See in Reader
24 lines
3.9 KiB
JSON
24 lines
3.9 KiB
JSON
{
|
|
"1": "Dêq hloay akơyq đong măn 'laalq varaq xapok, phayh 'yo kôôch ni laa đangq dêq xuum vado, xôq yal Kơy Plêêk ji varơuq pato daay leh huq biq tơơk dalơh.",
|
|
"2": "Kungh anưq, khơl xapok e khơl kôôch laa khơl tuôôq Lôôk leh ik vii kơq oot laa oh ay đơu 'yo leh ra kajoq, bơh phayh dơơp varơuq 'ngưng iaq đnooyq, vii oot laa khơl tuôôq Lôôk ji manih jah xung xiaq, manih e phơn đom varơuq dơơp. Koot dayh pato daay ji đnooy panhăk kaluh varơuq nưq.",
|
|
"3": "Atoh dro leq pato daay trôôk đêh ji leh tameeng tyauq kaluh apok varơuq dik, 'ngưq laa apok ku Lôôk haay, laa Lôôk Wơơt Dêh Jê-xu, kung dii apok pato truh varơuq tuuôq kuh kuul,",
|
|
"4": "yôôych nưq laa dro tơơk dalơh, be xet xoop kajoq, đơu e binq đom varơuq takaay tayaat ji takhelh đom chưh vlơk, xing nưq dơơp vlôh varơuq 'yarơ, tagoa, tơơk dalơh, biit ravơq va ih va op,",
|
|
"5": " tagaay tayaat, đom khơl biq va-ih va-op đom xuum biit ji biq kađoq hlơp varơuq dik, 'yo varơuq tuôôq kuh kuul laa aduq dơơp karoh. \n \\f + ft Một số cổ bản thêm: \\fqa Hãy tránh xa những điều ấy,\\fqa* nhưng các cổ bản đáng tin cậy nhất không có.\\f* ",
|
|
"6": "Bơh varơuq tuuôq kuh kuul kung dii varơuq hlah xuum laa muuyq vôô kôt.",
|
|
"7": "Vii haay heq leh xagook kajoq muut dêh araak, vii anưq haay kungh leh xagook kajoq hooy ik.",
|
|
"8": "Đanưq, tuôôy e pon xa, aau hlưp, yôôych haay hno jah hlah xuum dii kaluh varơuq nưq.",
|
|
"9": "Măn khơl trôôch jêêk vlôh karoh e yôôych gưlh muut adôô alưưt ji vơơt rayaalh, dii 'ngưưng hmưưch trôôch vlôô, hruh hrek, 'ngưq laa kaluh thưq karăp oot muut varơuq hruh hrek ji hlơp hliel.",
|
|
"10": "Vii ưk ku tôôy thưq varơuq xơk tauq laa varơuq hmưưch jêêt, đơu taleq dro, vii tajôh ni, heq biq alưưt jarooy vlôh klơlh xuum tuôôq ji dơơp ra-ơh ka xăk dii 'ngưưng varơuq jiq jêh. \n\n\\p",
|
|
"11": "Bơh koot, manih ku Kơy Plêêk lơơy, dayh chuh xangưưi xing kaluh varơuq nưq, đơu chrơơk tyauq varơuq hyioh jăk, tuuôq kuh kuul, xuum tuuôq, xung xiaq, xuum grơơng, ji taguu.",
|
|
"12": "Dayh hmot jăk đom varơuq tamaq kaxaay ku xuum tuôôq, dayh jư riit varơuq riilh đơơy đơơy, laa varơuq đơu koot heq jah taayh truh ji heq away vlôh apok xnưk kaxaay tamaq adrooyq kangưưr 'ngưưng manih xnưk.",
|
|
"13": "Gô vlôh tanơơn ka koot adrooyq kangưưl Kơy Plêêk, Kơy dơơp ka kaluh varơuq jah riilh, ji adrooyq kangưưl Lôôk Wơơt Dêh Jê-xu, Kơy đnooy vlôh apok xnưk tamaq kaxaay aduq Bôn-xơ-Phi-lak,",
|
|
"14": "aneq koot phayh tameeng jư apok pato daay neq kach leh e hlêêl 'moh, leh e aduq đnooy ik, don truh hngơy rama vlôh ku Lôôk haay, laa Lôôk Wơơt Dêh Jê-xu,",
|
|
"15": "laa Kơy đơu Kơy Plêêk Thier Yơơt đangq vnê ji vơ muuyq, laa Vuua ku khơl vuua ji Lôôk ku Khơl lôôk, hnoq kahnoq vlôh muut klip kawah,",
|
|
"16": "vơơ muuyq dro Kadraq leh hlơu kaxêêt, măn đom varơuq tađnah leh hlơu truh jeq ik, ji Kơy koq e kơyq hmưq 'yoo hloq, kung leh e kơyq hloq ik; apôôy varơuq pado vanê ji taay yaak đơơy đơơy rawiit xuq Kadraq. A-meen.\n\\p",
|
|
"17": "Dayh pato đnooy manih karoh đom đơơy neq te tơơk dalơh, kung te takôô aduq jêêt mưh leh kajưk, bơh dayh kôô gmưh aduq Kơy Plêêk, Kơy kahni ăm ka haay kaluh varơuq dong rah xôq jah xok, ",
|
|
"18": "ji dayh dơơp varơuq tamaq, phayh rah jôh đom varơuq kaxaay, phayh e xuum ranưh ranưưy, dayh ahlook ăm, ",
|
|
"19": "tagop xôq ka xak muuyq kahnier tamaq kaxaay ka kaluh varơuq hnoq truh, xôq ji ik jưư riit varơuq riilh dik.\n\\p",
|
|
"20": "Ti-mô-thêê lơơy, koot dayh jưư xok varơuq jah ataq ăm ka koot, chuh xangưưi xing toleq apok boon leh ik xung liq, ji kaluh tayaat đnooy ji manih xet 'ngưưng.",
|
|
"21": "bơh toleq dro dơơp đanưq heq hooy tah vlôh xing xuum tuôôq. Apôôy vanoong kaxaay măn ji oh ay."
|
|
}
|