See in Reader
28 lines
3.7 KiB
JSON
28 lines
3.7 KiB
JSON
{
|
|
"1": "Leh ik kôt apok dii khơl kơy karaq, bơh dayh đnooy panhăk manih nưq đaji vaq, tadăp blaay yôôych đaji oh ay,",
|
|
"2": "khơl mo heq karaq yôôych đaji miq, khơl kadrê tadăp yôôych đaji oh ay, đom varơuq xarêh xaraat saleep.",
|
|
"3": "Dayh vado khơl mo vlơu - khơl mo vlơu dong dik.",
|
|
"4": "Bơh atoh mo vlơu leq e koot long xau, yôôych adrooyq dik koot xau oot phayh hok xôq xet vado khơl hnhư ku oot kadih, ji kahnoq xuum bla vanong hlê ka khơl miq vaq nưq, vii neq laa varơuq jơq adrooyq kangưưr Kơy Plêêk.",
|
|
"5": "Bơh, manih vlơu dong dik ji vơ măn muuyq dro, yôôych takôô aduq Kơy Plêêk, ji kưq kajưk đom varơuq vôôch ji apôôy klôôy hngơy. ",
|
|
"6": "Măn adro arơơk axek varơuq agưt hrơh yôôych heq kaxêêt, ju đong măn riilh.",
|
|
"7": "Kung dayh đnooy hlê kaluh apok tanơơn neq, xôq oot hno ik leh e aduq leq đangq toah.",
|
|
"8": "Bơh atoh akơyq nưq leh vach xeep ka khơl oh ay, đơu yưk laa khơl hnhư ni, yôôych adro nưq heq chôôyq ka'lăk xuum tuôq ji laa adro va-ih iaq manih leq tuôq.",
|
|
"9": "Muuyq mo vlơu duh phayh jah vlơk anưng yôôych leh axik iaq drơu kưl xanưm, laa kadrê ku muuyq kanau.",
|
|
"10": "jah apok xnưk xing kaluh varơuq kaxaay: mo e vach pato koot xau be, mo e kôô kaq tamooi hooy trôôk be, mo e 'nhaau jôôk khơl tuôq be, mo e wơơt waak adro pơơl dal be, mo e dêq xuum dii tôôy varơuq kaxaay be.",
|
|
"11": "Bơh dayh te vlơk anưng ka khơl mư vlơu măn blaay, vii tuôôy varơuq hmưưch trôôch xăk xamơk ahluuk tok tachơơl hlê dii Lôôk Wơơt Dêh, yôôych oot ưng xok kanau đnooyq,",
|
|
"12": "nhonq xok varơuq xưh xadrah vii oot heq ka'lăk varơuq tavek adrooyq yưk ku oot.",
|
|
"13": "Yôôych nưq, oot kungh hno ragơy katiik alaah, kưq hooy truh hnhư neq hnhư hơơq, đơu leh vơ katiik alaah, bơh măn katiik đnooy 'ngưưng ji trôôch vanhoq muut varơuq ku khơl drơy, đnooy kaluh varơuq oot be duh đnooy.",
|
|
"14": "Vii đanưq, gô xung khơl mư vlơu măn blaay dayh pajêêt, pa-iir oh, jư 'yo hnhư ni, xôq leh dơơp e kawah ka khơl tachơơl e apok đnooy xâuq",
|
|
"15": "Vii toleq dro heq taah vlôh hooy tyauq Sa-taan yôôch.",
|
|
"16": "Atoh khơl kadrê tuôq Lôôk leq e mo vlơu đom hnhư, yôôych dayh waak rơy oot, ji te xôq Tayuup Vah biq pơq parêq, xôq ka Tayuup Vah hno ik waak khơl mo vlơu dong dik. \n\\b",
|
|
"17": "Khơl drah lơơk xet xakaq jư phayh jah 'yo laa đangq vado iaq đnooyq, yưk laa khơl chiuq pơơl dal đom Apok Lôôk ji varơuq pato daay. ",
|
|
"18": "Vii Ralaap Vah pato: Ay te trôôp huuy ôôq boo đong tuôôy juaq vaa, \" ji \" Manih dơơp varơuq jơq jah jêêt varơuq dơơp ku ni.",
|
|
"19": "Te tameeng tyauq apok rôp kadrôp tachơơl hlê muuyq dro khơl drah lơơk, đơu atoh leh e vaar long pee dro dơơp xnưk.",
|
|
"20": "Dayh toah adro lôôp kadrôp adrooyq kangưưl manih karôp xôq khơl măn hlê hno ik kungh xet yôq.",
|
|
"21": "Gô đnooy pato koot adrooyq kangưưl Kơy Plêêk ji Lôôk Wơơt Dêh Jê-xu, kung khơl kơy yaak jah rơơlh, aneq koot phayh jư kaluh apok tanơơn neq đơu leh e xatyauq apok đnooy leq, te dơơp kajoq tyauq xuum biing pi leq.",
|
|
"22": "Te pơl wơơl xôq ti tơl akơyq, kungh te muut rơy đom karôp maroh ku khơl drơy. Dayh jư xăk paxarêh.",
|
|
"23": "Koot te vơ hôôch daak hloh, đơu dayh hôôch muuyq axit lok vii kơq vaduk ku koot ji kaluh biinq ragơy jiq.",
|
|
"24": "Kadrôp ku muuyq sôôq dro yôôych hloq hloay, xagook truh aduq xưh xadrah. Bơh kungh e kaluh kadrôp vơ kahnoq vlôh atêq tuôôy xưh xadrah.",
|
|
"25": "Kung đanưq, kungh e kaluh varơuq kaxaay yôôych hloq hloay, măn kaluh varơuq kaxaay leh padoh vlôh, yôôych atêq neq kung leh kadook ik."
|
|
}
|