Thu Dec 16 2021 15:35:41 GMT+0300 (E. Africa Standard Time)

01/01.txt

@@ -0,0 +1 @@
+\v 1 ዳርዮስ ሰየምሶ ኒ ለጛ አመረዲ ሰዀታ አርባዲትል፡ንሰና ያዅ ቆል ጃሩዅ ነቢ ደካርያስ በራክያዅራ፡ ዒዶዅሪል እንቱዅ፣ \v 2 “ጃር እንታ እክሊ ገሪዅድክ ቀጠብሶ እርጉዅ፣ \v 3 እማ እን ከውሲ ነወይሮ ድዊሎም፣ ጃር ጻብኦቱዅ ንሰና የኵ፡ ‘ይል ወንተራ’ የኵ ጃር ጻብኦትዅ፣‘ኣጝር እንተል ወንተርያ ግን’ የኵ ጃር ጻብኦትዅ፣

01/04.txt

@@ -0,0 +1 @@
+\v 4 እን ጃበር እንታ እክልሰና ኣኽጋ፣ ናት እን ጃበር ነበዋት፡ ጃር ጻብኦቱዅ፡ ‘እንታ ደርብ ምቝለዲ እንታ ግብር በዳንዲትልድ ወንተራ’  የኵኩም እⶖኵዅ ይኖ ድዊኒዅሎም፣ ናው ደአም ዋስነስ ጕሽኑዅ፣ ይትር ሸኑርኒለ የኵ ጃር። \v 5 እንታ እክል አወት ህምበነኵን? ነበዋትኻ ዲማማ ፊዅትድ መንደርትድኖ ኣኽኖ? \v 6 እማ ኣን ይገኝሺን ነበዋትድ አደደውሎ ይቆላትዲ ይኣፍቲሓትዲ እንታ እክሊ ገእይገውመሎም ኣኾ?  \p “ናው ጥዕስትኖ፡ ‘ጃር ጻብኦቱዅ፡ እን ይና ደርብዲ ይና ወራዲርሰና እሲሮና የመማዅሰና፡ ኒሰና እሲዅና’ ይኑዅ።”  \p

01/07.txt

@@ -0,0 +1 @@
+\v 7 ዳርዮስ ሰየምሶ ኒ ሊጘር አመሪል፡ ሸባጥ ይስታዅ ሽካ ላዅ አርቢል፡ ለጘረጝንዲ ሰጃ ኳሪል፡ ንሰና ያዅ ቆል ጃሩዅ ነቢ ደካርያስ በራክያዅሪል እንቱዅ፣ \v 8 ቂር ራእይ ቋልዅን፣እነሓን፡ላ ግርዋ ኒል ይጃብል ጣላ ፈርዲል ጨዓንሳዅ፣ ኒ ይኸ፡ ለጥ ያዅ ኣካንሊ እን ካን ጸጾሩ ነበክል ደውዮ እርጕዅ፣ ኒጕርበትድኻ ኣፍሩስ ጣልዲ መኸትዲ ዋልውዲ እርግኑዅ። \v 9 ኣንኻ፡ “ዎ ይአደራ፣ ነን ውረኒ ግን?” ይዅንሉ።  \p እን ይዲ ጋቡ እርጋዅ መልኣክኻ፡ “ነን ውረኒ ኣከነት ቋልስየካ ግን” ይዅለ። \p

01/10.txt

@@ -0,0 +1 @@
+\v 10 እን ካን ጸጾሩ ነበክል ደውዮ እርጋዅ ግርዋኻ፡ “ነን፡ ጃር ብረስ ጅልውድኖ ዮ እኝሸቐውሎም ግን” ዮ ወንተስዅ። \v 11 ናውኻ፡ እን ካን ጸጾሩ ነበክል ደውዮ እርጋዅ መልኣክ ጃሩዅሲ፡“ብራ ኒልክ ጅልውንዅን፣ እነሓን ብራ ኒውክ ፊኾ ሰላም ህምበኵ” ይኖ ወንተስንዅሉ።

01/12.txt

@@ -0,0 +1 @@
+\v 12 ኒድ ደምቢ፡ እን መልኣክ ጃሩዅ፡ “ዎ ጃር ጻብኦትዅ፣ እና  ለጘትረጝ አመሪል ቀጠብስረውለን፡ዕርዲራ ኢዮሩሳሌምትሪዲ ዕርዲራታት ያሁዱዲት አውን ኣኽራሲክ ግን እንቲ ብሕል የግራኽርለን?” ይዅሉ። \v 13 ጃር ኰዶ፡ እን ይዲ ጋቡ እርጋዅ መልኣክሲ ባህሰውዲ ፈርሕደውዲ ቆላትድ እሰ ወንተስዅሉ። M&B

01/14.txt

@@ -0,0 +1 @@
+\v 14 ኒድ ደምቢ፡ እን ይዲ ጋቡ እርጋዅ መልኣክ ንሰና ይዅለ፣ “ጃር ጻብኦቱዅ ንሰና የኵ እⶖኵዅ ይሮ፡ እና ቆል ኒስ ድሪሲ፣ ‘ጽዮንዲ ኢዮሩሳሌምዲር ሰበትድ ገሪዅ ረቐቦ ህምበኵን፣ \v 15 እን ዳሕና ግን የው ቆምያትድኻ ገሪዅ ሓረቕሮ ህምበኵን፣ ኣን ከለላዅ ሓረቕሮ ዋኑ፡ ናው ደአም እን እርጋዅድ አወይሲ ጂበት ሃቢኒዅ።’    \p

01/16.txt

@@ -0,0 +1 @@
+\v 16 “በጋ፡ ጃር ንሰና የኵ እⶖኵዅ፣ ‘ኢዮሩሳሌምትል ራሕመትዲ ወንተርያ ግን፣ ይልጝን ኰዶ ኒል ሓዲስድ ገበርስሮ ግን፣ገመር ዓቀኒሰናኽር ኢዮሩሳሌምዲ አወይሲ ጠለቕስሮ ግን’ የኵ ጃር ጻብኦትዅ። \p \v 17 “ጃር ጻብኦትዅ ንሰና የኵ እⶖኵዅ ይሮኽር ድሪሲ፣ ‘ይዕርዲራታት ልሳዕ ርድቕድ እንሳኽስድኖ ግን፣ ጃር ኰዶ፡ ጽዮንቲ ሓዲስድ ደፍእድሮላ ግን፡ ኢዮርሳሌምትኽር ሓዲስድ ፍሪርዶላ ግን።’ ” \S1 ሰጃ ጊኽዲ ሰጃ ብልሀቱዲ \p

01/18.txt

@@ -0,0 +1 @@
+\v 18 ኒድ ደምቢ፡ ይገሽ አወት ቋልዅን፣ ይጃብልኻ ሰጃ ጊክክ ቋልዅን፣ \v 19 ኣን ይኸ፡ እን ይዲ ጋቡ እርጋዅ መልኣክሲ፡ “እና ነን ውረኒ ግን?” ዮ ወጝቀርዅንሉ። \p ኒኽር፡ “እና ነን፡ ያሁዳ ብረዲ እስራኤልዲ ኢዮሩሳሌምዲት ፋሕሰው ጊክክ ግን” ይዅለ። \p

01/20.txt

@@ -0,0 +1 @@
+\v 20 ኒደምቢ፡ ጃር ሰጃ ልውር ናኑ ሽውሲ ቋሊስዅለ። \v 21 ኣን ይኸ፡ “ነን ውራ እሲድኖ እንትንዅን?” ይኵን። ኒኻ፡ “እና ጊክክ፡ ላዅ ድኳ ኒኣኰርሲ ክብሰጊን፡ ያሁዳ ብሪል መንደርተውሲ ፋሕ ሰው ግን፣ ነን፡ ጒኢስድኖሎምኽር እን እክ ያሁዳ ብሪል መንደርተውሲ ፋሕሲድኖ ናጊክክ ክብሰው እን ቆምያታ ጊክክሲ ከሪነ ማልድኖኽር ግን ናው እንተው”

02/01.txt

@@ -0,0 +1 @@
+\v 1 ሓዲስ ኰዶ፡ ይገሽ አወት መኸልትዅን፣ እነሓን፡ ይጃብል ግርዋ ገመር ኒድ ዓቀነናዅ ሸኻዅ ቋልዅን፣ \v 2 ኣን ይኸ፡ “አወት ፈርቶ ግን?” ይዅንሉ። ኒኻ፡ “ኢዮሩሳሌም ንር ሺርጝዲ ንር እዳናርዲ ውሪከው ኣኸት ቀየስያ ፈረኵን እⶖኵዅን” ይዅለ።

02/03.txt

@@ -0,0 +1 @@
+\v 3 እን ይዲ ጋቡ ግጃዅ መልኣክ ፈሩዅ፣ አሪዅ መልኣክ ኰዶ ኒዲ አረርስጚሮ እንቱዅ፣ \v 4 ንሰናኻ ይዅሉ፡“ጋጚ፡ እና በጥሕሲ ንሰና ይሉ፣ ‘ኢዮሩሳሌም እን ንር ዓጝቀይል ህምበው ከውዲ ማልዲር ብጅኽልድ ጐዅ፡ ከለብ እጝግግረሪ ዕርዲረሰና ኣኽቶ ግን፣ \v 5 ኣን ይላውድ ንር ላው ሸጝገብል ከለብ ለኺዅ ኣኽየላ ግን፣ንር ነበክልር ንር ክብር ኣኽያ ግን’ የኵ ጃር። \p

