See in Reader
28 lines
3.6 KiB
JSON
28 lines
3.6 KiB
JSON
{
|
|
"1": "Te ramôôh apok ji khơl draq, bơh dayh đnooy adôô oot daang ji vaq, tadăp blaai yôôych đa ji oh ay,",
|
|
"2": "khơl mo karaq yôôych đa ji miq, yôôych khơl drê tadăp blaay yôôych đa ji oh ay, tyauq ji dêq hloay varơuq paxarêh saleaq,",
|
|
"3": "Dayh vadoo khơl mo vlơu- bơh khơl mo vlơu dong dik.",
|
|
"4": "Bơh atoh mo vlơu leq e koot long xaau, yôôych adrooyq dik koot xaau oot phayh hok dơơp varơuq kaxaay đom hnhư đêh xak, ji xlih xuum bla vanoong ka miq vaq, vii varơuq neq kaxaay xuum Kơy Plêêk.",
|
|
"5": "Mo vlơu dong dik bơh măn vơ muuyq dro, yôôych heq xôq xuum takôô aduq Kơy Plêêk, klôôy hngơy ka jưk xuum apôôy vôôch. ",
|
|
"6": "Măn khơl trôôt axek varơuq xa agưt, long e riilh kung đa ji kaxêêt.",
|
|
"7": "Kung dayh đnooy hlê kaluh varơuq nưq ka oot, xôq oot jah saleaq.",
|
|
"8": "Atoh e kơyq nưq be truh 'yoo oh ay oot, yưk khơl đom hnhư oot, bơh dro nưq heq ka'lăk xuum tuuôq ji măn xơuq iaq ka dro leh tuuôq.",
|
|
"9": "Bơh vơ vlơk yal khơl mo vlơu leq drơu kưưl xanưưm kon hơơ, ji kadrê di muuyq dro kanơu,",
|
|
"10": "phayh ji dro e yal kaxaay vii kaluh varơuq dơơp vanoong xak, đa ji heq vach koot xaau, ăm tamooi kadrơy muut ma hnhư, 'nhaau jôôk ka khơl vah, wak khơl pơơl dal, đơu ji dơơp 'ngưưng kaluh varơuq kaxaay.",
|
|
"11": "Bơh te vlơk yal khơl mo vlơu koq karaq, vii tuôôy kaluh hmưưch trôôt di xak xmơk ahluk oot hooy xangưưi xing Kơy Plêêk, yôôych oot hnoq trôôt xok kanơu.",
|
|
"12": "dơơp oot e kadrôp vii oot ka'lăk apok tavek xing patep di oot.",
|
|
"13": "Yôôych nưq, oot kung hnoq e katik alah, 'ngôôy raap dêq hnhư neq truh hnhư hơq, ji leh aalq vlôh alah heq, bơh măn 'ngưưng đnooy bơyq ji trôôt kalong muut varơuq di khơl drơy, đnooy kaluh varơuq leh ik đnooy.",
|
|
"14": "Nưq gô trôôt khơl mư vlơu koq karaq dayh xok kanơu, paiil oh, doot dep hnhư wah xak, xôq leh huq dơơp kơq ka khơl tachơơl đnooy xơuq.",
|
|
"15": "Ji toleq dro heq klah vlôh hooy tyauq Sa-taan yôôych.",
|
|
"16": "Atoh khơl drê tuuôq Lôôk leq e mo vlơu đom hnhư, yôôych dayh wak oot, ji Tayuup Vah leh huq biq parêq parơh, xôq ji ik wak khơl mo vlơu dong dik. \n\\p",
|
|
"17": "Khơl draq leq kheoq dưk xnưk Tayuup Vah haay phayh kuul damưưng 'ngưưng iaq, yưk ji khơl chiuq dơơp varơuq padoh taboon đom Apok Lôôk ji pato daay.",
|
|
"18": " Vii Apok Kơy Plêêk pato: \" Leh ik boq huui ôôq boo tuôôy ni đon joaq va,\" ji \" Dro dơơp kôông phayh jah jêêt hngơy kôông ni dơơp.\"",
|
|
"19": "Te xok apok rôp kadrôp tachơơl hlê muuyq khơl draq leq atoh leh e vaar long pe dro dơơp xnưk.",
|
|
"20": "Dayh đnooy ka adro e adrôp kangưưl manih karôp xôq khơl măn đnư hloq kung ji xet yôq.",
|
|
"21": "Ka ngưưl Kơy Plêêk, ka ngưưl Kơy Jê-xu Krist, ji ka ngưưl khơl kơy hơu jah rơơlh, gô e apok pato aneq koot phayh jưư kaluh varơuq nưq, bơh leh ik tơơl apok leq ji kung te dơơp ka joq biin pi leq dêq.",
|
|
"22": "Te pơl wơơl xôq ti tol adro leq dêq, kung te muut rơy đom karôp maroh di khơl drơy. Dayh jưư xak paxarêh.",
|
|
"23": "Koot te hôôych daak hlo hlolh heq, bơh dayh hôôych muuyq axich lok ka klaak di koot đơu ji kaluh jiq koot 'ngưưng tavơh.",
|
|
"24": "E adro karôp maroh oot biq xlih vlôh, kơyq kung xet adrooyq tuôôy chiuq xưh xadrah. Bơh kung e kaluh kadrôp vơ xlih vlôh atêq tuôôy xưh xadrah.",
|
|
"25": "Kung đanưq, e kaluh varơuq kaxaay yôôych hloq hloay, ji kaluh varơuq leh xlih vlôh bơh kung leh ik kưq paduu miek."
|
|
}
|