adipatealberto_pid_obs_text_obs/17/12.txt

Betsabé kirecuomä, Urías päü micuinü, ja̧u̧mä̧ David umüwäyotü su̧ro̧da̧u̧ttu̧mä̧ curä rowäü wo̧jui̧nu̧. Ja̧u̧nu̧ pä̧nä̧ Uriasmä curä rowäü ki̧nü̧. Ja̧wa̧nü̧ ja̧á̧ttü̧ Davidmä Uríasrü jittäwa päü weinü curä urowäwomȩttu̧ fa̧ä̧chi̧ü̧ irecua kü̧ja̧á̧ i̧'cha̧ päü. Ja̧wa̧nü̧ ja̧á̧nä̧ Uríasmä ojusodera̧á̧ i̧'cha̧ päocü pi̧nü̧ korotü so̧ro̧da̧u̧ curä tturowäwaánä̧mä̧. Ja̧wa̧nü̧ jo̧mȩnä̧ Davidmä Uríasrü weinü curä tturowäwome fa̧wä̧chä̧ päü, su̧ro̧da̧u̧tu̧ ttu̧ru̧wa̧rü̧í̧nä̧ weinü ttaboiyotü ttujuruwome wearü päü ja̧u̧rü̧ cuäü tticunä. Ja̧wa̧nü̧ ja̧á̧ttü̧ Uríasmä curä tturowäwomȩttu̧ cuäü tticuinä̧cü̧.