02/06.txt

@@ -0,0 +1 @@
+\v 6 “ለዃ! ለዃ! ብሪ ግብለትልድ እግራ” የኵ ጃር፣ “ኣን፡ እን ሰጃ ወላውል ሰሚውሰና ዳሕ ሲዅንኩም” የኵ ጃር። \p \v 7 “ዎ ጽዮን፡ እን ባቢሎንድቝረዲ መንደርትራኽር፣ እግሪ።”

02/08.txt

@@ -0,0 +1 @@
+\v 8 ጃር ጻብኦትዅ ንሰና የኵ እⶖኵዅ፣ “እን ካብር፡ እን እንተት ወረረውሊኩም እኝሻቖለ ደምቢ፡ እን እንተት ተመዳዅ ኒይዕልዅ ስርጒት ተመደኵ፣ \v 9 እነሓን፣ ኣን ይናንሲ ናል ጕድያ ግን፣ ናገኝሺጝር ወረርድኖሎም ግን፣ ኒድ ደምቢ፡ ጃር ጻብኦትዅ እኝሸቐትለ አርእትኖ ግን። \p

02/10.txt

@@ -0,0 +1 @@
+\v 10 “ዎ ጽዮንድቝራ፣ ኣን እንተረኵን እⶖኵዅን፣ ኵነበክልኻ መንደርትያ ግን እማ፣ እልል ዪ፣ ፈርሕኽር” የኵ ጃር። \v 11 “እን ግርጋ እንድሂሲ ገሪው ቆምያት ጃርሊ ጨግዕስትድኖ ግን፣ ይእክኽር ኣኽድኖ ግን። ኣን ኰዶ እንታ ነበክል መንደርትያ ግን፣ ጃር ጻብኦትዅ እኝሻቓትለኽር አርእትኖ ግን።

02/12.txt

@@ -0,0 +1 @@
+\v 12 ጃር እን ብሪ ሻትክሊ፡ ብራ ያሁዱዅሲ ኒርስቲርሰና ሃበ ለውሮሉ ግን፣ ኢዮሩሳሌምትኻ ሓዲስድ ፍሪርዶላ ግን። \v 13 ጃር ኒመስከብ ሻትክልድ ጐ ህምበኵ እማ፣ ስኻ ሰራዅ ኒውክ ኒጃብል ሰቖብን።”

03/01.txt

@@ -0,0 +1 @@
+\v 1 እን ከዳ አዋዅ እያሱት መልኣክ ጃርዅድ ጃብል ደውዮ ዋኑ ቋሊስዅለ፡ ሼጣን ኰዶ ሸከይሮሉ ኒላው ገፍድ ደውዮ እርጕዅ። \v 2 ጃርኻ ሼጣንሲ፡ “እንቲ ሼጣን ጃር ገንሕንኵት፣ እን ኢዮሩሳሌምቲ ፍሪራዅ ጃር ገንሕንኵት፣ ኒን ላኺልድ መንተልሳዅ ገኣ ኣኽጋዅማ?” ይዅሉ። \p \v 3 ኢያሱኻ ሰረን ዓማቕረው ሰሮ እን መልኣክ ጃብል ደውዮ እርጕዅ።

03/04.txt

@@ -0,0 +1 @@
+\v 4 እን መልኣክኻ እን ኒጃብል ደውዮ ርገውሲ፡ “እን ሰረን ዓመቕረውሲ ኒልድ ፍደሎም” ይዅሎም። \p ኢያሱትኻ፡ “እነሓን፣ ኵሓራምሲ ኵልድ ሺርድዅን፣ ሰረን መለምልኽር ሰስዅንካ” ይዅሉ። \v 5 ኣን ይኸ፡ “ኒ ኣዀርሊ ሻሽ ላጭሕ እሰሉ” ይዅን። ናውር፡ ሻሽ ላጭሕ ኒኣዀርሊ እሲኒዅሉ፣ እን መልኣክ ጃርዅር ኒገቢል ደው ዮ እርጕዅ።

03/06.txt

@@ -0,0 +1 @@
+\v 6 እን መልኣክ ጃርዃ ኢያሱት ንሰና  ዮ መዀዅዅሉ፣ \v 7 “ጃር ጻባኦቱዅ ንሰና የኵ፣ ‘ይደርብድ ወንተተርደን፡ ይትእዳዳትሲ ኰዶ ተከውረን፡ይልጝንሲ መንገድቶ ግን፣ እን ይደሪበትልኽር መድ አርቶ ግን፣ እና ነት ደውዮ ህምበውድ ነበክል ኣካን እውየካ ግን። \p

03/08.txt

@@ -0,0 +1 @@
+\v 8 “ ‘እማ ዎ ኢያሱ ከዳ አዋዅ፣ ዋሲ፣ እን ኵጃብል ደውየው ኵጨርኽር፡ እን ንደምቢ እንትሮ ፈረውድ እሻራት ግን፣ እነሓን፡ እን ይገኝጂና ላጝከስ ነቕስየሉ ግን። \v 9 እነሓን፡ እን ኣን ኢያሱር ገሻል ገምዳዅ ክርጛ፣እና ላ ክርጚል ለጘታ ዕልል ህምበኵ፣ ንርትል ይኸ፡ወቀጦ ሰአልያ ግን፣እና ብሪዅ ሓኵርሲ ላኳሪል ሺሽድየሉ ግን’ የኵ ጃር ጻባኦቱዅ። \p

03/10.txt

@@ -0,0 +1 @@
+\v 10 “ ‘እን ግርጋ እንድሂስ፡ እንተልድ ላዅክ እንታ ካን  ወይኒሩዲ በለሱዲ ዓጝቀይል ኒጨረስ ሽጝሮ ግን፣’ ” የኵ ጃር

04/01.txt

@@ -0,0 +1 @@
+\v 1 እን መልኣክ ይዲ ጋቡ ግጃዅ ወንተርዅ እማ፡ ኣዳም ገኝጃዅሲ ጕዳዅሰና ነቕነቖ ጕድዅለ፣ \v 2 “ውራ ቋልዳዅን” ዮኻ ወጝቀርዅለ። \p ኣን ይኸ፡ “እነሓን፡ ደሀብድ ከደምሳዅ ቲዃ ገምዲሰና ኒኣዀርሊ ደድዅ እራኳ ሻዅዲ ለጘታ ቲዃ ለጘታ ቱቦታት ሻውዲት ቋልዅን። \v 3  ኒገቢልኻ ለጛ ካና ወኸቱ ህምበነኵ፡ እን ላሪ እን እራኳ ደድዅድ ላው ገፍድ፡ እን አሪርኻ ኒሸጝገብ ገፍድ፣”  ይዅን። \p

04/04.txt

@@ -0,0 +1 @@
+\v 4 እን ይዲ ጋቡ ግጃዅ መልኣክስኻ፡ “ይአደራ፣ ነን ውረኒ ግን?” ዮ ወጝቀርዅንሉ። \p \v 5 ኒ ይኸ፡ “ውረኒ ኣከነት አርእለማ?” ይዅለ።  \p ኣንኻ፡ “አርእሊ ይአደራ!” ይዅንሉ። \p

04/06.txt

@@ -0,0 +1 @@
+\v 6 እንሲን ኒ ንሰና ይዅለ፣ “እና ኒን ዘሩባበልትል እንታዅ ቆል ጃሩዅ ግን፣ ‘ይመንፈስድ ግራ፡ ሒልዲ ደቕብዲሲ ኣኽላ’ የኵ ጃር ጻባኡቱዅ። \p \v 7 “ዎ ጊራ በሀር፣ እንቲ አውኒ ግን? ዘሩባበልዲ ጃብል ሸካ ኣኽቶ ግን፣እን ክርጛ ስንጥትሪት ፍዶሰና፡ ‘ጃር ገውርኒት! ጃር ገውርኒት!’ ይኖ ጨርሕድኖ ግን።” \p

04/08.txt

@@ -0,0 +1 @@
+\v 8 ንሰና ያዅ ቆል ጃሩዅ ኰዶ ይል እንቱዅ፣ \v 9 “ሰረት እና ልጝን ሻትኵዅ ናንትት ዘሩባቤልዱ ሰረትንዅሉ፣ ኒናንትት ኰዶ ተመምድድኖሉ ግን። እንሲን እንትን ጃር ጻባኦቱዅ እንተል እኝሻቐትለ አርእትኖ ግን። \v 10 “እን ግናቲት ጋራት ግርጉሲ ቃበባዅ አውንኒ? እን ብራ ኒልክሊ ጅልወው ዕልል ጃሩ፡ እን ዘሩባቤልዲ ናንተል ህምባዅ ኳና ቀየሲሰነስ ፈርሓትድ መኸልትድኖሉ ግን።” \p \v 11 ኒድ ደምቢ እን መልኣክሲ፣ “እን ቲዃ ገምዲሰና ላው ሸጝገብሊ ህምበው ካን ወኸቱ ውረኒ ናው?” ይዅንሉ።   \p

04/12.txt

@@ -0,0 +1 @@
+\v 12 ኰዶኽር፡ “እና ለጛ ቱቦራ ደሀቡውድ ገባ ህምበው፡ ለጛ ለጝክክ ደሀቡ፡ ደድ ደሀብ ጅብረው ውረኒ ናው?” ይዅንሉ። \v 13 ኒኻ፡ “ወረኒ ኣከነት አርእለማ?” ይዅለ።  \p ኣንኻ፡ “አርእሊ ይአደራ!” ይዅንሉ።

