See in Reader
28 lines
3.8 KiB
JSON
28 lines
3.8 KiB
JSON
{
|
|
"1": "Leh ik kôt apok dii khơl kơy karaq, bơh dayh đnooy panhăk manih nưq đaji vaq, tadăp blaay yôôych đaji oh ay,",
|
|
"2": "khơl mo heq karaq yôôych đaji miq, khơl kadrê tadăp yôôych đaji oh ay, đom varơuq xarêh xaraat saleep.",
|
|
"3": "Dayh vado khơl mo vlơu - khơl mo vlơu dong dik.",
|
|
"4": "Bơh atoh mo vlơu leq e koot long xau, yôôych adrooyq dik koot xau oot phayh hok xôq xet vado khơl hnhư ku oot kadih, ji kahnoq xuum bla vanong hlê ka khơl miq vaq nưq, vii neq laa varơuq jơq adrooyq kangưưr Kơy Plêêk.",
|
|
"5": "Bơh, manih vlơu dong dik ji vơ măn muuyq dro, yôôych takôô gmưh aduq Kơy Plêêk ji kưq kajưk đom varơuq grơng vôôch ji apôôy klôôy hngơy. ",
|
|
"6": "Măn adro arơơk axek varơuq agưt hrơh yôôych heq kaxêêt, ju đong măn riilh.",
|
|
"7": "Kungh dayh đnooy hlê kaluh apok tanơơn neq, xôq oot hno ik leh e aduq leq đangq toah.",
|
|
"8": "Bơh atoh akơyq nưq leh vach xeep ka khơl oh ay, đơu yưk laa khơl hnhư ni, yôôych adro nưq heq chôôyq ka'lăk xuum tuôq ji laa adro va-ih iaq manih leq tuôq.",
|
|
"9": "Muuyq mo vlơu duh phayh jah vlơk anưng yôôych leh axik iaq drơu kưl xanưm, laa kadrê ku muuyq kanau.",
|
|
"10": "jah apok xnưk xing kaluh varơuq kaxaay: mo e vach pato koot xau be, mo e kaq xok tamooi xangưưi be, mo e 'nhaau jôôk khơl tuôq be, mo e wơơt waak adro pơơl dal be, mo e dêq xuum dii tôôy varơuq kaxaay be.",
|
|
"11": "Bơh dayh chôôiq ka'lăk khơl mư vlơu măn blaay, vii tuôôy varơuq hmưưch trôôch xăk xamơk ahluuk tok tachơơl hlê dii Lôôk Wơơt Dêh, yôôych oot ưng xok kanau đnooyq,",
|
|
"12": "nhonq xok varơuq xưh xadrah vii oot heq vih ka'lăk varơuq tavek adrooyq yưk ku oot.",
|
|
"13": "Yôôych nưq, oot kungh hno ragơy katiik alaah, kưq hooy hlê hooy hooy truh hnhư neq hnhư hơơq, đơu leh vơ katiik alaah, bơh măn katiik đnooy 'ngưưng ji trôôch xalieh muut varơuq ku khơl drơy, đnooy kaluh varơuq oot be duh đnooy.",
|
|
"14": "Vii đanưq, gô xung khơl mư vlơu măn blaay dayh pajêêt, pa-iir oh, jư 'yo hnhư oot, xôq leh dơơp e kawah ka khơl tachơơl e apok đnooy xâuq.",
|
|
"15": "Vii toleq dro heq taah vlôh hooy tyauq Sa-taan yôôch.",
|
|
"16": "Atoh khơl kadrê tuôq Lôôk leq e mo vlơu đom hnhư, yôôych dayh waak rơy oot, ji te xôq Tayuup Vah biq pơq parêq, xôq ka Tayuup Vah hno ik waak khơl mo vlơu dong dik. \n\\b",
|
|
"17": "Khơl drah lơơk xet xakaq jư phayh jah 'yo laa đangq vado iaq đnooyq, yưk laa khơl adro pơơl hwơơl đom Apok Lôôk ji varơuq pato daay. ",
|
|
"18": "Vii Rahlap Vah pato: Koot te trôôp huuy ôôq boo đong tuôôy ni joaq vaa, \" ji \" Manih dơơp hngơy taxưnq dii jah jêêt varơuq dơơp ku ni.",
|
|
"19": "Te tameen tyauq apok rôp kadrôp tachơơl hlê muuyq dro khơl drah lơơk, bơh atoh ganưaq axik yưk laa vaar long pee dro dơơp xnưk.",
|
|
"20": "Dayh toah adro lôôp kadrôp adrooyq kangưưr tôôy manih xôq khơl măn hlê hno ik kungh xet yôq.",
|
|
"21": "Gô đnooy pato dach koot adrooyq kangưưl Kơy Plêêk ji Lôôk Wơơt Dêh Jê-xu, kung khơl kơy yaak jah rơơlh, aneq koot phayh jư kaluh apok tanơơn neq đơu leh e xatyauq apok đnooy leq, te dơơp kajoq tyauq xuum biing pii leq.",
|
|
"22": "Te pơl wơơl xôq ti tơl akơyq, kungh te xalieh muut karôp maroh ku khơl drơy. Dayh jư xăk paxarêh.",
|
|
"23": "Koot te vơ hôôch daak hloh, đơu dayh hôôch muuyq axit lok vii kơq vaduk ku koot ji kaluh biinq ragơy tavơh.",
|
|
"24": "Kadrôp ku muuyq sôôq dro yôôych hloq hloay, xagook truh aduq xưh xadrah, bơh kungh e kaluh kadrôp vơ kahnoq vlôh atêq tuôôy xưh xadrah.",
|
|
"25": "Kung đanưq, kungh e kaluh varơuq kaxaay yôôych hloq hloay, măn kaluh varơuq kaxaay leh padoh vlôh yôôych leh hno ik kưq jah kadook duu."
|
|
}
|