nưq gô hnoq dơơp đa nưq đnooyq.\n\\ts\\*",
  "10": "Varơuq dong dik di Kơy Plêêk măn đom gô, đa nưq be e kơyq kaang ik gô kahnoq vlôh đom varơuq neq đom kaluh dêh A-chai.",
  "11": "Aleq ih? E jơyq ji gô be xung xiaq oh ay? Kơy Plêêk xet aneq gô xung xiaq oh ay.\n\\ts\\*",
  "12": "Bơh varơuq gô dơơp, gô hnoq dơơp đnooyq, xôq varoh xok kơ hôôi di khơl trôôt e kơ hôôi jah 'yoo nưq hyioh trôôk ji 'wot đom kaluh varơuq oot đong kahnoq vlôh.",
  "13": "Bơh khơl đa nưq ji oh ay xatyauq điêêmq, dro dơơp kôông paôh đnooy ji xpok di Lôôk Wơơt Dêh.\n\n\\ts\\*",
  "14": "Varơuq neq e đêh ka joq, nưq Sa-taan kung dơơp bôô ni ji kơy hơu tađnah. ",
  "15": "Đa nưq be e ka joq đêh 'leq atoh xpok di Sa-taan kung jaah maoq dơơp dro dơơp varơuq hyioh jăk. Bơh atêq oot hnoq đa ji varơuq oot dơơp.\n\n\\ts\\*\n\\p",
  "16": "Gô đnooy hlê: Te e kơyq biit gô vlôô. Bơh atoh oh ay măn biit đa nưq, yôôych kung dayh 'yoo gô đa ji dro vlôô, xôq gô kung e ik ji kahnoq avlôh axich. ",
  "17": "Varơuq gô xung đnooy neq, ji tuôôy gô xok apok găk đa nưq kahnoq vlôh xak, bơh be aalq đnooy tyauq Lôôk, nưq đnooy đa ji muuyq dr vlôô.",
  "18": "Bơh 'ngưưng dro kahnoq vlôh tyauq đơơi neq, nưq gô kung hnoq kahnoq vlôh.\n\n\\ts\\*",
  "19": "Oh ay nưq ji khơl khôôt khoeq kung hlah hlaat xuum chiuq dro vlôô!",
  "20": "Jơq oh ay 'ngưưng chiuq manih oot rôp oh ay dơơp xpok, dro xa luôôt oh ay, dro xok atôk oh ay, dro dơơp oai, dro pađa tol mamưt oh ay. ",
  "21": "Gô xok dơơp kamưưl ka 'wot đơu đnooy apok neq, 'wot heq kahnoq vlôh 'wot be kalh parat đơu be ik dơơp đa ji oot. Bơh nưq, atoh e kơyq hôôk kahnoq vlôh đom varơuq ka joq yôôych - gô đong đnooy đa ji manih vlôô - gô kung hôôk kahnoq vlôh đa nưq.\n\n\\ts\\*",
  "22": "Oot ji manih Hê-bơ-rơ ih? Gô kung đa nưq. Oot ji manih Y-sơ-ra-êl ih? Gô kung đa nưq. Oot ji adrơơk Ap-ra-haam ih? Gô kung đa nưq.",
  "23": "Oot ji khơl dơơp varơuq di Kơy Christ ih? ( Gô đnooy đa ji khơl paq vach ka joq) Gô măn iaq ka nưq đnooyq - bơh gô dik măn chiuq pơơl hwơơl iaq, biq rôp top 'ngưưng iaq đnooyq, biq tier dook đong đik, 'ngưưng yưk xung kaxêêt.\n\n\\ts\\*",
  "24": "Dăp yuk gô biq manih Jo-thaiq rôp tier \" tong yưk thiêuq muuyq gay vơ đuu poot kưl.”",
  "25": "Pe yưk gô biq kaxup ji gay. Muuyq yưk gô biq tiêps ji phơu. Pe yưk gô biq karăp taau. Gô hmưq tavơh muuyq hngơy muuyq klôôy tol daak tahli.",
  "26": "Gô 'ngưưng yưk hooy tyauq trôôk, tavơh nanq tol daak, e yưk tavơh khơl atôk, yưk tavơh nanq ji tamooi di haay, yưk tavơh nanq ji tamooi kadrơy, yưk tavơh nanq đom theng, yưk tavơh nanq đom aduq wănq we, yưk tavơh nanq kon daak tahli, yưk tavơh nanq khơl điêêmq ji oh ay haay.\n\n\\ts\\*",
  "27": "Gô heq dơơp vlôh va uuh ji chiuq kưk, 'ngưưng ka klôôy be jah vik, chiuq pangoot hrah, 'ngưưng yưk be eka joq xa, chiuq jaleek đơu be e kwuan auu hlưp.",
  "28": "Bơh măn kaluh varơuq kadrơy, tôôy hngơy gô kung chiuq 'ngưưng jiq a koq vii xôôl dôôl ka dêq hloay kaluh Tayuup Vah.",
  "29": "Leq e kơyq yêuq đuôôiq nưq gô leh yêuq đuôôiq ih? E kơyq biq xatôh gưlh nưq gô leh đa ji vuuh tôq ih?\n\n\\ts\\*",
  "30": "Atoh phayh kahnoq vlôh, bơh gô hnoq kahnoq vlôh đom varơuq avlôh yêuq đuôôiq di gô.",
  "31": "Kơy Vaq Plêêk ji Vaq Lôôk Jê-xu, Kơy jah ayuôôt laat hloay hloay, xet gô be đnooy pa ôôh!\n\\ts\\*\n\\p",
  "32": "Măn theng Đa-mach, padrok dêh 'laalq qwuyen Vuua A-rê-ta jưư 'yoo theng Đa-mach xôq rôp karuk gô,",
  "33": "bơh e manih raduut gô pôôt đom vuuk xing bmok ngoo tol apưk theng, nưq gô đơu jah xadăk chuh xing ti oot.\n\n\\ts\\*"
}