04/14.txt

@@ -0,0 +1 @@
+\v 14 እንሲን ኒ፡ “እና ለጛ፡ እን ብሪጃር ኒትክዅ አድረስ አገልገልድድኖ ሸመትሶ ህምበው ግን” ይዅለ።

05/01.txt

@@ -0,0 +1 @@
+\v 1 ሓዲስድ ኰዶ መኸልትዅ፣ ኒል ይጃብል እሽብሳዅ ክታብ ዋዋዅ ቋልዅን። \v 2 ኒኻ፡ “ውራ ቋልዳዅን?” ዮ ወጝቀርዅለ። ኣጝር፡ “ኒሺርጝ ለጘረጝን አመት፡ ኒእዳናርኻ ሽካ አመት ኣካዅ እሽብሳዅ ክታብ ዋዋዅ ቋለኵን” ይዅንሉ። \p

05/03.txt

@@ -0,0 +1 @@
+\v 3 ኒ ይኸ፡ ንሰና ይዅለ፣ “እና ኒን ብራ ኒውክሊ ገምሮ ፈራዅ እሸና ግን፣ ስዋዅክ፡ እን ገሽ ላዅሊ ከተብሶ ህምባ ዓደድ ድድሮ ግን፣ እን ብንድ ሸርውኽር፡ እን አሪዅ ገሽሊ ከተብሶ ህምባዅሰና ድድኖ ግን። \v 4 ጃር ጻባኦቱዅ፡ ‘ኣን እሸና ነቕስያ ግን፣ ኒኻ፡ እን ልጝን ስዋኒዅዲ ይስⶖድ ብንድ ሸራዅዱዅዲት ቱሮ ግን፣ ንርትልኻ ኣኽሮ ግን፣ እን ልጝንዲ ካንዲ ክርጝዲትር ድሂስያ ግን የኵ።’ ”

05/05.txt

@@ -0,0 +1 @@
+\v 5 ኒድ ደምቢ፡ እን መልኣክ ይዲ ጋቢ እርጋዅ ይል እንቶ፣ “ኵገሽ አወት መኸልቲ፣ እና እንተራዅ ውረኒ ኣከት ቋሊ” ይዅለ። \p \v 6 ኣን ይኸ፡ “ውረኒ ግን?” ይዅንሉ። ኒኻ፡ “ከየሊሰና ኤፉ ግን” ይዅለ። ኰዶኽር፡ “ኒን እን ከው ብራ ኒልክሊ ህምበውድ ሓራም ግን” ይዅለ። \p \v 7 ኒድ ደምቢ፡ እን ኤለሙነድ ከደምሳዅ እብዳና ብስቱዅ፣ እን ከየሊሰና ኤፉሩዅ ዓኝቀይሊኻ ኢዂና ከፍ ይሮ እርግቲ።   \p

05/08.txt

@@ -0,0 +1 @@
+\v 8 ኒኻ፡ “ኒኒ ቀሓብና ግን” ዮ እን ከየሊሰና ኤፉሩዅሊ ወንተሶ ቱስዅላ፣ እን ከየሊሰና ኤፉሩዅስኽር፡ እን እብዳና ኤለሙኒዅድ ጨቐጦ አበድዅሉ። \p \v 9 ኒደምቢ፡ ይገሽ አወት መኸልትዅን፣ እነሓን፡ ለጛ እኲን ፍኑዅ፣ ናካንፍፍሊኻ ውልዋል እርጕዅ፣ ናካንፍፍኻ ካንፍፍ ራዛሩሲ ተኵ እርጕዅ፣ ናው፡ እን ከየሊሰና ኤፉሩዅሲ ሰመዲ ብረዲር ነበክል ክብሲኒዅሉ። \p

05/10.txt

@@ -0,0 +1 @@
+\v 10 እን ይዲ ጋቡ እርጋዅ መልኣክስኻ፡ “እና ከየሊሰና ኤፉሩዅሲ አዊል አደናዅንሉ እⶖኵንዅን?” ይዅንሉ። \p \v 11 ኒኻ፡ “ልጝን ከደምድኖሉ ባቢሎን አደኖ ፈረነኵሉ እⶖኵኑዅ፣ እን ልጝን ገበርሶሰና፡ ኒል ቱስድኖሉ ግን”

06/01.txt

@@ -0,0 +1 @@
+\v 1 ሓዲስድ ኰዶ ይገሽ አወት መኸልትዅን፣ እነሓን፡ ሰጃ ሰረገላ ለጛ ጊሪ ነበክልድ ፋውሲ ቋልዅን፣ እን ጊትር አስራዲሪው እርግኑዅ። \v 2 እን ሰልፋ ሰረገሊል ጣላ ፈርዳ እርጕዅ፣ እን ሊጘር ሰረገሊልኻ ፈርዳ አረባ እርጕዅ፣ \v 3 እን ሲዀር ሰረገሊልኻ ዋልዋ ፈርዳ እርጕዅ፣ እን ሰጀር ሰረገሊልኻ መኸት አፍሩስ ሒለቱ እርግኑዅ። \v 4 ኣን ይኸ፡ እን ይዲ ጋቡ እርጋዅ መልኣክሲ፡ “ዎ ይአደራ፣ ነን ውረኒ ግን?” ይዅንሉ።  \p

06/05.txt

@@ -0,0 +1 @@
+\v 5 እን መልኣክኻ ንሰና ይዅለ፣ “እና ነን፡ እን ብራ ኒድክዱዅ አደራ ገሸል ደውዮ እርጎ ፈው ሰጃ መንፈስ ሰሚው ግን። \v 6 እን አረባ ፈርዳ ሻዅ ግብለትል ኣኽታሲ፣ እን ዋልዋ ፈርዳ ሻዃ ኳሪ ለብ ኣኽታሲ፣ እን መኽት ኣፍሩስር ደቡብ ብሪል ኣኽታሲ ፍድኖ ግን።”

06/07.txt

@@ -0,0 +1 @@
+\v 7 እን ኣፍሩስ ሒለቱ ፍነሪት፡ ብራ ኒትክ ጅልውድኖ ጥቢጢ ዩኑ እርግኑ። ኒኻ፡ “ኒልክ ብሪል ፈራ!” ይዅሎም፣ ናውር ኒልክ ብሪል ፈርኑዅ። \v 8 እንሲን ኒ፡ ሽⶖዅለ እማ፣ “እነሓን፣ እን ግብለትሊ ኣኽታሲ ፋው፡ እን ብሪል ይመንፈሲ ሀድእድኑዅ።”

06/09.txt

@@ -0,0 +1 @@
+\v 9 ንሰና ያዅ ቆል ጃሩዅ ኰዶ ይል እንቱዅ፣ \v 10 “እን ባቢሎንልድ ወንተረው ሰልብስቲነ እርገው ሔልዳይዲ ጦብያዲ የዳዕያዲትልድ ደሀብዲ ወርከዲ አዳ፣ እን ግርጋ እንድሂሲ ኰዶ፡ ዮስያ ሰፎንያስዅሪ ልጝል ፈራ። \v 11 እን ደሀብዲ ወርከዲት አዲ እማ፡ ናልድ ሻሽ ከደሚ፣ አድሮኻ፡ እን ከዳ አዋኻ ኢያሱ የሆጻዳቕዅራ ኣዀርሊ እሲሉ፣

06/12.txt

@@ -0,0 +1 @@
+\v 12 ኒትኻ ጃር ጻባኦቱዅ ንሰና የኵ እⶖኵዅ ይሮ ድዊሉ፣ ‘እነሓን፣ እን ኒስⶖ ለጝካ ይስታዅ ግርዋ፣ ኒ፡ ኒኣካንልድ ለጝክክ ፍድሮ ግን፣ ልጝን ጃሩዅስኽር ገበርዶ ግን። \v 13 ኒ፡ልጝን ሻትክ ጃሩዅሲ ገበርዶ ግን፣ ክብርኽር ደበልትሮ ግን፣ ኒቂጦሪል ከፍ ዮ ሓከምሮ ግን፣ ኒቂጦሪል ኣኾ ኰዶ ከዳ ኣኽሮ ግን፣ እን ለጘርትካ ነበክልር ተዋፈቕና ዋኒሮ ግን።’

06/14.txt

@@ -0,0 +1 @@
+\v 14 እን ሻሽር፡ ሄሌምያዲ ጦብያዲ የዳዕያዲ ሄን ሰፎንያስዅራዲሲ ልጝን ሻትክ ጃሩዅሊ እልብርሳዅ ኣኽሮ ግን። \v 15 እን ሺራዅል ህምበው እንትድኖ ግን እማ፡ ልጝን ሻትክ ጃሩዅ ገበርሱ እⶖጕሲ ካቢድኖ ግን፣ እንትጝር ጃር ጻባኦቱዅ እጝሻቐትለ አርእትኖ ግን። እንታ አደራ ጃርሲ ኒትክድ አደድስደነንሉ፡ ነን ናውክ ኣኽሮ ግን።”

