adipatealberto_pid_obs_text_obs/44/05.txt

"Ucutumä Pilatorü weinä̧tü̧jä̧ Jesúsrü cuäü icuä päü. Ja̧wa̧nü̧ jȩpü̧ ttä̧'cuä̧rü̧ iyüru cuäü icuinä̧tü̧jä̧, ja̧wa̧nü̧ ja̧á̧nä̧ Diosmä waárettü ttoädinä̧cü̧. Chawaruwä, ucutumä jerupütä jȩpi̧nä̧tü̧jä̧, ja̧wa̧nü̧ ja̧á̧nä̧ Dios umüwäyotü profetatü̧nä̧ ucuocuinümä 'cuäopina̧á̧, juätümä päinä̧tü̧: Cristomä usurä ȩmä̧ü̧ 'corupäiä̧cua̧, päü. Ja̧wa̧nü̧ ja̧á̧ttü̧ jitämä, surojünä jȩ'cuä̧tü̧cu̧ttü̧ cäädiu Dioscü fa̧ä̧chä̧tü̧cui̧, surojünä jȩ'cuä̧tü̧cu̧ jȩpü̧ icuätücuacu."