cor_2020_cua_clt_2co_book/2co/10.json

{
  "1": "Kadih xăk gô, Phao-lôô - laa manih ajơ mêêm atăk tuôôy tangưưr mot đom katuul oh ay, bơh laay kôk kalh dii oh ay tuôôy wăngq mot - ahmưk nhăk oh ay bơơn varơuq hwêêt xuum ji hieen lơyq ku Lôôk Wơơt Dêh.",
  "2": "Gô apôôy vôôch đaneq, tuôôy e mot, yôôych gô hno be duh kôk kalh dii varơuq tuôq kajưk đơu gô đong biit laa phayh dơơp kalh tii tachơơl dii taleq adro ăm đaneq 'wot đaji đong tawaak hooy tyauq xăk hlek. \n\n\\ts\\* ",
  "3": "Vii ju riilh đom xăk hlek, bơh 'wot be hmot jăk tyauq xăk hlek.",
  "4": "Vii kaluh khêêl jauq tahmot jăk ku 'wot leh aalq laa xăk hlek, đơu laa taay yaak đom Kơy Plêêk deng ka varơuq pahyaak kaluh đôôn hơơm, hmot hrưp kaluh apok tagêh \n\\ts\\*",
  "5": "kung tôôy varơuq tơơk dalơh dưk tok tachơơl hlê varơuq hlolh xet truh Kơy Plêêk, ji rôp jư   kaluh iq biit rawiit xuq varơuq tameng tyauq Lôôk Wơơt Dêh;",
  "6": "ji e xuum talăng jăk xôq khienq kaluh dong varơuq lưp tameng phayh blaa jaq, tuôôy varơuq tameng tyauq ku oh ay heq jah sleep. \n\\ts\\*",
  "7": "Oh ay đong 'yo varơuq măn tol pii mot. Atoh akơyq tuôq kajưk aduq xăk xamơk đaneq xăk thuôôk xuq Lôôk Wơơt Dêh, yôôych adro nưq dayh 'yo kadih hlê varơuq neq truh kadih xăk, đaneq: adro nưq thuôôk Lôôk Wơơt Dêh đaleq yôôych 'wot kung đanưq.",
  "8": "Vii tabơh atoh gô e akhwoe varơuq kajoq axich 'ngưưng truh da uh kwuyen ku gô, laa taay yaak Lôôk heq kahniq deng ka varơuq ta'meq đơu leh aalq ka varơuq pahyaak hrưp oh ay, yôôych gô hno be huq kamưưl,\n\\ts\\*",
  "9": "xôq gô be vlôh dang  đaji khienq oh ay phayh varaar yôq bơơn thưư ku gô.",
  "10": "Bơh vii e adro đnooy: \"Tuuy taleq hlaa thưư ku kơy nưq apok parêq ji kôk kalh, bơh tuôôy e mot bơơn khiêêk bơơn hlek măn đnen yôôych pơơh pơơr, ji apok apleeh be raa kajoq.\"  \n\n\\ts\\*",
  "11": "Manih đanưq dayh biit 'yo varơuq neq, tuôôy wăngq mot 'wot laa đaleq đom apok đnooy hlê kaluh hlaa thưư, yôôych tuôôy e mot ta dơơp ku 'wot kung đanưq. ",
  "12": "Vii 'wot leh hôôk dưk hyioh long atooh xăk dii muuyq vaarq dro galơh tok kadih xăk. Bơh khơl adro nưq - tuôôy woolh oot aduq kadih oot, ji atooh kadih xăk xamơk dii kadih oot - yôôych be hlolh xet kajoq.\n\n\\ts\\*",
  "13": "Wiih hlê, 'wot hno leh akhwoe truh kaluh kajoq dong xa'ngưưi, bơh laa tyauq kaa nưlh đom kawah nưq đơu Kơy Plêêk heq aklah ahlook ăm ka 'wot, muuyq kaa nưlh heq tawaak truh aduq oh ay.",
  "14": "Bơh 'wot be aalq đong kadiih galơh dêq ka aduq, đaji tuôôy koq hmưq galơ tru ooh ay, vii đơu vơ, 'wot heq hooy adrooyq truh aduq ooh ay đaa Hêêl Kaxay kua Lôôk Wơơt Dêh, \n\\ts\\*",
  "15": "be akhwoe truh kaluh kajoq iay galơơh hloay \naduq kaluh kông khoo kua kaluh adro kadrơy, bơh vii e xuum ta kôô aduq ooh ay, tuôôy xuum tuôq kua ooh ay jaah aa thêêp, xôq kaluh kông khoo tyauq aduq nưq kua wot jaah dong kôt truh nưlh raah jôôh,",
  "16": "xôq padoh taboon Hêêr Kaxaay aduq kaluh dêh kawah xangưưy ooh ay - khooyh phaayh akhwoe truh kaluh kajoq heq jaah palăuq 'miêh đom aduq nưq kua adro drơơy.\n\\ts\\*\n\\q",
  "17": "“Bơh akơyq akhwoe xăk, dayh akhwoe xăk đom Lôôk.\"\n\\m",
  "18": "Vii be aalq adro kadiih vanê ayuôôt kadih xăk yôôych adro nưq e varơuq kông nhonq, bơh laa adro đơu Lôôk vanê ayuôôt.\n\\ts\\*"
}