07/01.txt

@@ -0,0 +1 @@
+\v 1 ዳርዮስ ሰየምሶ ኒሰጀር አመሪል፡እን ኪስለው ይስታዅ ሰሰር አርቢል፡ ሰጀር ኳሪል፡ቆል ጃርዅ ደካርያስሊ እንቱዅ፣ \v 2 እን ከው ቤት-ኤልዱ፡ ሻሬሳርዲ ሬገ-ሜልክዲ እን ናዲ እርገው ከውዲት ጃርሲ ሺዊድኖ እኝሻቕንዅሎም፣ \v 3 ናውኻ፡ ከድ እን ልጝን ጃር ጻባኦቱዅዲ ነበዋትዲት፡ “እን ገሪ አመታትሊ እሰዅሰና፡ ኣⶖኰር አርቢል ሹምጝር ጎሀይጝርማ?” ይኖ ወጝቀርኑዅ።   \p

07/04.txt

@@ -0,0 +1 @@
+\v 4 ኒድ ደምቢ፡ ንሰና ያዅ ቆል ጃር ጻባኦቱዅዱዅ ይል እንቱዅ፣ \v 5 “እን ከው በለዱ ናትክዲ ከድዲት ነወይሎም፣ ‘እን ደኰው ለጘትረጝን አመታትሊ፡ እንትን ሹምድናዅዲ ጎሀይድናዅዲ እምንድክ ይድመኒ? \v 6 እንትን ቍዱኑዅር ጅእዱኑዅር እርግድናዅ እንተሹሺ ኣኽጋዅማ? \v 7 ኢዮሩሳሌምዲ ንር ላው ሸጝገብሊ ህምበው ዕርዲራታትዲ፡ ሰላምዲ ተባብዲሲ መንደርቱኑ፣ ግብለትዲ እን ኳሪ ለብ ገፍድ ህምበው ጊታ ዕቅጭዲትል ከው ሰከኑ እርጋ ወክትሊ፣ ጃር እን ጃበር ነበዋትድ እሰ ጋበዅ ቆል ኒን ኣኽጋዅማ?’ ”   \p

07/08.txt

@@ -0,0 +1 @@
+\v 8 ንሰና ያዅ ቆል ጃሩዅ ኰዶ ሓዲስ ዘካርያስሊ እንቱዅ፣ \v 9 “ጃር ጻባኦቱዅ ንሰና የኵ፣ ‘እምንዱዅ ፍርድ ፈረዳ፣ እንተሹር-እንተሹትልኻ ራሕመንትዲ ሰኸንተንትዲ ኣኻ፣ \v 10 መብልዳነዲ የቲምዲ ሰደተንያዲ ድቡርዲት ዓመጭጋ፣ እንታ ለበከድር እኺርኺርሊ ምቝላ ሓሰብጋ።’ \p

07/11.txt

@@ -0,0 +1 @@
+\v 11 “ናው ደአም ዋስድኖ ጀረቢኒ፣ ናተቢ ዓደድኻ ናየውሲ ይል ጅልውድኑዅ፣ ናእⶖቍቕስኽር ኣበድኑዅ። \v 12 ናለበከስ ሸሺሰና ተብድንዅሉ፣ ጃር ጻባኦቱዅ እን ጃበር ነበዋትድ ኒመንፈስድ እሰ እኝሻቓዅ ቆልሲ ወሪ ፍቲሕሲ ዋስኒ፣ ንድኻ ጃር ጻባኦትዅ ገሪዅ ቀጠብሱዅ። \p

07/13.txt

@@ -0,0 +1 @@
+\v 13 “ ‘ኣን ሹⶖሎም ዋስኒ፣ ኣጝር ሽጘነንለ ዋሰሊ’ የኵ ጃር ጻባኦቱዅ። \v 14 ኣንኻ፡ ናው አርእግነው ቆምያታ ነበክል ውልዋልድ ዳሕ ሲዅንሎም፣ እን ብራኽር ናደምቢ ላዅ ድኳ ኒድ ደኳጋዅዲ ኒድ ወንተረጋዅዲ ኣኽራሲክ በረሱዅ፣ እን ብራ ታሚታዅሲ እና ነወያዅድ ግን ናው በረስድናዅሉ።’ ”

08/01.txt

@@ -0,0 +1 @@
+\v 1 ሓዲስ ኰዶ፡ ንሰና ያዅ ቆል ጃር ጻባኦቱዅ ይል እንቱዅ፣ \v 2 ጃር ጻባኦቱዅ ንሰና የኵ፣ “ጽዮንዲ ሰበትድ ገሪዅ ረቐቦ ህምበኵን፣ ንር ሰበትድር ቀንአትድ ሓውየኵን እⶖኵዅ። \p \v 3 ጃር ንሰና የኵ፣ “ጽዮንትል ወንተርያ ግን፣ ኢዮሩስሌምትልር መንደርትያ ግን፣ ኢዮሩሳሌምኽር እምንዲ ዕርዲራ ይስትቶ ግን፣ እን ጊራ ጃር ጻባኦትሩዅር ሻትክ ጊራ ይስትሮ ግን።” \p

08/04.txt

@@ -0,0 +1 @@
+\v 4 ጃር ጻባኦትዅ ንሰና የኵ እⶖኵዅ፣ “ግርው በህሊልዲ እኲን በህሊልዲ ደርፍፍ ኢዮሩሳሌምዱሊ ከፍ ይድኖ ግን፣ ናላዅክ ኰዶ፡ ቕድንትልድ ጐዅ ምርኵስ ሻኽሮ ግን። \v 5 እን ደርፍፍ ዕርዲረሩኽር፡ ኒል ማዕበው ቍርዲ እጝቃቕዲሲ እንታኽስሮ ግን።” \p

08/06.txt

@@ -0,0 +1 @@
+\v 6 ጃር ጻባኦቱዅ ንሰና የኵ እⶖኵዅ፣ “እን ወክት እንድድ፡ እን ከብተው እክ እስራኤልዱውድ ፈከርዳዅ ኣኾ ቋልስትሮሎም ገረሰኵ፣ ይት ደአም ፈከርድሮለ ገረሰኵማ?” የኵ ጃር ጻባኦቱዅ። \p \v 7 ጃር ጻባኦቱዅ ንሰና የኵ፣ “ይእክሲ፡ እን ብሪክስጘዲ ኳሪ ለብዲር ገፍድ ህምባ በልደልድ ደአንድየሎም ግን። \v 8 ኢዮሩሳሌምሊ መንደርትድኖ ወንተስየሎም ግን፣ ናውኻ ይእክ ኣኽድኖ ግን፣ ኣጝር እምንዲ ጨዳቐትዲሲ ናጃር ኣኽያ ግን።” \p

08/09.txt

@@ -0,0 +1 @@
+\v 9 ጃር ጻባኦቱዅ ንሰና የኵ፣ “እነሓን፡ እና ቆላት ነስ ዋሳ፡ ‘ልጝን ሻትክ ገበርስሮ፡ እንታ ናንትትሲ ሒለቲሳ።’ እን ሰረት ልጝን ሻትክ ጃሩዅ ሰረርሱ እን ኒል እርገው ነበዋት ጋቢነዅ ግን ኒን። \v 10 ንድ ጃብ፡ ኣዳምሲ መህየት፡ እንሱስድኻ እጃር ከፈልሱ እርግላ፣ ኣፋይቲ እርግነው ኣኽነውድኻ፡ ላዅ ድኳ ኒክድመትሲ ሰላምድ ድⶖሮ ገረስላ፣ ኰዶ ላዅክ ኒጎር ዳግ ጓት ሃበ እርግዅን።

08/11.txt

@@ -0,0 +1 @@
+\v 11 ናን መላኪን፡ እን እማና እሰዅሰና እና ከብተ ህምበው ይእክሊ ኒሰና እሰሊ” የኵ ጃር ጻባኦቱዅ። \p \v 12 “ናፈደንሲ ሰላምድ ፈዲድኖ ግን፣ እን ካን ወይኒሩኽር ፍራ ኡሮ ግን፣ እን ብራኽር ንር ፍረስ ኡቶ ግን፣ ሰማኻ ስዋ እሲሮ ግን፣ እና ነስ ናትክ እን ከብተ ህምበው ከውድ ርስቲርሰና ሃበ እውየሎም ግን።

08/13.txt

@@ -0,0 +1 @@
+\v 13 እንትን ያሁድዲ ኢስራኤልዱዲ! እን ቆምያታ ነበክል እሸና ኣኽድኖ፡ ርእያ ኣኽድኖ እርግድናዅሰና፣ ኒሰና ደአንድየኩም ግን፣ እንትንኽር በርከት ኣኽትኖ ግን። ጒኢትጋ፣ እንታ ናንትትስኽር ተብዳ።” \p \v 14 ጃር ጻባኦቱዅ ንሰና የኵ፣ “እንታ እክል ሓረቕድነሰነለ፡ ሰኸንትጊ፡ ናአወይሲ ጨዓት ገምድያ የመማዅሰና፣”  የኵ ጃር ጻባኦቱዅ፣ \v 15 “ናን ደአም፡ ኢዮሩሳሌምዲ ይሁዳ ብረዲሲ ትክያዅ እስያ የመሞ ህምበኵን፣ ጒኢትጋ።

08/16.txt

@@ -0,0 +1 @@
+\v 16 እን እንትን እሲትኖ ኣስተሀላዅኩም ጋር ኒን ግን፣ እንተሹር-እንተሹ እምን ጋባ፣ እንታ ኣፍያተልኽር ራትዕዲ እምንዅዲ ፍርድ ፈረዳ፣ \v 17 እኺርኺርሊ ምቝላ ሓሰብጋ፣ ብንድር ሸርነስ እጝከልጋ፣ ነስ ናትክ ፈንፈንተኵንሎም” የኵ ጃር። \p

