cor_2020_cua_clt_1ti_book/1ti/2.json

{
  "1": "Vii anưq, adrooyq dêq, gô ahluk hluul kaluh apok apôôy vôôch, apôôy, apôôy thêêq, kuh kwaay duh jah tơơk tưp tok ka tôôy manih,  ",
  "2": "ka khơl vuua ji dêq hloay khơl akơyq đong măn đom aduq e kwuyen, xôq haay hno ik riilh muuyq đơơy hrok hlool ji langưưp paat dii tôôy varơuq tuôq kuh kuul ji xuum kaxaay.",
  "3": "Nưq laa varơuq kaxaay tamaq ji jơq dik adrooyq kangưưl Kơy Plêêk, Wơơt Lôôk haay,",
  "4": "laa Kơy xung tôôy manih jah wơơt ji hooy truh aduq 'yo xet hyioh jăk.",
  "5": "Vii vơ e muuyq Kơy Plêêk ji muuyq Kơy măn kaplaah katuul Kơy Plêêk ji koot manih - nưq laa Lôôk Wơơt Dêh Jê-xu, muuyq koot manih,",
  "6": "Kơy heq pahnăp kadih Kadraq dơơp jaaq wơơt ka tôôy manih, đaji apok xnưk muut klip kawat,",
  "7": "vii apok xnưk nưq đơu gô heq jah lââp dơơp adro padoh taboon hêêl kaxaay  ji adro jah rơơlh - gô đnooy dik đom Lôôk Wơơt Dêh, gô leh đnooy pa ôh - 'ngưq laa dơơp thơy pato ka kaluh tamooi kadrơy truh xuum tuôq ji hyioh jăk.\n\\p",
  "8": "Vii anưq, gô xung khơl kanơu măn loch aduq phayh apôôy, tơơk ti hlăng xarêh tok leh tawaay tyauq varơuq tôq jaraq ji takaay tayaat,",
  "9": "Kungh đanưq, khơl oh ay kadrê phayh dơơp kaxaay jơq oh ay đom kwuân aau dong saleep dii  xuum xet vado ji jư xăk, leh aalq bơơn varơuq voot hlôôk kung dii vayaang long ngok, long kwuân aau kanaq jêêt,",
  "10": "đơu bơơn varơuq taxưnq dii khơl kadrê đnooy vlôh xuum kuh yôq Kơy Plêêk gmưh kaluh  varơuq kaxaay.",
  "11": "Khơl kadrê phayh hok vôôch đom hnhep,đom varơuq tameen tyauq dêq hloay.",
  "12": "Bơh, gô leh ăm pheep khơl kadrê pato daay long adrơk kwyuên tol khơl kanơu, đơu phayh hnhep.",
  "13": "Vii A-đaam heq jah panưk jêêk adrooyq, yôôych đơơu truh Ê-vaa,",
  "14": "ji A-đaam leh biq adôô lưưt, bơh khơl kadrê, tuôôy dêq hloay biq adôô lưưt, heq hooy truh aduq lôôp kadrôp.",
  "15": "Ju anưq, khơl kadrê hno jah wơơt gmưh varơuq pa-iir oh, atoh đaji oot kưq măn đom xuum tuôq, varơuq xung xiaq ji varơuq hlăng vah, dii xuum biit xarêh xaraat."
}