See in Reader
19 lines
2.3 KiB
JSON
19 lines
2.3 KiB
JSON
{
|
|
"1": "Yaak Kơy Plêêk xnoh hlolh aneq đom tuôôy atêq kaneq, 'ngưưng dro hnoq ka'lăk xuum tuuôq, tameeng tyauq kaluh yaak paôh apok pato di kamuuych,",
|
|
"2": "tyuaq apok paôh di khơl xuum paôh, dơơp ka xuum klaak di oot kadih biq chaai.",
|
|
"3": "oot đơu leh ăm dơơp đaamq pajêêt, ji dach deek kaluh tuôông xa Kơy Plêêk dơơp vlôh xôq manih tuuôq ji xet hlolh varơuq dik jah vook xok đơu ji xuum xet vanoong.",
|
|
"4": "Nưq, kaluh varơuq Kơy Plêêk dơơp vlôh ưưng leq kung kaxaay tamaq, ji leh e varơuq ka joq phayh tavih ka'lăk atoh jah vook xok đơu ji apok kuh kway,",
|
|
"5": "bơh gmưh apok Kơy Plêêk ji apok apôôy ưưng nưq đơu jah paxarêh.\n\\p",
|
|
"6": "Atoh koot xôq kaluh varơuq nưq kangưưl oh ay, yôôych koot hnoq ji dro xpok hyioh jăk di Kơy Jê-xu Krist, jah vach daay bơyh apok di xuum tuuôq ji bơyh apok pato daay kaxaay tamaq bơh koot heq tameeng tyauq.",
|
|
"7": "Bơh be laayq tameeng kaluh apok boon leh troq di khơl mo karaq. Yôôych ka'lăk hooy, dayh atuq xak kadih đom varơuq akuh.",
|
|
"8": "Vii varơuq palauq xak xmơk e axich ik lơiq, bơh palauq xuum tuuôq yôq yôôych ik lơiq ka kaluh varơuq, e apok tavek ka đơơi neq ji đơơi atêq.",
|
|
"9": "Nưq ji apok đnooy ka jưk, ji toolq xagook xuum tuuôq saleaq,.",
|
|
"10": "bơyh đanưq haay đơu pơơl hwơơl ji tadơơp, vii haay e takôô aduq Kơy Plêêk riilh miiek, ji Lôôk Wơơt di koot manih drooy dik ji khơl; tuuôq Lôôk.",
|
|
"11": "Dayh pato daayq kaluh varơuq nưq.",
|
|
"12": "Te xôq manih oot khiin koot vii tuuôih de; bơh phayh xok apok đnooy, varơuq dơơp, varơuq xung xiaq, xuum tuuôq ji đom varơuq paxarêh đơu dơơp xôq khơl oh ay 'yoo.",
|
|
"13": "Dayh grơng đok rahlap, đnooy pahnhak, pato daayq, dong truh tuôôy gô truh.",
|
|
"14": "Te ta'wơơl vanoong măn đom koot, ji vanoong jah kahniq ăm ka koot xing apok hlit, gmưh varơuq xôq ti di khơl kadraq.",
|
|
"15": "Dayh hok xet kaluh varơuq nưq, dayh grơng to'meq to'moq dêq varơuq nưq, xôq manih oot kơyq kung hloq hlolh varơuq kôôt tok di koot ka ngưưl oot. ",
|
|
"16": "Dayh rơơlh rol ka xak đơu ji varơuq pato daay di koot. Phayh grơng đom kaluh varơuq nưq, bơh dơơp đanưq koot hnoq jah wơơt kadih koot ji khơl tameeng koot."
|
|
}
|