08/18.txt

@@ -0,0 +1 @@
+\v 18 ሓዲስ ኰዶ፡ ንሰና ያዅ ቆል ጃር ጻባኦቱዅ ይል እንቱዅ፣ \v 19 “እን ሹም ሰጀር አርቢዅዲ ኣⶖኰር አርቢዅዲ ለጘተር አርቢዅዲ ሽከር አርቢዅዲ፡ እን ከው ያሁዱውድ ፈርሕዳዅዲ ባህሳዅዲ ራይሓትዅዲ በዓል ኣኽሮሎም ግን፣በጋ፡ እምንዲ ኪሰሪዲት እጝከላ።” \p

08/20.txt

@@ -0,0 +1 @@
+\v 20 ጃር ጻባኦቱዅ ነዋ የኵ፣ “ቆምያትዲ ገሪ ዕርዲራታተል መንደርተው ከውዲ ልሳዕ እንትድኖ ግን፣ \v 21 እን ዕርዲራ ሓዲሲትል መንደርተው፡ እን ዕርዲራ አሪሪትል፣ ‘ላዃ አሸሻዅድ ፈርንን፡ ጃርሊ ሺዊኖ፡ ጃር ጻባኦቱዅሲ ጀረቢኖ፣ ኣይ ይላውድ ፈረኵን እⶖኵዅን’ ዩኑ ፈርድኖ ግን። \v 22 ከው ገሪውዲ እክ ሒለቱዲ ጃርሲ ጀረቢድኖኽር ኒል ሺዊድኖኽር ኢዮሩሳሌምሊ እንትድኖ ግን።”

08/23.txt

@@ -0,0 +1 @@
+\v 23 ጃር ጻባኦቱዅ ንሰና የኵ እⶖኵዅ፣ “እን ግርጋት እንደል፡ አይዪ ጋብዲ ብረዲትልድ ኣኸው ሽካ ኣዳም፡ ላ ያሁዲዅ ሰረና ቍጭንሲ ሻኽድኖ ግን እማ፣‘ጃር እንተዲ ዋነት ዋስኖ ህምብነኵን፡ ላት ፈርንን’ ይድኖሉ ግን።”

09/01.txt

@@ -0,0 +1 @@
+\v 1 ቆል ጃሩዅ እን ብራ ሓድራክሩዅድ ዓዶ እንቱዅ፣ ደማስቆር አወይስኽር ገምሮ ግን፣ እን ዕልል ከው ናትከውዲ ነገድ እስራኤልዱውዲኽር ጃርሊ መኸልተኵ። \v 2 እን ሸልል ሃማትሩዲ፡ ልውሩ ኣከነጝር ጢሮስዲ ሲዶናዲር አወይሲ ገምሮ ግን።

09/03.txt

@@ -0,0 +1 @@
+\v 3 ጢሮስ ንርሹሺ መሐገይ ሒለቱዅ ገበርቲ፣ ወርከስ ብቲሰና፡ ደሀብስኻ ዕሳስ ደርቡዅሰና እክብቲ። \v 4 አደራ ደአም፡ ንር ርድቕሲ ንርትልድ አድሮ ግን፣ እን በሓርሊ ህምባዅላ ሒልስኽር ድሂስሮ ግን፣ ለኸድኽር ሓውይቶ ግን።

09/05.txt

@@ -0,0 +1 @@
+\v 5 ኣስቃሎን ኒስ ቋልዶ ጒኢቶ ግን፣ ጋዛኻ ጅርበት ብቶ ግን፣ ዔቅሮንኽር ኒሰና ጀረብቶ ግን፡ ንር ሳዳኽር ግምሽ ኣኽሮ ግን። ጋዛ ንር ሲምሲ ብቶ ግን፣ ኣስቃሎንኻ ድመን ኣኽቶ ግን። \v 6 ከው ናት-ናቱሩ ጅንስ ኣኸው ኣሽዶድቲ ሻኽድኖላ ግን፣ ኣጛ፡ ፍልስጥኤምዲ ከበርስነስ ድሂስያ ግን። \v 7 እን ብርሲ ናአብልድ አድያ ግን፡ እን ገበብሳዅ ነብረስኻ ናእንኵክልድ ፍድያ ግን። እን ከብተውኻ ይና ጃሩ ኣኽድኖ ግን፣ ያሁዳ ብሪልኽር መርሓት ኣኽድኖ ግን፣ ኣቃሮንኻ ይቡስዱውሰና ኣኽቶ ግን።

09/08.txt

@@ -0,0 +1 @@
+\v 8 ኣንኻ እን ይልጝን ላው ሸጝገብሊ ሰከንያ ግን እማ፡ እን ወረረንቲ ሒለቱልድ ተከውየላ ግን፣ ናንዲ ደምቢ ዓመጨንታ ይእክሊ እንትሮ ኣኽላ፣ ውረድ፡ ኣን ተውሀትድ ተከዋክርሎም ኣኽነዲን።

09/09.txt

@@ -0,0 +1 @@
+\v 9 እንቲ ጽዮንድቝራ! ገሪዅ ፈርሒ፣ እንቲ ኢዮሩሳሌምድቝራ! እልል ዪ፣ እነሓን፡ ኵሲም ጫድቕዲ ደአንዱረዲ በኪትዲ ድዃራ ገነብሊ ጨዓንሶ እንተራዅኪ እⶖኵዅ። \v 10 ኣንኻ፡ ኤፍሬምትልድ ሰረጌላታትሲ፡ ኢዮሩሳሌምትልድኻ ኣፍሩስሲ፡ ድሂስያ ግን፣ እን ኒድ ሓረባናዅ እኝሽኽር ከርቲሮ ግን። ኒ፡ቆምያትድ ሰላም ድሪስሮ ግን፣ ኒሕክምኻ በሓርልድ በሓርሊ ኣኽታሲክ፡ እን ወረቢልድኻ ብሪ ግንድል ኣኽታሲክ ኣኽሮ ግን።

09/11.txt

@@ -0,0 +1 @@
+\v 11 ኵድኻ፡ እን ኣን ኵዲ ትዋዅ መእኰት ብሩዅ ሰበትድ፡ እን ዓቝ እጝጋዅ ጎቝል ህምበው እን እኝሸውሰው ኵስ ፍድየሎም ግን። \v 12 እንትን ሳደድ መንደርትደናኽር ንሽዊል ህምብደናኽር፣ እንታ መሐገይሊ ወንተራ፣ ለጛ እሽባ እሰ ወንተስየልኩም ኣከት፡ ናን ድኳ ድወኵንኩም እⶖኵዅን። \v 13 እን ብራ ያሁዱዅሲ እን ይቀስቲርሰና ሰደድየሉ ግን፡ እን ከው ኤፍሬምሩውድር እንታኽየሉ ግን፣ ዎ ጽዮን፡ ኵእቝርሲ ጕድያ ግን፣ ኵእቝርዲ አወይሲ ጕድየሎም ግን፡ ዎ ግሪክ፣ ንርቲ ሰፍ ሓርቡዅሰና እስየላ ግን። \p

09/14.txt

@@ -0,0 +1 @@
+\v 14 ጃር ናአወይሲ ወድሕስትሮ ግን፣ እን ኒእኝሽኻ ምርክሰና ተልዋሕርዶ ግን። አደራ ጃርኽር መለከትሲ ጣዕምብሮ ግን፣ እን ውልዋል ግብለቱዅል ዓኝቀይል ኣኾኻ ፈርዶ ግን። \v 15 ጃር ጻባኦቱዅ ክልውሮሎም ግን፣ ናኣፋይትኻ ድድኖ ግን፣ ክርጝ ወጝሺቢውድር ለተቕስድኖ ግን። ጅእድኖ ግን፡ እን ወይኒ ጀኦ ሸከራዅሰና ጨርሕድኖ ግን፣ ዋንጫ እን ሳደቒሰና ቍጪንሊ ነጨግስሮ እንሳኽሳዅሰና፡ ናውር ኒሰና እንሳኽስኖ ህምበነኵ።

09/16.txt

@@ -0,0 +1 @@
+\v 16 እን ግርጋ እንድሂሲ ጃር እን እክ ኒውሲ፡ እን ማል ኒውሰና ሃበ ደአንድሮሎም ግን። እን ሸሺሊ ህምበው ከብሰና፡ እን ብሪል ተልዋሕዋሕ ይድኖ ግን። \v 17 አወይው መለምልዲ ረቐብደውዲ ኣኽድኖ ግን! እን አር ኣባጥሕሲ፡ እን ወይኒ ሓዳይስኻ እን መለምል እጝቃቓሲ፡ መለምል እሲሮሎም ግን።

10/01.txt

@@ -0,0 +1 @@
+\v 1 ትጟን ጃርሊ ሺዋ ስዋ እሲሮልኩም፣ እን ደሃፋት በሓሩሲ ብኳኒል ለወታዅ አደራ። ኒ፡ እን ከው ናድክድ ስዋ እሲሮ ግን፡ ኣይዪ ካና ብሪል በኮሎ ህምባዅልኽር ስዋ እሲሮ ግን። \v 2 እን ጣቖት ብን ጋበነኵ፣ እን ሰርደትር ብኑዅ ራእይ ቋለነኵ፣ ነበኺ ብኑዅስኽር ደገመነኵ፣ ግምሽር ደፍእደነኵ። ንድኻ፡ እን ከው በግሰና ቀባሕባሕ ይኑዅ፡ ምቓቓ እጝገው ኣኽንነዲንኻ ሽብውዅሎም። \p

