See in Reader
23 lines
3.6 KiB
JSON
23 lines
3.6 KiB
JSON
{
|
|
"1": "Phao-lôô, khơl jah rơơlh ku Lôôk Wơơt Dêh Jê-xu tyauq apok tanơơn ku Kơy Plêêk, Lôôk Wơơt haay, ji ku Lôôk, laa Lôôk Wơơt Dêh Jê-xu, varơuq kôô gmưh ku haay, ",
|
|
"2": "ataq ka Ti-mô-thêê, koot dik ku gô đom xuum tuôq: Apôôy koot jah vanong kaxaay, varơuq angơuq, hrok hrol xing Kơy Plêêk, laa Vaq ji Lôôk Wơơt Dêh Jê-xu, Lôôk haay.\n\\p",
|
|
"3": "Đaji tuôôy hooy tok ma trôôk truh Ma-xê-đoaan, gô heq ahluk ahluul koot măn hlê aduq Ê-phê-sôô xôq koot hno ik pato dach toleq dro hơơq leh ik pato apok pato kadrơy,",
|
|
"4": "kungh te tabông truh kaluh apok taboon leh e ji kaluh tapaat adrơơk leh xet dêq, laa kaluh thưq tawaay truh varơuq takaay tayaat, iaq laa varơuq xakaq jư hnhư Kơy Plêêk, laa varơuq dơơp đom xuum tuôq.",
|
|
"5": "Bơh muk tiêêu ku apok tanơơn neq laa varơuq xung xiaq truh xing xuum xarêh xaraat ji xuum klaak tamaq kung dii xuum tuôq dong dik,",
|
|
"6": "đơu muuyq sôôq adro, vii leh troq muk tiêêu, heq wiih ka'lăk xôq hươnq truh varơuq tagêh vlôô khưlq,",
|
|
"7": "xung dơơp thơy pato ganuun, tuôôy be hlolh leh vơơ kaluh apok oot đnooy đơu măn truh kaluh varơuq oot tuôq kajưk.",
|
|
"8": "Bơh, haay xet đaneq ganuun laa kaxaay tamaq atoh oot xok dơơp ni tyauq trôôk troq,",
|
|
"9": "vii xet varơuq neq, nưq laa ganuun leh jah dơơp vlôh ka manih hyioh jăk, đơu ka khơl dro leh e ganuun ji leh dơơp tyauq, khơl leh tuôq kuh kuul ji kadrôp maroh, khơl leh e xuum tuôq ji đnooy tơơk dalơh, khơl păk kaxêêt vaq ji păk kaxêêt miq, khơl păk kaxêêt manih,",
|
|
"10": "khơl puq atrap, khơl kanơu trôôch khơl kanơu, khơl rôp tek manih, khơl đnooy pa-ôh, khơl dơơp xnưk laar, ji dêq hloay adro leq tachơơl hlê dii varơuq pato daay dong dik",
|
|
"11": "troq tyauq Hêêl Kaxaay tađnah tađaak ku Kơy Plêêk vanong kaxaay, laa varơuq đơu gô heq jah pahnăp.\n\\p",
|
|
"12": "Gô kuh kwaay Kơy kahniq paraat kalh ka gô, 'ngưq laa Lôôk Wơơt Dêh Jê-xu, Lôôk haay, vii Kadraq heq xadrah gô laa đanq tuôq gmưh, tuôôy xôq gô muut hơu varơuq,",
|
|
"13": "ju adrooyq hơơq gô laa dro đnooy tơơk dalơh, rôp top ji xơơk tauq, bơh gô heq jah angơuq vii đong tuôôy leh hlolh xet, gô heq dơơp đom varơuq be tuôq.",
|
|
"14": "Bơh, vanong kaxaay ku Lôôk haay laa thier viik glaay kung dii xuum tuôq ji xuum xung xiaq đom Lôôk Wơơt Dêh Jê-xu.",
|
|
"15": "Apok neq laa đanq tuôq ji đanq nhonq xok dêq hloay, nưq laa: \"Lôôk Wơơt Dêh Jê-xu heq truh đom dêh araak xôq wơơt manih kadrôp\" - đơu đom nưq gô laa adro dơơp ưk.",
|
|
"16": "Bơh, gô heq jah angơuq vii kơq neq, nưq laa xôq Lôôk Wơơt Dêh Jê-xu hno ik kahnoq vlôh dêq hloay xuum atuq đom gô, adro karôp maroh kôt dêq, đaji muuyq atoh ka khơl adro hno tuôq aduq Kadraq xôq jah varơuq riilh đơơy đơơy.",
|
|
"17": "Apôôy varơuq vado leep ji tađnah tađnaak thuôk xuq Vuua ku tôôy đơơy, laa Kơy Plêêk vơ e muuyq leh hlơu hlơơp, leh hloq ik, dong truh đơơy đơơy miêk miêk. A-men",
|
|
"18": "Ti-mô-thêê, koot gô, gô pahnăp tanơơn neq ka koot, tyauq kaluh apok hlit adrooyq neq truh koot, xôq gmưh kaluh apok nưq, koot hno ik hooy vlôh đom varơuq hmot kaxaay leep,",
|
|
"19": "tuôôy adrơk jư xuum tuôq ji xuum klaak kaxaay, đơu taleq adro, vii chôôiq ka'lăk, heq dơơp karăp xuum tuôq ni,",
|
|
"20": "đom sôôq nưq laa Hy-mê-nêê ji A-lek-xan-đơ, laa khơl adro đơu gô heq pahnăp ka Sa-taan xôq ka baalq hno ik jah pato daay xôq leh huq đnooy tơơk dalơh."
|
|
}
|