cor_2020_cua_clt_2co_book/2co/1.json

{
  "1": "Phaao-lôô, khơl xatyauq kua Lôôk Wơơt Dêh Jê-xuu xing iq trôôt kua Kơy Plêêk, ji manih ooh ay Ti-môô-thêê, ataq ka Tayuup Vaah kua Kơy Plêêk măn aduq Kô-riinh-tôô, kung ăm dêq hloay khơl jaah rơơrh đong măn đom lot dêêh A-chaay. ",
  "2": "Apôôy vanong kaxaay ji varơuq hrok hror xing Kơy Plêêk, Vaq haay, ji Lôôk, laa Lôôk Wơơt Dêh Jê-xuu, truh taal ooh ay!\n\\ts\\*\n\\p",
  "3": "Đong ayuôôt alaat Kơy Plêêk ji Vaq kua Lôôk haay-Lôôk Wơơt Dêh Jê-xuu-nưq laa Vaq kua varơuq biit angơuq, ji Kơy Plêêk kua tôôy varơuq vado vadeng,",
  "4": "laa Kơy vado vadeng 'wot đom tôôy pơơl daal kua 'wot, jaroor truh varơuq khieenq ka wot ee hnoq vado vadeng khơl kơyq măn đom tôôy pơơl daal đaa varơuq vadoh vadeng đơu kadiih 'wot jaah vado vadeng xing Kơy Plêêk. \n\\ts\\*",
  "5": "Vii đaji kaluh pơơl daal kua Lôôk Wơơt Dêh hooch galaay tal 'wot đaa leq, yôôych varơuq vado vadeng kua 'Wot dalơơlh hlê Lôôk Wơơt Dêh kung hooch galaay yôôych đaa nưq.",
  "6": "Bơh atoh 'wot chiuq pơơl daal, yôôych nưq laa vii varơuq vadoh vadeng ji varơuq wơơt xok kua ooh ay; atoh 'wot jaah vadoh vadeng, yôôych nưq laa vii varơuq vadoh vadeng kua ooh ay, laa varơuq jaah hmưq ranuaq đom varơuq chiuq tađnưk kung kaluh pơơl daal đơu kadiih 'wot kung đong chiuq.",
  "7": "Vaa xuum taa kôô kua 'wot truh ooh ay laa kajưk dik, tuôôy xet aneq đaji ooh ay laa khơl manih kung jưq phơn đom varơuq pơơl daal đaa leq, yôôych kung jưq phơn đom varơuq vado vadeng đaa nưq.\n\\ts\\*",
  "8": "Tơơl ooh ay, vii 'wot leh xung ooh ay be huq xet truh kaluh pơơl hwơơl heq xaliih truh ka 'wot aduq  A-sii. aneq 'wot heq chiuq raanq genq dêq nưlh, galơơh taalh ka paraat, truh nôôy 'wơt taa bơơh padêq hloay leh ee taa kôô xôq riirh.",
  "9": "Long anưq, kadiih 'wot 'miêh heq ee  ta gleeh păk kaxêêt pii 'lăp xăk, hlơu ka wơt be ee hnoq ganưq gamưưh aduq xăk xamơk, bơh laa aduq Kơy Plêêk, Kơy khieenq adro xaxêêt riirh hlê,",
  "10": "laa Kơy heq hnoq wơơt 'wot klơlh varơuq kaxêêt kôôt đaa hơq, yôôych Kadraq hnoq jaah wơơt 'wot- anưq laa măn aduq Kadraq, 'wot ee xuum taa kôô aneq Kadraq kung hnoq măn hnoq wơơt 'wot đnooyq.\n\\ts\\*",
  "11": "Tuôôy oh ay taguumq mamuuyq apôôy ka 'wot, xôq 'ngưưng dro tơơk tưp apok kuh kway vii 'wot đom vanoong xing 'ngưưng dro jah kahniq ăm ka 'wot.\n\\ts\\*\n\\p",
  "12": "Bơh varơuq kahnoq vlôh di 'wot, nưq ji apok xnưk di xuum klaak 'wot, aneq 'wot heq xa măn xarêh xaraat ji xuum tuuôq kuh kuul dong dik đom dêh araak, be aalq gmưh varơuq khôôt kheoq tyauq xak xmơk, bơh gmưh vanoong kaxaay di Kơy Plêêk, yưk ji oh ay.",
  "13": "'Wot be vlơk ka oh ay muuyq varơuq leq đêh ka varơuq oh ay đok long hlolh ik. Bơh ju neq gô biit oh ay hnoq xet hlolh pa dêq.",
  "14": "đa ji oh ay heq phon leq hlolh ik 'wot, xôq 'wot jêêt kơq ka oh ay kahnoq vlôh đom hngơy di Lôôk Jê-xu, dang ji oh ay đôôiq ji 'wot.\n\\ts\\*\n\\p",
  "15": "Vii kôô gmưh đanưq yôôych adrooyq ka neq gô xung truh hlơq oh ay, xôq wak ik oh ay athêêp muuyq yưk traa,",
  "16": "Yôôych xing aduq oh ay hooy đnooyq truh dêh Ma-xê-đoaan, yôôych xing nư, wiit hlê aduq oh ay, xôq jah oh ay jarooy gô hooy hlê kon dêh Ju-đêê.\n\\ts\\*",
  "17": "Tuôôy gô jauq đanưq, lưp aalq gô tôq dayh 'leq? Long be aalq gô dơơp tyauq manih oot 'ngưưng dơơp, xôq yôôych e yưk gô vơ đnooy \"E\" vơ đnooy \"Lưp\". ",
  "18": "Dik đaji Kơy Plêêk muuyq xuum, be e varơuq 'wot vơ đnooy \"E\" vơ đnooy \"Lưp\" ji oh ay 'leq.\n\\ts\\*",
  "19": "Bơh Koot Kơy Plêêk, nưq ji Kơy Jê-xuu Krist, ji Kơy nưq 'wot - ji gô, Sin-vaanh, ji Ti-mô-thêê - padoh taboon vlôh đom oh ay, lưp aalq vơ \"E\" yôôych vơ \"Leh E\" bơh đom Kadraq hloay hloay \"E\". ",
  "20": "Bơh kaluh apok taveek di Kơy Plêêk nưq \"E\" đom Kadraq. Đa nưq 'wot kung gmưh Kadraq đơu đnooy \"A-meen\" ji Kơy Plêêk yôôych tơơk tưp tađnah tađaak ka Kadraq.\n\\ts\\*",
  "21": "Nưq Kơy Plêêk dơơp xanưk ka 'wot đơu oh ay đom Lôôk Jê-xu Krist, yôôych Kadraq para jơu ka 'wot.",
  "22": "kung ji Kơy dơơp hlêêl tơl 'wot ji kahniq ăm Yaak Kơy Plêêk muut đom xuum 'wot xiêh xôq.\n\\ts\\*\n\\p",
  "23": "Ju neq gô apôôy Kơy Plêêk dơơp xnưk ka phool gô aneq aleq gô koq truh Kô-rinh-tôô ji xôq be huq trơu ka oh ay.",
  "24": "Nưq be aalq 'wot xung xakaq 'yoo xuum tuuôq oh ay, bơh 'wot ji khơl 'wơơy xung wak athêêp varơuq hlah hlaak di oh ay, tuôôy oh ay dưk kajưk đom xuum tuuôq oh ay. \n\\ts\\*"
}