See in Reader
18 lines
2.0 KiB
JSON
18 lines
2.0 KiB
JSON
{
|
|
"1": "Yôôych nưq, drooyq dik, gô xung ahluk koot tơơk tưp apok apôôy vôôch, apôôy tayh, apôôy ka mamuuyq ji kuh kway ka oh ay,",
|
|
"2": "ka khơl vuua ji dêq hloay khơl padrok, xôq ka haay ik riilh đơơi riilh hrok hrol ji măn iek đom varơuq xuum kaxaay ji don dik hloay hloay.",
|
|
"3": "Nưq ji varơuq tơơl baalq ji kaxaay xuum Kơy Plêêk, Kơy Wơơt xok haay,",
|
|
"4": "Kadraq xung oh ay kơyq kung jah wơơt ji hooy truh aduq 'yoo xet varơuq dik.",
|
|
"5": "Bơh vơ e muuyq Kơy Plêêk ji muuyq Kơy măn kaplah Kơy Plêêk ji koot manih, nưq ji Kơy Jê-xu Krist, muuyq koot manih,",
|
|
"6": "ji Kadraq phayh kaxêêt xak Kadraq xôq ji wơơt xok koot manih, nưq ji apok xnưk heq dơơp tolq tuôôy,",
|
|
"7": "xing apok xnưk nưq gô đơu heq jah dơơp xpok ji xatyauq- gô đnooy dik đom Lôôk Wơơt Dêh, gô be đnooy lar- bơh nưq ji thơy pato ka manih adrôp đom xuum tuuôq ji varơuq dik.\n\\p",
|
|
"8": "Bơh nưq, gô xung khơl ka nơu loch kaluh aduq phayh apôôy, tơơk ti paxarêh tok plêêk be xatyauq tôq jaraq long takaai tayaat.",
|
|
"9": "Kung đa nưq gô trôôch khơl kadrê phayh xa vak aleq 'yoo ik kwuơn auu goh đơu ji xuum be huq tơơk dalơh ji tự chủ, be aalq ji varơuq voot hlôôk, hlưk vayaang, ngok, long hlưp kwuơn auu măch jêêt.",
|
|
"10": "bơh ưưng ka joq 'yoo tamuut đơu khơl drê vook xok xuum tuuôq Lôôk xing varơuq kaxaay tamaq.",
|
|
"11": "Khơl drê phayh 'ngôôy hnhep tameeng apok pato đơu ji dêq xuum dơơp tyauq. ",
|
|
"12": "Bơh gô be ăm pheep khơl drê pato daayq long xok taay yaak tơl khơl kanơu, bơh phayh hnhep.",
|
|
"13": "Vii A-đaam heq jah pajêêt adrooyq, yôôych đơu truh Ê-va,",
|
|
"14": "bơh A-đaam leh biq pa ôh, bơh khơl kadrê đơu biq pa ôh tawaak truh aduq xatôlh adrôp.",
|
|
"15": "Long đanưq khơl drê hnoq jah wơơt xing varơuq paiil oh, atoh oot măn miêk đom xuum tuuôq, xuum xung xiaq ji varơuq hlăng vah, đơu ji xuum klaak kaalh parat."
|
|
}
|