10/03.txt

@@ -0,0 +1 @@
+\v 3 “ይሕርቕርቖት እን ምቓቓ ኣዀርሊ ሓውይዅ፣ ናመርሓትስኽር ቀጽዕየሎም ግን። ጃር ጻባኦቱዅ፡ እን ኒእጝጊ ኣኸው ያሁድሲ ተከውሮሎም ግን፣ እኝሽኽ ወክትልኽር ፈርዳ ኒክብሩዅሰና እሲሮሎም ግን።

10/04.txt

@@ -0,0 +1 @@
+\v 4 ያሁዳ ብሪልድ፡ ክርጛ ስምጡዅዲ ኣብሉሪዅ ተንደትዲ ኒድ እኝሽኽረናዅ እኝሽኽዲ ፍሮ ግን፣ ኣኻ ሐክማይኽር ኒልድ ፍሮ ግን። \v 5 እኝሽኽሊ፡ ናኣባይሲ ድርብል ኣምባ ጭቂሰና ዳድድጘነው ፋርሳንሰና ኣኽድኖ ግን፣ ጃር ናዲ ኣኽነዲ፡ ተሓረብድኖ ግን፣ እን ኣፍሩስሊ ጨዓንስኖ እኝሽኽረውር ስማርድኖ ግን። \p

10/06.txt

@@ -0,0 +1 @@
+\v 6 “ኣንኻ፡ እን ጅንስ ያሁደሩሲ ሒለቲስየሎም ግን፣ ጅንስ ዮሴፍሩስኻ ደአንድየሎም ግን። ሰኸንትነዲንሎም፡ ናብሪል ወንተስየሎም ግን፣ ናውር ከው ኣን ባርጋኽርሰነሎም ኣኽድኖ ግን፣ ኣን ናጃር ኣኽነዲን፡ ናጠሎትስኽር ዋስያ ግን። \v 7 ኤፍሬምዱ እን ከው ሒለቱውሰና ኣኽድኖ ግን፣ ናለበካኽር እን ወይኒ ጀኣዅሰና ፈርሕሮ ግን። ናእቝርኻ ቋልድኖሉ ግን፣ ፈርሕድኖኽር ግን፣ ናለፈክር ጃርድ ፈርሕሮ ግን።

10/08.txt

@@ -0,0 +1 @@
+\v 8 ፊቝሮ ሽጝየሎም ግን፣ ላትር እክብየሎም ግን። እምንድክ ደአንድየሎም ግን እማ፣ እን እማኒሰና በጀኽድኖ ግን። \v 9 እን ከዋ ነበክል ዳሕሰንሎም ድኳ፡ ብራ ሺራዅሊ ኣኽኖ እልብድድኖለ ግን፣ ናዲ ናእቝርዲ ፊዅትድ ከብቲድኖ ግን፡ ወንተርድኖኽር ግን። \v 10 ምስርዲ ብሪልድ ወንተስየሎም ግን፣ ኣሶርትልድኻ እክብየሎም ግን፣ በለድ ጊልዓድሩዅ ሊባኖስሩዅዲት ነቕስየሎ ግን፣ ናድ ኣቕታዅ ኣካንኽር አርስሮ ኣኽላ።

10/11.txt

@@ -0,0 +1 @@
+\v 11 ጅርበት በሓሩዅድ ዓጝቀይድ ደኵድኖ ግን፣ ኣንኻ፡ ደሃፋት በሓሩሲ ገንሕያ ግን፣ እን ቆር ወረባ ኒልድዅዱዅር ሻምሮ ግን። ኣሶር አዊ ይኮት ኒይና ግምሽ ኣኽሮ ግን፣ ሒል ምስርዱዅር ድⶖስትሮ ግን። \v 12 ጃርድ ሒለቲስየሎም ግን፡ ኒስⶖድር ወንተተርድኖ ግን፣” የኵ ጃር።

11/01.txt

@@ -0,0 +1 @@
+\v 1 ዎ ሊባኖስ፣ ኵካን ለኸድ ሓውይሮ፡ ኵመርትትሲ ብዲ! \v 2 ዎ ካን ጽሕዲሩ፣ እን ካን ሊባኖስሩ ለቡዅ እማ፡ ስራ! እን ካን ካብራንኽር በረሱዅ፣ እንትን ኣውሐ ባሳንዱ፣ እን ካን ገሪው ሻዅ ውጅዋ ሓውዩዅ እማ፣ ስራ! \v 3 ናማል ድⶖስትረውድ፡ እን ምቓቓ መውዒታትሲ ዋሳ፣ ህድርና ገመንዅስኽር ዋሳ፡ እን ካን ገሪው ሻዅ ውጅዋ በረሳዅ ኣኸውድ።

11/04.txt

@@ -0,0 +1 @@
+\v 4 ይአደራ ጃር ንሰና የኵ፣ “እን በረኽስቶ መታን ፍሪርስረሪ በግሲ ምቓቕሪ፣ \v 5 እን ጅቢነውለን በረኽድኖለን ግን፣ እና ሃቢነዅድኻ ቀጽዕስትድኖ ኣኽኒ፣ እን ክድነውለንኻ፡ ‘ሓምዳ ጃርድ ኣኽኒ፣ ርድቝ ኣኽንዅን’ ይድኖ ግን፣ እን ናምቓቕ ድኳ ረሓምድኖለን ኣኽኒ። \v 6 ናንዲ ደምቢ እን ብሪል መንደርተውሲ ሰኸንተሊሎም” የኵ ጃር፣ “ላዅስክ ኒጨረዲ ሲምዲሲ ደኵሶ እውየሉ ግን፣ ናው እን ብረስ ከረብድድኖሉ ግን፣ ኣጝር ናናንተልድ ደአንድየሎም ኣኽሊ።”  \p

11/07.txt

@@ -0,0 +1 @@
+\v 7 እንሲን ኣን፡ እን በረኽስቶ ፍሪርስሮ ህምብረሪ በግሲ፡ ኒትከስጝ እን ዓመጭሰውሲ ምቓቕርያ ግን። ለጛ ግምቢ ኣዶኻ፡ እን ላሪት “ገድ” እን ሊጘሪትኻ “ላናር” ዮ ሽጝዅንለን፣ እን በግስኽር ምቓቕሪዅነን። \v 8 ላ አርቢል ሰዃ ምቓቕሲ ዳገንዅን። እን በግ እንጠርንዅለ፣ ኣጝር መሸግዅን ምነን፣ \v 9 ኣንኻ፡ “ምቓቓረሊኩም፣ ክረዋ ክሪኒን፣ ድደዋ ድዲኒን፣ እን ከብተዋ እኺርኺራ ስኸን ቊኒን” ይዅን።

11/10.txt

@@ -0,0 +1 @@
+\v 10 ኒድ ደምቢ፡ ናውክ ቆምያትዲ ትዋዅ መእኰትሲ ህያ፡ “ገድ” ዮ ሽጞላ እርገሪ ይግምብት አዶ ከርየላ ግን። \v 11 እን ግርጋ እንድሂሲ እን መእኰት ፋሕዩዅ፣ እን መኸልቱ እርገ ዓመጭሰው በግር ቆል ጃሩዅ ኣከት ኣለለይኑዅ።  \p \v 12 ኣንኻ፡ “ትክያዅ ኣኾ ቋልስታዅኩም ኣከን፡ ይአረኸስ እወለ፣ ኣከላ ይደነንኻ ባረሉ” ይዅንሎም፣ ናውኻ ሰዀረጝን ቅርሽ ወርኪው ኡንዅለ።

11/13.txt

@@ -0,0 +1 @@
+\v 13 ጃርኻ እን ናው ከፈልድኖለ የመምናዅ ካብር ኣረኸስ፡ “እን ልጝን ሻትኵ እራኵ ገማዅሊ ገምዲሉ” ይዅለ፣ ኣንኻ እን ሰዀረጝን ቅርሽ ወርኪውሲ አዶ፡ እን ልጝን ጃርዅሊ ህምባዅ፡ እን ልጝን ሻትኵ እራኵ ኒል ገማዅሊ ገምድዅንሎም። \v 14 ኒድ ደምቢ፡ እን ሻናር እስራኤልዱዅዲ ያሁድዅዲት ፋሕስያ፡ “ላናር” ዮ ሽጞላ እርገሪ ይግምቢ ሊጘሪት ከሪዅንላ።

11/15.txt

@@ -0,0 +1 @@
+\v 15 ጃርኻ፡ “ሓዲስድ እን እራኵ ዓወድ ምቓቒውዱሲ አዲ እማ፣ \v 16 እነሓን፡ እን ብሪል ምቓቓ ጕድያ ግን፣ ኒ፡ እን ድድረሪትል ሓሰርስጋዅ፣ እን ፋሕ የውስኻ እክበጋዅ፣ እን ከርትረሪትኻ ጀነነጋዅ፣ እን ሽርውስኻ ቊሰጋዅ ኣኽሮ ግን፣ ደአም፡ ስኻ ሳዀስ ቍሮ ግን፣ እን ጭፍር ማላዅሲኻ ከንተልዶ ግን። \p

11/17.txt

@@ -0,0 +1 @@
+\v 17 “እን ኒማልሲ ምቓቕረጋዅ ነፍዓጋዅ ምቓቓ መላሉ! ኒሰፍ፡ ግርብ ኒናንድዅዲ ኒላው ዕልዲር አወይሲ ኣኽኒ፣ ኒናኒ ትክስረ ኢድርንሪ፣ ኒላው ዕልኽር

