See in Reader
24 lines
4.0 KiB
JSON
24 lines
4.0 KiB
JSON
{
|
|
"1": "Paq kê kơyq đong măn 'lalq ach xapok, phayh 'yoo kôôych xăk laa phayh dêq xuum vaa doo, xôq yal Kơy Plêêk ji varơuq pato daayq leh huq biq tơơk dalơh.",
|
|
"2": "Adro xapok e kôôych laa khơl tuuôq leh ik vii kơq dro nưq laa oh ay đơu kanhoq vlôôh thiêêuq vaa doo, bơh duh dơơp varơuq yơu iaq đnooyq, vii adro kôôych, dro xa agưt varơuq adơơp, khơl laa khơl tuuôq ji manih jah xung xiaq. Koot dayh pato ji ahluk ahlul kaluh varơuq nưq. ",
|
|
"3": "Atoh dro leq pato daay trôôk kadrơy ji leh tameeng kaluh apok kaxaay tamaq kua Lôôk haay laa Lôôk Wơơt Dêh Jêê-Xuu, ji leh tameng tyauq pato daayq truh varơuq tuuôq vaa doo,",
|
|
"4": "yôôych nưq laa dro tơơk dalơh be hlolh Xet kajoq, đơu e kadih trôôt bingq hloay đom varơuq takaay tayaat ji thuk đaa truh chưư valơk, xing nư tagây vlôh varơuq 'ya rơ, tayaat, tơơk dalơh, biit ravơq vaiih vaoop,",
|
|
"5": "taa yaat, tul khơl dro biq hưư hlơơp đom xuum klaak ji biq thiêêuq hlơơp dong dik, 'yoo varơuq tuuaq tyauq laa kaa tuôôy dơơp lơơy.\n .\\f + ft Một số cổ bản thêm: \\fqa Hãy tránh xa những điều ấy,\\fqa* nhưng các cổ bản đáng tin cậy nhất không có.\\f* ",
|
|
"6": "Bơh varơuq tuuôq tyauq dii varơuq hlaah xuum laa thơơl lơơy kôt.",
|
|
"7": "Vii haay be xagook kajoq muut dêêh araak, đơu haay kung leh hnoq tawaay kajoq hooy ik.",
|
|
"8": "Ăm anưq dii varơuq e pon xa, aau hlưp, yôôych haay hnoq jah hlah xuum.",
|
|
"9": "Măn khơl adro xung jah karooh e yôôych gưưlh muut adôô alưt ji raa yaalh, dii 'ngưưng haam hmưưch vlôô khưưrq, hưư hloay, nưq laa paq kê varơu kajoq nhơnq karăp khơl drơơy muut varơuq gưưh kaah ji păk kaxêêt.",
|
|
"10": "Vii ưk rayaah kua đuu thưư varơuq xơk laa haam jêêt, đơu muuyq bing manih trôôt thaal ni heq biq jarooy adôô vlôôh khooyh xuum tuuôq ji tagây vlôôh ka manih 'ngưưng pơơl kwơơl.\n.\n\\p",
|
|
"11": "Bơh koot, manih kua Kơy Plêêk lơơy, dayh chuh xangưưy kaluh varơuq nưq, đơu chrơơk tyauq varơuq hyioh jăk, tuuôq vanêl, xuum tuuôq, xuum xung xiaq, atuq xuum takô, ji taguu rapa.",
|
|
"12": "Dayh kahluh truh đom tuuôq hmoch tamaq kaxaay, kua xuum tuuaq, dayh jưư chăk varơuq riirh đơơy đơơy, nưq laa varơuq đơu koot heq jah taayh truh ji heq đnooy vlôh apok xưưng nhơnq kaxaay tamaq kangưưr 'ngưưng khơl xanưk.",
|
|
"13": "Gô patăk lơơh ka koot kangưưr Kơy Plêêk, Kơy khieenq ăm kaluh varơuq jah riirh, ji kangưưr Lôôk Wơơt Dêh Jêê-Xu, Kơy ăm vlôôh apok xưưng nhơnq kaxaay tamaq kangưưr Bôôn-xơơ Phii-laak, ",
|
|
"14": "aneq koot phayh tamenng jưư apok pato daayq neq đaa leh amoh dơơ, leh aduq đnooy ik, don truh hngơy rama vlôh kua Lôôk haay, laa Lôôk Wơơt Dêh Jêê-Xuu,",
|
|
"15": "laa Kơy đơu Kơy Plêêk Thier Yơơt phayh ado vanê vơơ muuyq,laa Vuua kua khơl Vuua ji Lôôk kua khơl Lôôk, hnoq kahnoq vlôh muut \n jơq kaa tuôôy;",
|
|
"16": "vơơ muuyq dro Kadraq laa lưp kaxêêt, măn đom varơuq tađnah leh hnoq truh jeq ik, laa Kơy koq kơyq h'mưq 'yoo hloq, kung leh akơyq e hnoq hloq ik; apôôy varơuq kuh kuul ji taay yaak đơơy đơơy xuq kon Kadraq. A-meen.\n\\p",
|
|
"17": "Dayh đnooy pato manih karoh đom đơơi neq te tơơk da lơh, kung te takôô kon jêêt mưh be ka jưk, bơh dayh takôô kon Kơy Plêêk, Kơy kahni ăm ka haay 'ngưưng kaluh ka joq ka joq xôq ji jah e.",
|
|
"18": "dayh dơơp varơuq kaxaay, grơn wak khơl adrah, phayh e xuum kôôt ra nưh, ahlook ăm ka joq xak e.",
|
|
"19": "tagop xôq ka xak muuyq kahnier tơơl ji ka jưk ka kaluh varơuq hnoq truh, xôq ji ik jưư riit varơuq riilh dik.\n\\p",
|
|
"20": "Ti-môô-thêê lơy, koot dayh xok xôq varơuq ataq ăm ka koot, hooy chuh xing kaluh apok leh ik xung liq, ji kaluh takaai tayaat đnooy ji xet hlolh.",
|
|
"21": "bơh toleq dro dơơp đanưq heq hooy leh tolq kon xuum tuuôq. Apôôy vanoong kaxaay măn dêq ji oh ay."
|
|
}
|