See in Reader
19 lines
2.2 KiB
JSON
19 lines
2.2 KiB
JSON
{
|
|
"1": "Yaak Plêêk đnooy hlolh aneq đom tuôôy lôôt dik, 'ngưưng dro hnoq ka'lăk xuum tuuôq, tameeng tyauq kaluh kađôm paôh ji apok pato di kamuuych,",
|
|
"2": "tyauq apok laar di khơl xuum va ih, dơơp ka xuum klaak di oot kadih biq khăk lôôlq,",
|
|
"3": "oot leh ăm đamq pajêêt, ji deek kaluh tuôông xa bơh Kơy Plêêk heq dơơp vlôh xôq manih tuôôq gmưh ji xet hlolh hyioh jăk jah vook xok đơu xuum xet vanoong.",
|
|
"4": "dêq kaluh varơuq xing Kơy Plêêk dơơp vlôh kaxaay tamaq dêq, ji leh e tuôông ka joq phayh tavih ka'lăk atoh jah vook xok đơu xuum kuh kway,",
|
|
"5": "vii gmưh apok Kơy Plêêk ji apok apôôy bơh oot jah paxarêh.\n\\p",
|
|
"6": "Atoh koot xôq kaluh varơuq nưq kangưưl oh ay, yôôych koot hnoq ji xpok tamaq di Kơy Jê-xu Krist jah vach doo xing apok di xuum tuôôq ji xing apok pato kaxaay bơh koot heq tameeng tyauq.",
|
|
"7": "Bơh palaayq tawaq truh kaluh apok boon di toleq mo karaq. Bơh nưq, dayh tiêêpq arieq kadih xak đom varơuq tuôôq kuh kuul.",
|
|
"8": "Vii varơuq arieq xak xmơk yôôych le yuôôl 'ngưưng, bơh arieq xuum tuôôq kuh kuul yôôych dơơp ik ka 'ngưưng varơuq, e apok taveek ka đơơi neq ji đơơi atêq.",
|
|
"9": "Nưq ji apok tolq tuôôq gmưh ji tolq tuôôq xok padêq,",
|
|
"10": "daang anưq bơh haay pơq pơơl ji hmot jăk, vii haay e takôô aduq Kơy Plêêk riilh miêêk, ji Wơơt Lôôk di koot manih, yưk ji di khơl tuôôq.",
|
|
"11": "Dayh pato daay kaluh varơuq nưq.",
|
|
"12": "Te xôq manih oot 'yoo gleah koot vii măn tadaq, bơh phayh xok apok đnooy, đom grong dơơp, đom varơuq xung xiaq, đom xuum tuôôq ji đom xarêh xaraat, đơu dơơp ramiil ka khơl tuôôq.",
|
|
"13": "Dayh grơng đok rahlap, đnooy pato, ji pato daay dong truh tuôôy gô truh.",
|
|
"14": "Te ta'wơơl vanoong măn đom koot, ji vanoong heq jah kahniq ăm ka koot xing apok hlit, gmưh varơuq xôq ti di khơl karaq.",
|
|
"15": "Dayh hok xet kaluh varơuq nưq, dayh tagluunq muut oot, xôq varơuq kôôt tok di koot vlôh hlolh kangưưl koot manih. ",
|
|
"16": "Dayh rơơch rool 'yoo hlê xak xmơk koot đơu ji varơuq pato daay. Dayh kajưk đom kaluh varơuq nưq, vii dơơp anưq koot hnoq wơơt jah xak kadih ji khơl tameeng koot. "
|
|
}
|