12/01.txt

@@ -0,0 +1 @@
+\v 1 እስራኤልዲ ሰበትድ ድውስተዅ ቆል ጃሩዅ ኒን ግን፣ ሰመስ ጠለቓዅ፡ ብረስኻ ሰረታዅ፡ መንፈስ ኣዳምርዅስኽር ንርትል እሰዅ ጃር ንሰና የኵ፣ \v 2 “ኢዮሩሳሌምቲ እን ንር ላው ሸጝገብል ህምበው ከውድ፡ ዋኝጫ ሰንደልደልሳዅ  እስየላ ግን፣ ያሁዳ ብራኽር ኢዮሩሳሌምሰና ክልውስሮ ግን። \v 3 እን ከው ብሪው ናውክ ንር ዓዶ ጓናካክ፡ ኢዮሩሳሌምቲ ወልቀግረሪ ሸሻ እስየላ ግን፣ እን ንርቲ ውልቅድሮ ወጠናዅክኻ ጐስትሮ ግን።

12/04.txt

@@ -0,0 +1 @@
+\v 4 እን ግርጋ እንድሂሲ፡ ኣፍሩስ ናትክሲ በኸኸድ፡ እን ናል ጨዓንሰውስኻ ግኒሲ ለደድየሎም ግን” የኵ ጃር።  \p “እን እክ ያሁዱሲ ይዕልልሲ ቋሕሰ ተከውየሎምግን፣ እን ኣፍሩስ ቆምያቱሲኻ ዓረብድየሎም ግን። \v 5 እን እክ ያሁዱሲ መርሓው ናለበከድ፡ ‘ከው ኢዮሩሳሌምሩ ሒለቱ ግን፣ ናአደራኻ ጃር ጻባኦቱዅ ግን’ ይድኖ ግን። \p

12/06.txt

@@ -0,0 +1 @@
+\v 6 “እን ግርጋ እንድሂሲ፡ እክ ያሁዱሲ መርሓውሲ፡ እን ካን ኰመርሰውድ ዓጝቀይል ህምባዅ እቶንዲ እሰር ዓጝቀይል ህምባዅ ቲዃዲርሰና እስየሎም ግን፣ እን ንር ላው ሸጝገብል ህምበው ከውስኽር መዅሲድኖሎም ግን፣ ኢዮሩሳሌም ደአም፡ ንር ኣካንልድ ውልቅቶ ኣኽላ። \p

12/07.txt

@@ -0,0 +1 @@
+\v 7 “ክብር ልጝን ዳዊትሩዅዲ እን ኢዮሩሳሌምሊ መንደርተውዱዅዲ፡ እን ያሁዳ ብሪል መንደርተውድ ክብልድ ኵⶖጊን፡ ጃር ሰልፍ እን መሳክብ ያሁዱሲ ደአንድሮሎም ግን። \v 8 እን ግርጋ እንድሂሲ፡ ኢዮሩሳሌምሊ መንደርተውሲ ጃር ናመሐገይ ኣኽሮ ግን፣ እን ናልድ ሓዋን ኣኻዅ ዳዊትርሰና ኣኽሮ ግን፣ ልጝን ዳዊትሩዃ ጃርሰና፡ እን ናጃብ-ጃብል ፈራዅ መልኣክ ጃርዅሰና  ኣኽሮ ግን። \v 9 እን ግርጋ እንድሂሲ፡ ኢዮሩሳሌምቲ እን ንርትል ናናሲ ጕደውድ ዳግል ጕድየላ ግን። \p

12/10.txt

@@ -0,0 +1 @@
+\v 10 “ልጝን ዳዊትሩዅዲ እን ኢዮሩሳሌምሊ መንደርተውዲር ዳግል፡ መንፈስ ገድዅዲ ምህለሊዅዲ ገምድያ ግን፣ ናውኻ ይል መርኪስድኖ ግን፡ እን ናው ሰብናዅሲ፣ እን ላ ውላድድ ስረነውሰና ስሪድኖሉ ግን፡ እን በኽርድ ገሪዅ ተኦይ የነውሰና ገሪዅ ተኦይ ይድኖ ግን።” \v 11 እን ግርጋ እንድሂሲ፡ መጊዶንዲ ሸኪል ሃዳድ-ሪሞንሲ ስርስቴዅሰና፡ ኢዮሩሳሌምስኽር ኒሰና ገሪዅ ስርስቲሮ ግን።

12/12.txt

@@ -0,0 +1 @@
+\v 12 እን ብሪል ህምበው ጪዋ ናት-ናቱ ኣኽኖ ስሪድኖ ግን፦ ነገድ ዳዊትሩዲ ናእኲንዲ፡ ነገድ ናታንሩዲ ናእኲንዲ፡ \v 13 ነገድ ሌዊሩዲ ናእኲንዲ፡ ነገድ ሽምዒሩዲ ናእኲንዲ፡ \v 14 እን ከብተው ነገድኽር ናእኲንዲ።

13/01.txt

@@ -0,0 +1 @@
+\v 1 “እን ግርጋ እንድድ፡ ልጝን ዳዊትሩኽዲ እን ኢዮሩሳሌምሊ መንድርተውዲት ናሓራምዲ ሓኵርዲትልድ ነገይዳዅ ዓቛዅ ዕል ብስትሮ ግን። \p \v 2 “እን ግርጋ እንድሂሲ፡ ስⶖጝ ጣቖቱሲ እን ብሪልድ ድሂስያ ግን፣ ናንዲ ደምቢ፡ እልብርስድኖ ኣኽኒ” የኵ ጃር ጻባኦቱዅ። \p “ነበዋትዲ መንፈስ ምቝለዲት እን ብሪልድ ያዕየሎም ግን።

13/03.txt

@@ -0,0 +1 @@
+\v 3 ኣኻ ኣዳም ነበይሰን፡ ኒእኽርዲ ኒገነዲ፡ ‘ስⶖ ጃሩዅድ ብን ጋብረኽር ኣኽርነዲን፡ ክራ አስተሀለኵካ’ ይድኖሉ ግን። ኒዋልደን፡ ኒእኽርዲ ኒገነዲ፡ ነበይሱ እⶖጕሲክ ሰብድኖሉ ግን።

13/04.txt

@@ -0,0 +1 @@
+\v 4 “እን ግርጋ እንድሂሲ፡ ኣይዪ ነቢ እን ኒ ነበይሳዅ ራእይ ትንቢቱዅ ስማርዶ ግን፣ ምሊሮ ዮኽር፡ ሸጎራ ዒዶራ ነበዋቱዅሲ ሰርዶ ኣኽላ። \v 5 ኒ፡ ‘ኣን አረሳ ግን ግራ፡ ነቢ ኣኽሊ፣ ይሽጕልድ ንድ ግን ኣን ለገዳዅ’ ይሮ ግን። \v 6 ላ ኣዳም፡ ‘እና ኵገሮብሊ ህምባዅ ለኸን ውሪዱዅኒ?’ ዮ ወጝቀረንሉ፣ ‘ልጝን ይማሳዅል ዋኑ ጎስታዅ ግን’ ዮ ወንተስሮሉ ግን።

13/07.txt

@@ -0,0 +1 @@
+\v 7 ጃር ጻባኦቱዅ ንሰና የኵ እⶖኵዅ፣ “ዎ ሴፍ፣ እን ይምቓቓ፡ እን ይማዳ ይሽጝክሪዅድ ዓዶ ጒ! እን ምቓቐስ ጣዓንቢሉ፣ እን በገኽር ፋሕ ይቶ ግን፣ ኣንኽር ይናንሲ እን ግናቲትሊ ወንተስያ ግን።

13/08.txt

@@ -0,0 +1 @@
+\v 8 ጃር ንሰና የኵ፣ “ሲዀር አብ ኒውክ ብሪዅልድ እን ሊጘር አብ ድድሮ ግን፣ እን ላ አብ ካያ ከብቲሮ ግን፣ \v 9 እን ሰዅንል ላ አብሲኻ ለኺል ቱስየሉ ግን እማ፣ ወርከሰና ጨረይድየሉ ግን፣ ደሀብሰናኻ ወጠንየሉ ግን። ናው ይስⶖሲ ሽጝድኖ ግን፣ ኣንጛ ዋስየሎም ግን። ኣን ይኸ፡ ‘ይእክ ግን’ ይያ ግን፣ናውር፡ ‘ይና አደራ ጃር ግን’ ይድኖ ግን።”

14/01.txt

@@ -0,0 +1 @@
+\v 1 እነሓን፡ እን ግርጋ ጃርትሪ እንተረቲ እⶖኵቲ፣ እን ኵልድ ወረርሰውዅር ኵነበክል በንሲሮ ግን። \v 2 ኣንኻ ናውክ ቆምያትሲ ኢዮሩሳሌምቲ ሽኝክሪትድኖላ እክብየሎም ግን፣ እን ዕርዲራ ሸኽስትቶ ግን፣ ልጝንትትር ወረርስሮ ግን፣ እኲጝር ዓመጭስድኖ ግን፣ ገፍ እን ዕርዲሪዅር ሰልብስቲሮ ግን፣ እን ከብተው ከውኻ እን ዕርዲረትልድ ኒዀርስክ አስትድኖ ኣኽኒ።

