adipatealberto_pid_obs_text_obs/19/04.txt

Ajiya ichocaáttu, recuonänu ji̧nü̧ o'caá aje i̧sä̧rä̧mä̧ jowichina̧á̧. Ja̧wa̧nü̧ ji̧yä̧cu̧ Elíasmä juoru räopächu i̧wi̧nü̧ pä̧tȩcuä̧nü̧ rȩjȩcü̧. Juȩnȩ rȩjȩ utawiyänä ki̧nä̧jü̧ yajute recua ki̧tti̧cu̧tä̧, juätu ttu̧cuä̧í̧nä̧ täcü beipächina̧á̧ cuäcuäwä juiyaáttu. Ja̧wa̧nü̧ ja̧á̧nä̧ juätumä tta̧a̧ri̧nä̧tü̧ Elíasru, ja̧wa̧nü̧ jo̧mȩnä̧ Diostä iyinä̧ü̧ ttu̧cuä̧mä̧, ttu̧cuä̧ harina ȩcä̧yu̧i̧nä̧ a̧nȩ i̧sä̧yu̧i̧nä̧ beipächocaá ji̧na̧á̧. Juätumä ttu̧cuä̧ kü̧nä̧ri̧nä̧tü̧ o'cajuiyunä mo̧ro̧tä̧ koromȩttu̧ ttu̧cuä̧ juiyanä̧i̧nä̧. Elíasmä juȩnȩ ki̧nü̧ wäbodäcuänü a̧ȩ jo̧mȩnä̧.