See in Reader
28 lines
3.5 KiB
JSON
28 lines
3.5 KiB
JSON
{
|
|
"1": "Te kôôt apok ji khơl draq, bơh dayh đnooy adôô oot daang ji vaq, tadăp đa ji oh ay,",
|
|
"2": "khơl mư e tuuôôih đa ji miq, yôôych khơl drê tadăp bơh đa ji oh ay, tyauq ji dêq hloay varơuq paxarêh,",
|
|
"3": "Dayh 'yoo kôôt glơh khơl mo vlơu- bơh khơl mo vlơu don dik.",
|
|
"4": "Bơh atoh mo vlơu leq e koot long xaau, yôôych adrooyq dik koot xaau oot phayh hok dơơp varơuq e xuum đom hnhư oot, ji xlih xuum xet vanong ka miq vaq, vii varơuq neq kaxaay xuum Kơy Plêêk.",
|
|
"5": "Mo vlơu don dik bơh măn vơ muuyq dro, yôôych heq xôq xuum takôô aduq Kơy Plêêk, klôôy hngơy ka jưk xuum apôôy vôôch. ",
|
|
"6": "Bơh măn khơl trôôt axek varơuq xa agưt, long e riilh kung đa ji kaxêêt.",
|
|
"7": "Kung dayh đnooy hlê kaluh varơuq nưq ka oot, xôq oot be huq e aduq leq đnooy ik.",
|
|
"8": "Atoh e kơyq nưq be truh 'yoo oh ay oot, yưk ji khơl đom hnhư oot, bơh dro nưq heq ka'lăk xuum tuuôq ji măn xơuq iaq ka dro leh tuuôq.",
|
|
"9": "Bơh vơ vlơk yal khơl mo vlơu leq drơu kưl xanưưm kon hơơ, ji kadrê di muuyq dro kanơu,",
|
|
"10": "phayh ji dro e yal kaxaay vi kaluh varơuq dơơp vanong xak, đa ji heq vach koot xaau, ăm tamooi kadrơy muut ma hnhư, 'nhaau jôôk ka khơl vah, wak khơl pơơl dal, đơu ji dơơp 'ngưưng kaluh varơuq kaxaay.",
|
|
"11": "Bơh te vlơk yal khơl mo vlơu koq karaq, vii tuôôy kaluh hmưưch trôôt di xak xmơk ahluk oot hooy xangưưi xing Kơy Plêêk, yôôych oot trôôt xok kanơu.",
|
|
"12": "dơơp oot e kadrôp vii oot ka'lăk apok tavek xing long đau di oot.",
|
|
"13": "Yôôych nưq, oot kung hnoq e katik alah, 'ngôôy raap dêq hnhư neq truh hnhư hơq, ji leh aalq vlôh măn hloh, bơh măn 'ngưưng đnooy bơyq ji trôôt kalong muut varơuq di khơl drơy, đnooy kaluh varơuq leh ik đnooy.",
|
|
"14": "Nưq gô trôôt khơl mư vlơu koq karaq dayh xok kanơu, paiil oh, doot dep hnhư wah xak, xôq leh huq dơơp kơq ka khơl tachơơl đnooy xơuq.",
|
|
"15": "Ji toleq dro heq klah vlôh hooy tyauq Sa-taan yôôych.",
|
|
"16": "Atoh khơl drê tuuôq leq e mo vlơu đom hnhư, yôôych dayh wak oot, ji Tayuup Vah leh huq biq parêq parơh, xôq ji ik wak khơl mo vlơu don dik. \n\\p",
|
|
"17": "Khơl kadraq leq kheooq dưk xnưk phayh jah 'yoo kinh trọng bội phần, yưk ji khơl chiuq dơơp varơuq padoh taboon đom Apok Lôôk ji pato day.",
|
|
"18": " Vii Apok Kơy Plêêk pato: \" Leh ik boq huui ôôq boo tuôôy ni đon joaq va,\" ji \" Dro dơơp kôông phayh jah jêêt hngơy kôông ni dơơp.\"",
|
|
"19": "Te xok apok rôp kadrôp tachơơl hlê muuyq khơl draq leq atoh leh e var long pe dro dơơp xnưk.",
|
|
"20": "Dayh đnooy ka dro e adrôp kangưưl manih karôp xôq khơl măn đnư hloq kung ji xet yôq.",
|
|
"21": "Kangưưl Kơy Plêêk, ka ngưưl Kơy Jê-xu Christ, ji ka ngưưl khơl kơy hơu jah rơơlh, gô e apok pato aneq koot phayh jưư kaluh varơuq nưq, bơh leh ik tơơl apok leq ji kung te dơơp ka joq biin pi leq dêq.",
|
|
"22": "Te chăm hăm xôq ti tol adro leq dêq, kung te muut rơy đom karôp maroh di khơl drơy. Dayh jưư xak paxarêh.",
|
|
"23": "Koot te hôôych daak hlo hlolh heq, bơh dayh hôôych muuyq axich lok ka klaak di koot đơu ji kaluh jiq koot 'ngưưng tavơh.",
|
|
"24": "E adro karôp maroh oot biq xlih vlôh, kơyq kung xet adrooyq tuôôy chiuq xưh xadrah. Bơh kung e kaluh adrôp xlih vlôh atêq tuôôy xưh xadrah.",
|
|
"25": "Kung đanưq, e kaluh varơuq kaxaay yôôych hloq hloay, ji kaluh varơuq leh xlih vlôh bơh kung leh ik kưq paduu miek."
|
|
}
|