14/03.txt

@@ -0,0 +1 @@
+\v 3 እንሲን ጃር ፍሮ ግን እማ፡ እን ግርግ ሓርቡዅሰና፡ ቆምያትሲ ተሓረብሮሎም ግን። \v 4 እን ግርጋ እንድድ፡ ኒልኩኵ እን ኢዮሩሳሌምልድ ብሪ-ክስጛ ገፍድ  ህምባዅ ጊራ ወኸቱዅድ አወይሲ ደውትሮ ግን፣ እን ጊራ ወኸቱዅር ብሪ-ክስገዲ ኳሪ-ለብዲትል ለጘትል በንሲሮ ግን፣ እን ላ በና ብሪ-ክስጛ ገፍድ፡ እን ላ በና ኳሪ-ለብ ገፍድ ኣኽሮ ግን፣ ኒነበክልኻ በሀር ኮት ዓጝቀር ኣኽሮ ግን።

14/05.txt

@@ -0,0 +1 @@
+\v 5 እን ዓጝቀር ጊሪዅር ኣጸል ኣኽታሲክ ገእይሮ ግን እማ፣ እንትጝር እን ዓጝቀርድ ይድኖ እግርትኖ ግን። እን ወክት ሲም ኡዝያሩዅሊ ብሪ ውልቅና ሰበትድ እግርድናዅሰና፡ እግርትኖ ግን።  እንሲን ይአደራ ጃር እንትሮ ግን፣ ናውክ እን ሻትካኽር ኒዲ እንትድኖ ግን። \p

14/06.txt

@@ -0,0 +1 @@
+\v 6 እን ግርጋ እንድሂሲ፡ እኻኻዲ ግፍዕዲ ብሪህዲ እኽሮ ኣኽላ። \v 7 እን ግርግኻ በሪህዲ ጭልምዲ እጝጋዅ ኣኽሮ ግን፣ እን ግርጋ ኒኒ ጃርድ አርእስትረሪ ኣኽቶ ግን፣ ኵንጝ ኣኾሰናኻ በሪ ኣኽሮ ግን። \v 8 እን ወክት እንዲስ፡ ዓቝ ፊዅቱ ኢዮሩሳሌምልድ ጅብርዶ ግን፣ በልጛ ብሪ-ክስጛ ገፍድ ህምባዅ በሓርሊ ቡቝትሮ ግን፡ እን በልጛ ኳሪ-ለብ ገፍድ ህምባዅ በሓርሊ ብቝቲሮ ግን፣ ኒጛ፡ ትጟዲ ሽቕዲር ወክትሊ ኣኽሮ ግን።

14/09.txt

@@ -0,0 +1 @@
+\v 9 ጃርኻ ብራ ኒልክሊ ሰየምስሮ ግን፣ እን ግርጋ እንድሂቲ፡ ጃር ላዅ ኣኽሮ ግን፡ ኒስⶖር ኒሰና ላዅ ኣክሮ ግን። \p \v 10 ብራ ኒውክ ጌባዕትልድ ተርዮ፡ ኢዮሩሳሌምልድ ግብለት ገፍድ ህምብረሪ ሪሞንትል ኣኽታሲክ ህምባዅ ሸካ ጣፊሕ ኣኽሮ ግን፣ ኢዮሩሳሌምኻ መራ ብንያምሩዅልድ እን ሰልፋ መሪል ኣኽታሲክ፡ እን መራ ስምጡዅሊ ኣኽታሲክ፡ እን ኳና አወይሲ ህምባዅ ልጝን ሃናንኤልዱዅልድ እን ደቝደቚሰና ሲሙዅሊ ኣኽታሲክ፡ ክብ ይሮ መንደርትቶ ግን። \v 11 ኒል መንደርትድኖ ግን፣ ንድ ደምብኽር ኒዀርስክ ሀገግቶ ኣኽላ፣ ኢዮሩሳሌምኽር ጒኢ ኣጝገት ሰላምድ መንደርትቶ ግን።

14/12.txt

@@ -0,0 +1 @@
+\v 12 ጃር እን ኢዮሩሳሌምቲ ተሓረበውሲ ናትክ እና ጨዓት ንድ ቀጽዕሮሎም፣ ደው ይኖ ዋኑኑ እⶖጕሲ ናስኻ ምሽምሽሮ ግን፣ ናዕልልር ናኣካንሊ ዋኑ ምሽምሽሮ ግን፣ ናላጝቅኻ ናአበል ዋኑ ምሽምሽሮ ግን። \v 13 እን ግርጋ እንድሂሲ፡ ጃር ዕግርግር በሀር ኮት ናዳግሊ ገምድሮሎም ግን፣ ናውኻ ናልድ ላዅክ ናን ኒጨሪዅሲ ሻኽሮ ግን እማ፡ እን ላዅ ላዅሲ ሰብሮሉ ግን።

14/14.txt

@@ -0,0 +1 @@
+\v 14 ይሁዳኻ ኢዮሩሳሌምዲ ተሓረብሮ ግን። እን ንር ላው ሸጝገብል ህምበው ቆምያቱ ርድቕ ናትክሲ፡ ገሪ ደሀብዲ ወርከዲ ሰረንዲት እክብሮ ግን። \v 15 ኒስ ተካዅ ጨዓት ኰዶ፡ እን ኣፍሩስዲ በክልዲ ግሚልዲ ድቛልዲ እን ኣኻ ኣካንሊ ህምበው ማልዲት ናትክ  ጎትሮሎም ግን።

14/16.txt

@@ -0,0 +1 @@
+\v 16 ኒድ ደምብኻ፡ እን ኢዮሩሳሌምዲ ተሓረቡ እርገውልድ ከብተው ቆምያት ናውክ ሲምድ፡ ጃር ጻባኦቱዅሊ ሰገድኖኽር አመራ ሺባ በዓል ዳሱዅሲ በዓልድድኖኽር ፍድኖ ግን። \v 17 እን ብሪል መንደርተው ከው ናውክ ሲምድ፡ ጃር ጻባኦቱዅሊ ሰገድኖ ኢዮሩሳሌምሊ ፋግነን ናድ ስዋ እሲሮሎም ኣኽላ። \v 18 እን ከው ምስሩዅር ኒል ፋግነን፡ ስዋ እሲሮሎም ኣኽላ፣ ኒን፡ እን ጃር በዓል ዳሱዅሲ በዓልድድኖ ፍገው ቆምያትሊ ገምዳዅ ጨዓት ግን።

14/19.txt

@@ -0,0 +1 @@
+\v 19 እና ኒን፡ እን ፍኖ በዓል ዳሱዅሲ በዓልደገው ከው ምስሩዲ ቆምያትዲሲ ናድክድ የመምሳዅ ጨዓት ግን።

14/20.txt

@@ -0,0 +1 @@
+\v 20 እን ግርጋ እንድሂሲ፡ እን ደወል አፍሩስ ክርሚል ኣካዅሊ፡ “ሻትክ ጃርድ” ያዅ ክቱባ እስቲሮሉ ግን፣ እን ልጝን ጃሩዅሊ ህምበው ግፍት እን ሰደቒሰና ጃብል ህምበው ኣድያሰና ሻትካን ኣኽድኖ ግን። \v 21 ኣይዪ ድስ፡ ኢዮሩሳሌምዲ ያሁዳ ብረዲትል ጃርድ ሲረዅ ኣኽሮ፣ እን ሰደቕት ስኵስድኖ እንተረውር ናውክ፡ ድስሲ ኒልድ አድኖ ጊስድኖ ግን፣ እን ግርጋ እንድድ፡ ልጝን ጃር ጻባኦቱዅል ካነኣንዱዅ ኣኻዅ ኒል ኒዀርስክ አርስሮ ኣኽላ።

LICENSE.md

@@ -0,0 +1,29 @@
+
+# License
+## Creative Commons Attribution-ShareAlike 4.0 International (CC BY-SA 4.0)
+
+This is a human-readable summary of (and not a substitute for) the full license found at http://creativecommons.org/licenses/by-sa/4.0/.
+
+### You are free to:
+
+  * **Share** — copy and redistribute the material in any medium or format
+  * **Adapt** — remix, transform, and build upon the material 
+
+for any purpose, even commercially.
+
+The licensor cannot revoke these freedoms as long as you follow the license terms.
+
+### Under the following conditions:
+
+  * **Attribution** — You must attribute the work as follows: "Original work available at https://door43.org/." Attribution statements in derivative works should not in any way suggest that we endorse you or your use of this work.
+  * **ShareAlike** — If you remix, transform, or build upon the material, you must distribute your contributions under the same license as the original.
+
+**No additional restrictions** — You may not apply legal terms or technological measures that legally restrict others from doing anything the license permits.
+
+### Notices:
+
+You do not have to comply with the license for elements of the material in the public domain or where your use is permitted by an applicable exception or limitation.
+
+No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.
+
+This PDF was generated using Prince (https://www.princexml.com/).

front/title.txt

@@ -0,0 +1 @@
+ደካርያስ

manifest.json

@@ -0,0 +1,29 @@
+{
+	"package_version": 6,
+	"format": "usfm",
+	"generator": {
+		"name": "ts-desktop",
+		"build": "132"
+	},
+	"target_language": {
+		"id": "byn",
+		"name": "Bilin",
+		"direction": "ltr"
+	},
+	"project": {
+		"id": "zec",
+		"name": "Zechariah"
+	},
+	"type": {
+		"id": "text",
+		"name": "Text"
+	},
+	"resource": {
+		"id": "reg",
+		"name": "Regular"
+	},
+	"source_translations": [],
+	"parent_draft": {},
+	"translators": [],
+	"finished_chunks": []
+}