See in Reader
24 lines
3.8 KiB
JSON
24 lines
3.8 KiB
JSON
{
|
|
"1": "Dêq khơl măn 'laalq varaq xpok, phayh 'yoo kôôch ni ji toolq dêq xuum vadoo, xôq yal Kơy Plêêk đơu varơuq pato daay leh huq biq tơơk dalơh.",
|
|
"2": "Manih xpok e kôôch ji khơl tuôôq Lôôk leh ik vii kơq dro nưq ji oh ay bơh xlih vlôh thiêuq vadoo, bơh phayh dơơp varơuq yơu iaq đnooyq, vii dro kôôch, dro jah dơơp varơuq nưq ji khơl tuôôq Lôôk đơu dro jah xung xiaq. Koot dayh pato ji đnooy panhăk kaluh varơuq nưq.",
|
|
"3": "Atoh dro leq pato daay trôôk đêh ji leh tameeng tyauq kaluh apok tamaq di Lôôk haay, ji Kơy Jê-xu Krist, leh dơơp tyauq apok pato truh varơuq tuuôq kuh kuul,",
|
|
"4": "yôôych nưq ji dro tơơk dalơh, be xet xoop ka joq, bơh e binq đom varơuq tayaat ji takhelh đom chưh vlơk, xing nưq avlôh varơuq 'yarơơ, tagoaa, tơơk dalơh, biit ravơq va ih va op,",
|
|
"5": "tayaat, đom khơl e xuum biit biq va-ih va-op ji kađoq hlơp hyioh jăk, 'yoo varơuq tuôôq kuh kuul đa ji varơuq dơơp karoh.\n .\\f + ft Một số cổ bản thêm: \\fqa Hãy tránh xa những điều ấy,\\fqa* nhưng các cổ bản đáng tin cậy nhất không có.\\f* ",
|
|
"6": "Bơh varơuq tuuôq kuh kuul đơu varơuq hlaah xuum ji muuyq vôô kôt.",
|
|
"7": "Vii haay jah pa-iir vlôh lưp e adrơk ka joq tyauq, haay kaxêêt kung leh adrơk ka joq hooy ik.",
|
|
"8": "Đa nưq, ji varơuq e pon xa, aau hlưp, yôôych hnoq jah hlah xuum.",
|
|
"9": "Măn khơl trôôt jah karoh e yôôych gưưlh muut adôô alưt ji vơơt rayaalh, đơu 'ngưưng hmưưch vlôô, hruh hrek, nưq ji varơuq dơơp karăp oot muut varơuq hruh hrek ji hlơp hlieel.",
|
|
"10": "Bơh nưq varơuq hmưưch jêêt ji ưk di kaluh varơuq xơk tauq, bơh toleq dro tajôh ni heq biq alưưt jarooy vlôh klơlh xuum tuôôq ji dơơp vlôh ka xak 'ngưưng jiq jiêh.\n.\n\\p",
|
|
"11": "Bơh koot, manih di Kơy Plêêk lơơy, dayh chuh xangưưi xing kaluh varơuq nưq, đơu chrơơk tyauq varơuq hyioh jăk, tuuôq kuh kuul, xuum tuuôq, xung xiaq, xuum grơơng, ji taguu.",
|
|
"12": "Dayh vii xuum tuôôq đơu hmot jăk tamaq kaxaay, dayh jưư riit varơuq riilh hloay hloay, 'ngưq ji varơuq koot jah taayh truh ji heq away vlôh apok xnưk kaxaay tamaq kangưưl 'ngưưng manih xnưk.",
|
|
"13": "Gô xnoh ka koot kangưưl Kơy Plêêk, Kơy dơơp kaluh varơuq jah riilh, ji kangưưl Kơy Jê-xu Krist, Kơy avlôh apok xnưk tamaq kaxaay ngưưl Bôn-xơ-Phi-lat,",
|
|
"14": "aneq koot phayh tamenng jưư apok pato daayq neq đaa leh amoh dơơ, leh aduq đnooy ik, don truh hngơy rama vlôh kua Lôôk haay, laa Lôôk Wơơt Dêh Jêê-Xuu,",
|
|
"15": "laa Kơy đơu Kơy Plêêk Thier Yơơt phayh ado vanê vơơ muuyq,laa Vuua kua khơl Vuua ji Lôôk kua khơl Lôôk, hnoq kahnoq vlôh muut \n jơq kaa tuôôy;",
|
|
"16": "vơơ muuyq dro Kadraq laa lưp kaxêêt, măn đom varơuq tađnaah leh hnoq truh jeq ik, laa Kơy koq kơyq h'mưq 'yoo hloq, kung leh akơyq e hnoq hloq ik; apôôy varơuq pado vanê ji taay yaak đơơy đơơy rawiit xuq Kadraq. AA-meen.\n\\p",
|
|
"17": "Dayh padooh taboon manih karoah đom đơơy neq te tơơk dalơh, kung te taa kôô aduq jêêt kuah leh chăk kajưk, đơu dayh taa kôô aduq Kơy Plêêk, Kơy kahnii ăm ka haay tôôy thưư đaleq dong 'ngưưng xôq vuuy jah, ",
|
|
"18": "ji dayh dơơp varơuq kaxaay, phaayh raah jôôh đom varơuq kaxaay, phaayh e xuum ranưh ranưưy, taa kôô ahlook aklaah, ",
|
|
"19": "taa goop ka kadiih xăk muuyq kahnier tơơl kaxaay tamaq ka kaluh varơuq hnoq truh, xôq e hnoq jư kajưk varơuq riirh dik.\n\\p",
|
|
"20": "Tii-môô-thêê lơơyh, koot dayh don jư varơuq jah ataq ăm ka koot, chuh hooy taleq varơuq leh ik xung liq, ji kaluh takaai tayaat balayq nhơnq laa xet hlolh.",
|
|
"21": "đơu muyq bing manih đon dơơp đaa nưq heq hooy rapaah ngưưr xuum tuuôq. Apôôy vanong kaxaay măn kung khơl oh ay."
|
|
}
|