See in Reader
24 lines
4.0 KiB
JSON
24 lines
4.0 KiB
JSON
{
|
|
"1": "Dêq hloay akơyq đong măn 'laalq varaq xapok, phayh 'yo kôôch oh ay laa đanq dêq xuum vado, xôq yal Kơy Plêêk ji varơuq pato daay klơlh biq đnooy tơơk dalơh.",
|
|
"2": "Kungh anưq, khơl xapok e khơl kôôch laa khơl tuôq leh ik vii kơq oot laa oh ay đơu 'yo leh ra kajoq, bơh phayh dơơp varơuq 'ngưng iaq đnooyq, vii oot laa khơl tuôq ji manih jah xung xiaq, manih e phoon đom varơuq dơơp. Koot dayh pato daay ji panhăk ahmưk kaluh varơuq nưq.",
|
|
"3": "Atoh dro leq pato daay trôôk đêh ji leh tameen tyauq kaluh apok varơuq dik, 'ngưq laa apok ku Lôôk haay, laa Lôôk Wơơt Dêh Jê-xu, kung dii apok pato truh varơuq tuôq kuh kuul,",
|
|
"4": "yôôych manih nưq laa adro tơơk dalơh, be xet xoop kajoq, đơu e katiik binq hoanq đom varơuq takaay tayaat ji takhelh truh chưh vlơk, xing nưq dơơp vlôh varơuq 'yarơ, tagoa, đnooy tơơk dalơh, varơuq biit va ih va op,",
|
|
"5": " tagaay tayaat, đom khơl biq va-ih va-op đom xuum biit ji biq kađoq hlơp varơuq dik, 'yo varơuq tuôq kuh kuul laa aduq xôq dơơp karoh.\n \n \\f + ft Một số cổ bản thêm: \\fqa Hãy tránh xa những điều ấy,\\fqa* nhưng các cổ bản đáng tin cậy nhất không có.\\f* ",
|
|
"6": "Bơh varơuq tuôq kuh kuul kung dii varơuq hlah xuum laa muuyq vôô kôt.",
|
|
"7": "Vii haay heq leh xagook kajoq muut dêh araak, vii anưq haay kungh be hno ik xagook kajoq hooy tyauq.",
|
|
"8": "Đanưq, tuôôy e pon xa, aau hlưp, yôôych haay hno jah hlah xuum dii kaluh varơuq nưq.",
|
|
"9": "Măn khơl adro xung jêêk vlôh karoh e yôôych gưlh muut adôô alưưt ji vơơt rayaalh, dii 'ngưưng hmưưch trôôch vlôô, hruh hrek, 'ngưq laa kaluh thưq karăp oot muut varơuq hruh hrek ji hlơp hliel.",
|
|
"10": "Vii ưk ku tôôy thưq varơuq xơk tauq laa varơuq hmưưch jêêt, đơu taleq dro, vii trôôch tajôh ni, heq biq adôô alưưt vlôh klơlh xuum tuôq ji dơơp ra-ơh ka xăk dii 'ngưưng varơuq jiq jiêh. \n\n\\p",
|
|
"11": "Bơh koot, manih ku Kơy Plêêk lơơy, dayh chuh xangưưi kaluh varơuq nưq, đơu chrơơk tyauq varơuq hyioh jăk, tuôq kuh kuul, xuum tuôq, xuum xung xiaq, xuum grơng, xuum taguu.",
|
|
"12": "Dayh hmot jăk đom varơuq tahmot kaxaay tamaq ku xuum tuôq, dayh jư riit varơuq riilh đơơy đơơy, laa varơuq đơu koot heq jah taayh truh ji heq away vlôh apok xnưk kaxaay adrooyq kangưưr 'ngưưng manih xnưk.",
|
|
"13": "Gô vlôh tanơơn ka koot adrooyq kangưưl Kơy Plêêk, Kơy dơơp ka kaluh proh jah riilh, ji adrooyq kangưưl Lôôk Wơơt Dêh Jê-xu, Kơy đnooy vlôh apok xnưk tamaq kaxaay aduq Bôn-xơ-Phi-lak,",
|
|
"14": "aneq koot phayh tameen jư apok pato daay neq kach leh e hlêêl 'moh, leh e aduq đnooy ik, dong truh hngơy rama vlôh ku Lôôk haay, laa Lôôk Wơơt Dêh Jê-xu,",
|
|
"15": "laa Kơy đơu Kơy Plêêk Thier Yơơt đangq vnê ji vơ muuyq, laa Vuua ku khơl vuua ji Lôôk ku khơl lôôk, hno kahnoq vlôh muut klip kawah,",
|
|
"16": "vơ muuyq dro Kadraq e varơuq leh hlơu kaxêêt, măn đom varơuq tađnah leh hlơu truh jeq ik, ji Kơy be akơyq hmưq 'yo hloq, kungh leh akơyq hno ik 'yo hloq, apôôy varơuq vado ji taay yaak đơơy đơơy rawiit xuq Kadraq. A-meen.\n\\p",
|
|
"17": "Dayh pato dach manih karoh đom đơơy neq te tơơk dalơh, kung te kôô gmưh aduq gruh anôôp leh kajưk, đơu kôô gmưh aduq Kơy Plêêk, Kơy kahniq ka haay tôôy thưq kach rah jôh xôq hlah xok, ",
|
|
"18": "ji pato dach oot dơơp varơuq kaxaay, rah jôh đom varơuq tamaq, e xuum ranưh ranưưy, dayh ahlook ăm, ",
|
|
"19": "tagop xôq ka kadih oot muuyq kahnier tamaq kaxaay ka varơuq jeq truh, xôq oot hno ik jư riit varơuq riilh dik.\n\\p",
|
|
"20": "Ti-mô-thêê lơơy, koot dayh jưư xok varơuq jah pahnăp ka koot, chuh xangưưi toleq apok taboon leh ik xung liq, ji kaluh takaay tayaat đnooy nưq laa hlolh xet.",
|
|
"21": "đơu toleq dro, vii đnooy vlôh đanưq, heq hooy tah vlôh klơlh xuum tuôq. Apôôy vanong kaxaay măn kung khơl oh ay."
|
|
}
|