See in Reader
24 lines
3.9 KiB
JSON
24 lines
3.9 KiB
JSON
{
|
|
"1": "Paq kê kơyq đong măn 'lalq ach xapok, phayh 'yoo kôôych xăk laa phayh dêq xuum vaa doo, xôq yal Kơy Plêêk ji varơuq pato daayq leh huq biq tơơk dalơh.",
|
|
"2": "Adro xapok e kôôych laa khơl tuuôq leh ik vii kơq dro nưq laa oh ay đơu kanhoq vlôôh thiêêuq vaa doo, bơh duh dơơp varơuq yơu iaq đnooyq, vii adro kôôych, dro xa agưt varơuq adơơp, khơl laa khơl tuuôq ji manih jah xung xiaq. Koot dayh pato ji ahluk ahlul kaluh varơuq nưq. ",
|
|
"3": "Atoh dro leq pato daay trôôk kadrơy ji leh tameeng kaluh apok kaxaay tamaq kua Lôôk haay laa Lôôk Wơơt Dêh Jêê-Xuu, ji leh tameng tyauq pato daayq truh varơuq tuuôq vaa doo,",
|
|
"4": "yôôych nưq laa dro tơơk dalơh be hlolh Xet kajoq, đơu e kadih trôôt bingq hloay đom varơuq takaay tayaat ji thuk đaa truh chưư valơk, xing nư tagây vlôh varơuq 'ya rơ, tayaat, tơơk dalơh, biit ravơq vaiih vaoop,",
|
|
"5": "taa yaat, tul khơl dro biq hưư hlơơp đom xuum klaak ji biq thiêêuq hlơơp dong dik, 'yoo varơuq tuuaq tyauq laa kaa tuôôy dơơp lơơy.\n .\\f + ft Một số cổ bản thêm: \\fqa Hãy tránh xa những điều ấy,\\fqa* nhưng các cổ bản đáng tin cậy nhất không có.\\f* ",
|
|
"6": "Bơh varơuq tuuôq tyauq dii varơuq hlaah xuum laa thơơl lơơy kôt.",
|
|
"7": "Vii haay be xagook kajoq muut dêêh araak, đơu haay kung leh hnoq tawaay kajoq hooy ik.",
|
|
"8": "Ăm anưq dii varơuq e pon xa, aau hlưp, yôôych haay hnoq jah hlah xuum.",
|
|
"9": "Măn khơl adro xung jah karooh e yôôych gưưlh muut adôô alưt ji raa yaalh, dii 'ngưưng haam hmưưch vlôô khưưrq, hưư hloay, nưq laa paq kê varơu kajoq nhơnq karăp khơl drơơy muut varơuq gưưh kaah ji păk kaxêêt.",
|
|
"10": "Vii ưk rayaah kua đuu thưư varơuq xơk laa haam jêêt,đơu muuyq bing manih trôôt dik ni heq biq jarooy hmưưch jêêt mưh ji ưk di kaluh varơuq xơk tauq, e khơl trôôt e ni heq biq adôô ka'lăk xuum tuuôq ji dơơp vlôh ka xak 'ngưưng jiq jiêh.\n.\n\\p",
|
|
"11": "Bơh koot, ji manih di Kơy Plêêk lơy, dayh chuh xangưưi xing kaluh varơuq nưq, bơh chrơơk tyauq varơuq hyioh jăk, tuuôq kuh kuul, xuum tuuôq, xung xiaq, atuq xuum ji taguu.",
|
|
"12": "Dayh vii xuum tuuôq đơu hmoch jăk tamaq kaxaay, dayh jưư riit varơuq riilh miek miek, nưq ji varơuq koot đơu jah tayh truh ji đnooy vlôh apok xnưk kaxaay tamaq kangưưl 'ngưưng khơl heq hloq.",
|
|
"13": "Gô patăk koot kangưưl Kơy Plêêk, Kơy dơơp ka kaluh varơuq jah riilh, ji kangưưl Kơy Jê-xu Krist, Kơy dơơp xnưk kaxaay tamaq kangưưl Bôôn-xơ Phi-laak, ",
|
|
"14": "aneq koot phayh jưư apok pato daayq neq be e hlêl plee, be e aduq đnooy ik, don truh hngơy rama vlôh di Lôôk haay, ji Kơy Jê-xu Krist,",
|
|
"15": "ji Kơy bơh Kơy Plêêk Thier Yơơt phayh ado vnê vơ muuyq, ji Vuua di khơl Vuua ji Lôôk di kaluh Lôôk, hnoq xlih vlôh troq tuôôy;",
|
|
"16": "vơ muuyq dro Kadraq hnoq leh kaxêêt, măn đom varơuq tađnah be ik truh jeq, ji Kơy koq hmưq e kơyq 'yoo hloq, kung leh e akơyq hloq ik; apôôy varơuq kuh kuul ji taay yaak miek miek xuq kon Kadraq. A-meen.\n\\p",
|
|
"17": "Dayh đnooy pato manih karoh đom đơơi neq te tơơk da lơh, kung te takôô kon jêêt mưh be ka jưk, bơh dayh takôô kon Kơy Plêêk, Kơy kahni ăm ka haay 'ngưưng kaluh ka joq ka joq xôq ji jah e.",
|
|
"18": "dayh dơơp varơuq kaxaay, grơn wak khơl adrah, phayh e xuum kôôt ra nưh, ahlook ăm ka joq xak e.",
|
|
"19": "tagop xôq ka xak muuyq kahnier tơơl ji ka jưk ka kaluh varơuq hnoq truh, xôq ji ik jưư riit varơuq riilh dik.\n\\p",
|
|
"20": "Ti-môô-thêê lơy, koot dayh xok xôq varơuq ataq ăm ka koot, hooy chuh xing kaluh apok leh ik xung liq, ji kaluh takaai tayaat đnooy ji xet hlolh.",
|
|
"21": "bơh toleq dro dơơp đanưq heq hooy leh tolq kon xuum tuuôq. Apôôy vanoong kaxaay măn dêq ji oh ay."
|
|
}
|