See in Reader
23 lines
3.5 KiB
JSON
23 lines
3.5 KiB
JSON
{
|
|
"1": "Phao-lô, oh ay xpok di Lôôk Wơơt Dêh Jê-xu tyauq apok patăk di Kơy Plêêk, Lôôk Wơơt haay, ji di Lôôk Wơơt Dêh Jê-xu, varơuq takôô di haay.",
|
|
"2": "ataq ka Ti-mô-thêê, koot dik di gô đom xuum tuuôq: Apôôy koot jah vanong kaxaay, varơuq xuum angơuq ji hrok hrol xing Kơy Vaq Plêêk ji Lôôk Wơơt Dêh Jê-xu, Lôôk haay.\n\\p",
|
|
"3": "Tyauq đa ji varơuq gô heq ahluk koot dơơp tuôôy gô hooy truh dêh Ma-xê-đoan, koot dayh măn hlê Ê-phê-sôô xôq pato ka toleq dro hơq leh ik pato kaluh varơuq bơyq ba kadrơy.",
|
|
"4": "ji kung leh duh tawaq truh kaluh apok boon đơu ji kaluh adrơơk be xek dêq, ji kaluh thưq dơơp takaai tayaat nưq be aalq wak ik ka joq ka varơuq dơơp kôôt hnhư Lôôk, ji varơuq dơơp bơh xing xuum tuuôq.",
|
|
"5": "Apok pato dayq nưq ji xuum xung xiaq nưq phayh truh xing xuum paxarêh, xuum klaak kaxaay tamaq ji xuum tuuôq don dik, ",
|
|
"6": "nưq e toleq dro vii leh jơq trôôk nưq đơu heq ka'lăk kaluh varơuq neq xôq tajauq kaluh apok leh yuôôl,",
|
|
"7": "oot trôôt dơơp thơy pato gnuun, bơh lay leh hlolh kaluh apok oot đnooy ji varơuq oot tuuôq ka jưk.",
|
|
"8": "Bơh haay xet aneq gnuun ni kaxaay tamaq atoh manih oot dơơp tyauq don jơq đa nưq,",
|
|
"9": "ji xet varơuq neq, nưq ji gnuun be ik dơơp vlôh ka manih hyioh jăk, bơh ăm ka adro tachơơl hlê gnuun ji xlih xum, dro tơơt dalơh ji karôp maroh, dro tachơơl Kơy Plêêk ji phạm thượng, dro păk kaxêêt miq păk kaxêêt vaq, dro păk kaxêêt manih, ",
|
|
"10": "dro xamăn bơyq, khơl kanơu ji khơl kanơu khơl drê ji khơl drê, dro rôp tek manih, dro đnooy paôh, dro dơơp xnưk lar, ji dêq hloay kaluh varơuq ka joq đêh ji varơuq pato day don dik,",
|
|
"11": "ji varơuq pato dayq jơq tyauq Hêêl Kaxaay tađnah tađaat di Kơy Plêêk phayh ado vnê, nưq ji varơuq bơh gô heq xôq.\n\\p",
|
|
"12": "Gô kuh kway Lôôk Jê-xu Christ, Lôôk haay, Kơy kahniq ăm ka gô paraat kalh, Kadraq 'yoo gô ji dro muuyq xuum, đơu ji xôq gô muut aduq varơuq dơơp,",
|
|
"13": "bơh adrooy gô ji dro katơơt dalơh, dro rôp top, ji dro xơk tauq, bơh gô jah vook xok varơuq xuum angơuq vii đom tuôôy vlôô gô heq dơơp đom varơuq be tuuôq.",
|
|
"14": "Dik, vanong kaxaay di Lôôk hay heq thier 'ngưưng đơu ji xuum tuuôq ji xuum xung xiaq đom Lôôk Jê-xu Christ.",
|
|
"15": "Lôôk Jê-xu Christ heq truh đom dêh araat xôq wơơt xok dro e kadrôp, nưq ji apok ka jưk, taway xuum tuuôq kôôch đơu vook xok; đom khơl e kadrôp nưq gô ji ưk.",
|
|
"16": "Bơh ji varơuq neq gô đơu heq jah xuum angơuq, xôq ka Lôôk Jê-xu Christ xlih vlôh kaluh varơuq atuq xuum di Kadraq vlôh đom gô ji dro dơơp ưk, xôq xok gô dơơp ramil ka khơl hnoq tuuôq Kadraq jah varơuq riilh hloay hloay.",
|
|
"17": "Apôôy Vuaa di kaluh đơơi neq đơơi hơq, ji Kơy Plêêk hloay hloay, be hloq ik ji e muuyq heq, jah tôn quy đơu ji tađnah tađaat pa truh đơơi đơơi miek miek.A-meen.\n\\p",
|
|
"18": "Ti-mô-thêê, koot gô, gô xôq apok pato day neq kangưưl koot, tyauq kaluh apok hlit adrooyq neq heq đnooy ka koot, gmưh xing apok nưq koot đơu ik vlôh hooy hmot jăk đom xuum tuuôq.",
|
|
"19": "xok xôq xuum tuuôq ji xuum klaak kaxaay nưq. Toleq dro leh vook xok xuum klaak nưq yôôych xuum tuuôq oot biq klêh karăp;",
|
|
"20": "đom khơl nưq e Hy-mê-nê ji A-lek-xan-đơ, ji khơl bơh gô heq ataq ka Sa-tan xôq oot hok xet te katơơt dalơh đnooyq."
|
|
}
|